Ruuka 15:17 - Indagano Inyaaya mu-Chijita

¹⁷ “Ku‑bhuteero, obhwenge bhwaye nibhwamba okumusubha‑mo, ˆneeyayikira omwene ati, ‘Abhakosi bha raata, bhari na ebhiryo bhyafu, abharya nibheeguta okukingira nibhisigara! Nawe anye anu enifwa na omweko.

INDAGANO INYA:YA

¹⁷ Nawe ejire e:inda na:ika ati, Abakosi bo muyero aba rata ni baringa banu abe:guta ebiryo nibatamwa, ka:nye enifwira anu no mweko!

Ruuka 15:17 ပူးပေါင်းရင်းမြစ်များ

Ruuka 15:16

Omumura oyo ˆnoongwa omweko muno, ˆnaakingira okwigomba okurya amasusu ganu jimbiiji ejo jaariga nijirya! Nawe ꞉ataabhonekeene omuunu woonewoone unu ꞉aamuyaaye ebhiryo bhyonebhyone.

Ruuka 16:23

Mbe, omuniibhi oyo, omwanya gunu aanyaakaga muno nyombe eyo, ˆneenamusya ameeso, ˆnaarora Bhurayimu ari kura, na Rajaaro ari mu‑chifubha cha Bhurayimu.

Ruuka 8:35

Abhaanu nibhagenda okwirorera abheene emisango jinu ꞉jaakorekeene, nibhakinga ku‑Yeesu. Abhaanu abho bhejire bhaamukinga‑ko, nibhoobhaya muno okurora omuunu unu aariga awungirwe amasambwa maafu eenyanjire, afwaye emyenda na obhwenge bhwaye bhwone bhumuri‑mo.

Ebikorwa 12:11

Niwo Peetero ˆnaasombookerwa jinu jaamubhona, ˆnaayika ati, “Woori naamenya chimari ati, Raatabhugenyi aatuma maraayika waaye, ˆnaamonʼya okusooka mu‑mabhoko ga Yeroode na okusooka mu‑mabhiibhi goone, ganu Abhayawudi bhakarariiye okunkorera!”

Ebikorwa 2:37

Abhaanu abho bhejire bhoongwa emisango ejo, nibharumwa muno mu‑myoyo jeebhwe. Nibhabhuusya Peetero na jitumwa jeejaabho ati, “Abhayiri bhaasu, woori chikore kutiki?”

Baefeso 5:14

Nikwo okukora ejaayikwa ati, “Rafya awe, unu uwongeeye. Usuuruke okusooka mu‑bhafuuwe, Kirisito arikungʼarabhisya obhweru.”