Ruuka 14:32 - Indagano Inyaaya mu-Chijita

³² Omukama wa abhasirikare ebhiwumbi ekumi, akarora ati atakuja okuyiga riremo eryo, kaatuma abhajuuma bhaaye bhwangwe ku‑mukama owundi wurya, bhagende bhamusabhwe achaari‑wo kura muno ati, riremo risige okubha‑wo, nawe gubhe omurembe.

INDAGANO INYA:YA

³² Araba atakutura, katuma jintumwa nasabwa omure:bo uriya akaba acari kura muno.

Ruuka 14:32 ပူးပေါင်းရင်းမြစ်များ

Matayo 5:25

“Ka wone, araabha omuunu kaakusira ku‑muramusi, yungwana nage bhwangu muchaari ku‑njira. Araabha ukarema okukora kutyo, kaja okukusira ku‑muramusi, omuramusi wone kaja okukusira ku‑musirikare, korereki akubhoye mw‑ibhoyero.

Matayo 5:42

Ka wone, omuunu aakakusabhwa echiinu, muyaane. Omuunu aakakusabhwa ati, umubhaanje waasiga okumwima.

Ruuka 12:58

Omwanya gunu owugenda mw‑iramuriro aamwi na omuunu unu kaakusitaaka, ikomeesya uungwane nage, muchaari ku‑njira. Araabha ukarema okukora kutyo, kaja okukusira ku‑muramusi. Omuramusi oyo wone, kaja okukusira ku‑mukuru wa abhasirikare, korereki akubhoye mw‑ibhoyero.

Ruuka 14:31

“Echijekekanyo echindi ni chinu, ni mukama ki, unu akeenda okuja okurwana riremo na omukama owundi, atakwinyanja okwamba eeganirisye araabha omwene na abhasirikare bhaaye ebhiwumbi ekumi, kaatura okurwana na omukama owundi oyo, unu ari na abhasirikare ebhiwumbi makumi gabhiri.

Ruuka 14:33

“Nyabhuriko kw‑imwe wone, omuunu unu atakutura okusiga ebhiinu bhyone bhinu ari nabhyo, atakutura okubha omwiyigisibhwa waani.

Ruuka 19:14

“Nawe abhaanu bha echaaro chaaye bhaariga bhamusokere muno. Kurwa ejo, nibhatuma abhajuuma bhamujee‑ko, bhamubhwire ati, ‘Chitakwenda omuunu unu, abhe omukama weeswe!’

Ebikorwa 12:20

Omukama Yeroode aariga abhiyiririwe muno abhaanu bha mu‑misi ja Tiiro na Sidooni. Abhaanu abho ꞉bheekirisyanyiisye aamwi, nibhatuma abhaanu ku‑Yeroode okusabhwa ati bhoongwane, bhabhe na omurembe, kwa okubha emisi jeebhwe jaabhonaga ebhiryo okusooka mu‑chaaro cha Yeroode. Abhaanu abho nibharembeja Bhurasito, unu aariga ari omwangarisi wa inju ya Yeroode, eekirisyanye nabho imbere ya Yeroode.