Ruuka 14:13 - Indagano Inyaaya mu-Chijita

¹³ “Nawe, ukeeraabhira abhaanu ebhiryo bhya obhugenyi, uraasisyega abhataka, abharema, na abhawofu.

INDAGANO INYA:YA

¹³ Nawe ukate:ka amarya, ukokega abataka na barema na batigisi na baofu.

Ruuka 14:13 ပူးပေါင်းရင်းမြစ်များ

Matayo 15:30

Abhaanu bhaafu muno nibhagenda ku‑Yeesu, nibhamusirira abhafuuwe bha amaguru, abhawofu, abharema, abhajibhi na abharwaye abhandi bhaafu. Abharwaye abho bhoone nibhatuurwa ayeeyi na amaguru ga Yeesu, omwene ˆnaabhawosya.

Matayo 22:10

Abhakosi abho, nibhagenda nibheemereeguru ku‑njira eyo, nibhasubha bhakofiifye abhaanu bhoone bhanu bhaabhuganaga nabho, bhabhe abhajabhi amwi bha ekisi. Niwo abhagenyi nibheengira mu‑rubhuga rwa obhuregesi okukingira nirwijura.

Ruuka 11:41

Muyaanega abhanare ebhiinu kwa emyoyo jeemwe joone, niwo bhyone ebhibha bhyosiibhwe kwa emwe.

Ruuka 14:12

Neeya, Yeesu ˆnaabhwira unu aariga amukokere ati, “Ukeeraabhira abhaanu ebhiryo bhya mu‑mwisi amwi bhya keegoro bhya obhugenyi, waasiga okukoka abhasaani bhaawo, abhayiri bhaawo, abhaanu bha mu‑ruganda rwawo na abheekasyanya bhaawo na abhaniibhi era. Ukakora kutyo, abheene wone bharikukoka eweebhwe. Kurwa ejo, uriifurwa uriyirwe kwa okubha waakokwa.

Ruuka 14:14

Niwo uriyaanwa amabhando, kwa okubha abheene abho bhatari na echiinu cha okukuriya. Kurwa ejo, Nyamuwanga arikuriya omwanya gunu arisuurura abharengeresi.”

Ruuka 14:21

“Omugaya oyo ejire aasubha, ˆnaabhwira omwami waaye emisango ejo joone. Mbe, omwami waaye oyo ˆnaabhiyirwa, ˆnaabhwira omugaya waaye ati, ‘Genda bhwangubhwangu ku‑njira jinene na ku‑bhiyira ebhitooto bhya mu‑musi gunu, ubhareete anu abhataka, abhawofu, na abharema.’

Ebikorwa 9:39

Mbe, Peetero ˆneemuka, ˆnaagenda aamwi nabho. Omwanya gunu ꞉bhaakingire Yoopa, nibhamusira mu‑chisago echo. Omwo abhatumbagasi bhaafu nibhabha ayeeyi nage nibhariraga na okumweresya emingiro na emyenda ejindi jinu Tabhiija aariga abhabhaririiye omwanya gwa obhuwanga bhwaye.

1 Timoteo 3:2

Mbe, bhuri mwangarisi wa rikanisa, abhe omuunu unu atari‑ko esoro. Abhe murume wa omugasi umwi era, abhe omwiyingirisi, ka wone abhe na obhwengeeso, omuunu unu kaayaanwa echibharo, omufura na abhe omuunu unu kaamenya okwiyigisya.

1 Timoteo 5:10

Abhe omuunu wa jikuma ja ekisi, abhe eeyigisiisye abhaana bhaaye jitungwa ja ekisi, abhe akumire abhagenyi, abhe oosiisye abheeru amaguru, abhe asakiiye abhaanu bhanu bhari mu‑nyaako, ka wone, abhe eekomeesiisye okukora ebhikorwa bhyone bhya ekisi.

Tiito 1:8

Tari abhe mufura, abhe omwendi wa ja ekisi, abhe na obhwengeeso, abhe omurengeresi, abhe omweru, abhe na obhuturo bhwa okwiyingirira omwene.

Filemoni 1:7

Omuyiri waani, waankondisya na okunsiiriisya muno, kwa okubha eryenda ryawo, ryakora emyoyo ja abheekirisya abheejaanyu jisandabhe.

Baeburania 13:2

Ka wone mugenderere okukuma abhagenyi mu‑nju jeemwe, okubha ku‑njira eyo, abhaanu abhandi ꞉bhaakumire bhamaraayika wa Nyamuwanga okumenya wuri ati ni bhamaraayika.