Ruuka 13:21 - Indagano Inyaaya mu-Chijita

²¹ Obhukama obhwo, bhuri rwa echifwimbya chinu omugasi kaagega na okusaasya mu‑syano ja ingano, ˆnaajituura mu‑madebhe gasatu. Echifwimbya echo, nichireterera jisyano joone okufwimba.”

INDAGANO INYA:YA

²¹ Obususana ne cifwimbya cinu omugasi uyo agegere nacibisa mu bi:bo bisatu ebya ji:fu, nijifwimba jo:ne.

Ruuka 13:21 ပူးပေါင်းရင်းမြစ်များ

Matayo 13:33

Yeesu ˆnaabhabhwira rindi echijekekanyo echindi, ˆnaayika ati, “Obhukama bhwa mu‑rwire bhuri rwa echifwimbya chinu omugasi kaagega na okusaasya mu‑syano ja ingano, ˆnaajituura mu‑madebhe gasatu. Echifwimbya echo, nichireterera jisyano joone okufwimba.”

Ruuka 13:20

Yeesu ˆnaabhabhwira rindi rwa kabhiri ati, “Angu obhukama bhwa Nyamuwanga nibhususanye na ki?

Yowana 15:2

Bhuri tabhi rinu ritakutwasya amatwasyo keenu riri kw‑anye, Raata kaaritema okusooka kw‑anye. Nawe bhuri tabhi rinu eritwasya amatwasyo, Raata kaarikongorera korereki ritwasye amatwasyo maafu muno.

Yowana 4:14

Nawe omuunu unu kaanywa amanji ganu anye enimuyaana, atakuja okuungwa obhwiro noorwo na akatyari kajaanende koone. Amanji ganu enija okumuyaana, agaja okubha rwa omumiro gwa amanji mu‑mwoyo gwaye ganu agabhogomera obhuwanga bhwa akajaanende koone.”

1 Bakorinto 5:6

Orwikuuya rwemwe rutari rwa kisi. Mutakumenya ati echifwimbya chitooto era, echisangʼarasya echirengo choone?

Bafilipi 1:6

Nimenyere chimari omusango gunu ati Nyamuwanga unu ꞉aambire omurimu gwa ekisi mu‑myoyo jeemwe, arigugenderesya okukingira gukuumire orusuku rurya Kirisito Yeesu arisubha.

Yakobo 1:21

Kurwa ejo, musige ebhibhiibhi na ebhikorwa ebhibhiibhi bhyone. Mwikirisye kwa obhworooro omusango gunu Nyamuwanga ꞉aayambire mu‑myoyo jeemwe, kwa okubha ogwo, nigwo ogutura okubhachungura.