Ruuka 12:5 - Indagano Inyaaya mu-Chijita

⁵ Nawe, enija okubheeresya unu mwenderwe okuubhaya. Muubhaye Nyamuwanga, kwa okubha akamara okwita omuunu, ari na obhuturo bhwa okumwesa mu‑muriro gwa akajaanende koone. Mbe, muubhaye omwene eenyere.

INDAGANO INYA:YA

⁵ Nawe enibabwira unu muro:bayaga. Mu:bayega oyo akamara okwita ari no buinga okwesa mu nyanja yo muriro. Mbe enibabwira ati, Oyo niwe muro:bayaga.

Ruuka 12:5 ပူးပေါင်းရင်းမြစ်များ

Matayo 10:28

Mwasiga okuubhaya abhaanu bhanu abhatura okwita omubhiri era, nawe bhatakutura okwita omwoyo. Emwe muubhayega Nyamuwanga eenyere, kwa okubha omwene niwe kaatura okusingaarisya omubhiri na omwoyo mu‑muriro gwa akajaanende koone.

Matayo 25:41

“Niwo, niribhwira bhanu bhari rubhaara rwani rwa ebhumoosi ati, ‘Musooke anu, emwe bhanu Nyamuwanga eeyiimire! Mugende mu‑muriro gwa akajaanende koone gunu Nyamuwanga eeraabhire inguru ya Syetaani na bhamaraayika bhaaye.

Matayo 25:46

“Kurwa ejo, abhakosi bha ebhibhiibhi abho, bharigenda okuramira jimbuma ja akajaanende koone. Nawe abharengeresi imbere ya Nyamuwanga, abho bhariingira mu‑bhuwanga bhwa akajaanende koone.”

Matayo 5:22

Nawe anye enibhabhwira ati, omuunu woonewoone unu kaasoka oweejaabho, kaakenwa aramurwe. Ka wone, woonewoone unu kaafuma oweejaabho ati, ni mutaamutaamu, omwene wone kaakenwa aramurwe kw‑ibharaja rikuru rya Abhayawudi. Omuunu woonewoone unu kaafuma oweejaabho ati, ni mumuumu, kaakenwa eeswe mu‑muriro gwa akajaanende koone!

Mariko 13:23

Mbe, mwiyangarire! Anye naatangata okubhabhwira joone ejo jichaari okukorekana.

1 Batesalonika 4:6

Kurwa ejo, omuunu woonewoone asige okukayira oweejaabho, noorwo okumujiga. Rwa kutyo ꞉chaabhabhwiriiye na okubhagaanya ku‑bhwambiro ati, Raatabhugenyi Yeesu niwe kaasubhya orusiima ku‑bhaanu bhoone bhanu abhakora ebhibhiibhi ebhyo.

Baeburania 10:31

Ni musango gwa okuubhaya muno omuunu okugwa mu‑mabhoko ga Nyamuwanga omuwanga.

2 Petero 2:4

Nikwo kutyo bhamaraayika bhanu ꞉bhaakorere ebhibhiibhi, Nyamuwanga ꞉ataabhasigire, tari ꞉aabheesere nyombe, anu bhabhoyerwe na amaseega. Mu‑chisuute echirafuru cha nyombe eyo, abharindirira orusuku rurya rwa okuramurwa.

Obhusweruro 14:7

Mbe, maraayika oyo, ˆnaamura obhuraka ˆnaayika ati, “Mugayuke, muramye na okukuuya Nyamuwanga, okubha omwanya gwa okuramura abhaanu gwakingire. Muramye unu ꞉aabhumbire orutumba, echaaro, inyanja na emimiro ja amanji.”

Obhusweruro 15:4

Raatabhugenyi, niga unu atarikuramya? Raatabhugenyi, niga unu atarikuuya risiina ryawo? Okubha awe omwene era, niwe Omweru. Abhaanu bha amaanga goone bhariija na okukuramya, kwa okubha ebhikorwa bhyawo bhya obhurengeresi ebhibhonekana abhwerubhweru.”

Obhusweruro 20:14

Ejo jejire jaawa, orufu na nyombe nibhyeswa mu‑nyanja ya omuriro omururu. Inyanja ya omuriro eyo, nirwo orufu rwa kabhiri.