Ruuka 12:19 - Indagano Inyaaya mu-Chijita

¹⁹ Niwo enija okwiyayikira mu‑mutima gwani ati, “Woori neebhiikira ebhibhiikwa bhyafu bhya ekisi. Ebhibhiikwa ebhyo ebhija okungega‑wo emiguuga myafu! Mbe, niisye omwoyo, nirye, ninywe na okukonderwa!”’

INDAGANO INYA:YA

¹⁹ Kumara ndibwira Omwoyo gwani ati, Mwoyo gwani, uri ne bi:nu byafu binu wibi:kiye bya myaka myafu. Isya omwoyo, urye, unywe, usandabe.

Ruuka 12:19 ပူးပေါင်းရင်းမြစ်များ

Ruuka 12:18

Neeya, ˆnaayika ati, ‘Woori nikore kutya. Enija okufumura ebhitara bhyani, na okuruka ebhitara ebhindi ebhinene muno. Omwo nimwo enija okutuura ebhigeswa bhyani bhyone, aamwi na ebhiinu ebhindi.

Ruuka 16:19

Yeesu ˆnaagenderera okubhabhwira echijekekanyo ati, “Aariga ari‑wo omuniibhi umwi. Omuniibhi oyo, aariga ˆnaafwara emyenda ja ekisi, ja irangi ya ijambarawu ja obhugusi obhurambu. Bhuri rusuku aaryaga na okunywa rwa omuunu unu ari na obhugenyi.

Ruuka 21:34

“Mwikenge! Emyoyo jeemwe jaasiga okwisigomba kukora jitungwa jimbiibhi, obhunanamba, obhukorwa, na echibhabhuko cha obhurame. Mukarema okutengeeja, orusuku rwa okusubha anye Omwana wa Omuunu ruribhatakya!

1 Bakorinto 15:32

Araabha obhwiyikanyo bhwani bhukabheeye bhwa ku‑chaaro kunu era, okurwana kwani na jityanyi jinduru mu‑musi gwa Yefeeso nikabhwene‑mo ki? Araabha abhafuuwe bhatakusuururwa, mbe, “Chirye na chinywe, kwa okubha mutondo echifwa.”

Bafilipi 3:19

Abhaanu abho bharisingaarisibhwa ku‑bhuteero, kwa okubha inda niryo risambwa ryebhwe. Abheene abheekuuyisya ebhikorwa bhya jiswaro bhinu abhakora. Ka wone abheeganirisya era emisango ja ku‑chaaro.

1 Timoteo 5:6

Nawe omutumbagasi unu atakutura okwiyangarira, oyo ari rwa omufuuwe noorwo kutyo kaabhonekana okubha omuwanga.

1 Timoteo 6:17

Ukomeeresyega abhaniibhi bha ebhiinu bhya mu‑chaaro munu ati bhasige okwikuuya, noorwo okwiyikanya obhuniibhi bhwebhwe. Obhuniibhi obhwo ni bhwa kasinjeeke era. Tari bheeyikanye Nyamuwanga unu mu‑bhufura bhwaye kaachiyaana ebhiinu bhyone bhinu echikena, korereki chibhikondererwe.

2 Timoteo 3:4

bharibhaga nibharomera abheejaabho iniku, bharibhaga bhamaayuke na abha okwikumangya. Bharibhaga bhatakwenda Nyamuwanga, tari bharyendaga emisango ja echaaro muno.

Yakobo 5:5

Mwikaaye na okukondererwa obhuniibhi bhwemwe obhwafu ku‑chaaro kunu na okuyama rwa ityanyi inu yeeyire ku‑rusuku rwa okwitwa.

1 Petero 4:3

Kara awo, mwariga nimukora rwa kutyo abhaanu bhanu bhatakwikirisya Nyamuwanga bhaakoraga. Mwaruubhaga obhurigire bhwemwe obhubhiibhi na orukubho. Ka wone mwariga muri bhakorwa na okwenda muno jichikukuru ja ku‑chaaro, na mwariga nimuramya amasusano. Omwanya gwemwe gwa okukora emisango ejo gweyire.

Obhusweruro 18:7

Mumubhume jimbuma na okumunyaasya okwingana na kutyo ꞉aakorere okwibhonera echibharo na obhuniibhi. Okubha omwene keeyema mu‑mwoyo gwaye, ˆnaayika ati, ‘Niinyanjire okutunga rwa omugore, noorwo anye nitaribha omutumbagasi, kwa okubha nitari na omurume, nitarisurumbara wuri!’