Ruuka 12:17 - Indagano Inyaaya mu-Chijita

¹⁷ Omuniibhi oyo, ˆneebhuusya mu‑mutima gwaye ati, ‘Nikore kutiki woori? Nitari na owa okutuura ebhigeswa bhyani bhinu!’

INDAGANO INYA:YA

¹⁷ Neganirisya munda yae ati, ?Nje nikore kutiki okuba nitana wa kutu:ra omuuro gwani?

Ruuka 12:17 ပူးပေါင်းရင်းမြစ်များ

Matayo 16:7

Abheeyigisibhwa bhaaye nibhaamba okwayikana abheene kwa abheene ati, “Kaayika kutyo, kwa okubha chaarabhirwa okugega emikaate.”

Matayo 5:42

Ka wone, omuunu aakakusabhwa echiinu, muyaane. Omuunu aakakusabhwa ati, umubhaanje waasiga okumwima.

Ruuka 10:25

Rusuku rumwi, omwiyigisya umwi wa ebhiraagiro bhya Muusa ˆneemereeguru, ˆnaabhuusya Yeesu omusango gwa okumuregeeja ati, “Omwiyigisya, nikore kutiki korereki nibhone obhuwanga bhwa akajaanende koone?”

Ruuka 11:41

Muyaanega abhanare ebhiinu kwa emyoyo jeemwe joone, niwo bhyone ebhibha bhyosiibhwe kwa emwe.

Ruuka 12:16

Neeya Yeesu, ˆnaabhabhwira echijekekanyo, ˆnaayika ati, “Aariga ari‑wo omuniibhi umwi, unu risambu ryaye ryariga riwundisye muno.

Ruuka 12:18

Neeya, ˆnaayika ati, ‘Woori nikore kutya. Enija okufumura ebhitara bhyani, na okuruka ebhitara ebhindi ebhinene muno. Omwo nimwo enija okutuura ebhigeswa bhyani bhyone, aamwi na ebhiinu ebhindi.

Ruuka 12:22

Ka wone, Yeesu ˆnaabhwira abheeyigisibhwa bhaaye ati, “Mbe enibhabhwira ati, mwasiga okuyaya inguru ya obhurame bhwemwe ati, murirya ki, amwi emibhiri jeemwe ati murifwara ki.

Ruuka 12:29

“Mbe, emwe mwasiga okunyaaka ati, omuja okurya ki, amwi omuja okunywa ki. Mwasiga okuyaya inguru ya ejo!

Ruuka 12:33

Mugusye ebhiinu bhyemwe, jiyera jinu omuja okubhona okuruubhana na ebhiinu ebhyo, muyaane abhataka. Mwibhariirire jisagwa jinu jitakunyamuka, na okwibhiikira ebhibhiikwa mu‑rwire anu bhitakugeruka‑ko. Eyo niwo omwifi atakukinga, korereki eebhe, noorwo amayeenje gatakunyamura.

Ruuka 16:3

“Omwangarisi oyo, ˆneebhuusya ati, ‘Mwami waani keenda okumbirimya emirimu. Woori nikore kutiki? Nitari na amanaga ga okurima, na enirora jiswaro okusabhiirisya.

Ruuka 16:9

Ka wone, enibhabhwira ati, obhuniibhi bhwa echaaro chinu bhuriwaa‑wo. Woori, musakirega abhaanu abhandi ku‑bhuniibhi bhunu muri nabhwo, niwo muribhonera abhasaani. Araabha murikora kutyo, Nyamuwanga aribhakuma mu‑bhwikaro bhwaye bhwa akajaanende koone.

Ruuka 18:22

Yeesu ejire oongwa ejo, ˆnaamubhwira ati, “Ugerukiiywe‑wo omusango gumwi era. Genda ugusye ebhiinu bhyone bhinu uri nabhyo. Jipirya jinu uribhona, ugabhire abhataka. Urikora kutyo uribhiikira ebhibhiikwa mu‑rwire. Ukamara uuje unduubhe.”

Ruuka 19:17

Omukama oyo, ˆnaamubhwira ati, ‘Ukorere kisi, omugaya waani omwiyikanyibhwa! Okubha waabha omwiyikanyibhwa ku‑misango emitooto, woori owuja okubha omutungi inguru ya emisi ekumi.’

Ruuka 3:11

Omwene ˆnaabhasubhya ati, “Omuunu akabha ari na emyenda ebhiri, agabhire‑ko omuunu unu atari nagwo. Omuunu akabha ari na ebhiryo, wone agabhire‑ko abha omweko.”

Ebikorwa 16:30

Akatungu katooto okutura, omuriisi urya ˆnaawuruka na Pawuro na Siira mw‑ibhoyero, ˆnaabhabhuusya ati, “Emwe abhaami bhaani, nikore kutiki korereki nichunguke?”

Ebikorwa 2:37

Abhaanu abho bhejire bhoongwa emisango ejo, nibharumwa muno mu‑myoyo jeebhwe. Nibhabhuusya Peetero na jitumwa jeejaabho ati, “Abhayiri bhaasu, woori chikore kutiki?”

Barumi 12:13

Musakire abheekirisya abheejaanyu mu‑bhukene bhwebhwe, ka wone mubhe bhaangu okukuma kisi abhagenyi mu‑misi jeemwe.

1 Timoteo 6:17

Ukomeeresyega abhaniibhi bha ebhiinu bhya mu‑chaaro munu ati bhasige okwikuuya, noorwo okwiyikanya obhuniibhi bhwebhwe. Obhuniibhi obhwo ni bhwa kasinjeeke era. Tari bheeyikanye Nyamuwanga unu mu‑bhufura bhwaye kaachiyaana ebhiinu bhyone bhinu echikena, korereki chibhikondererwe.

1 Yoana 3:16

Mbe, Kirisito ejire aachifwira ꞉aacheeresiisye kutyo eryenda rya echimari riri. Eswe wone kutyokutyo, echikenwa chiikirisye noorwo okufwira abheejaasu.