Ruuka 11:9 - Indagano Inyaaya mu-Chijita

⁹ “Kurwa ejo, anye wone enibhabhwira ati, musabhwega Nyamuwanga, kaja okubhayaana chinu omumusabhwa. Muyenjega ku‑Nyamuwanga, kaja okubhayaana chinu omuyenja. Mwibhuurega ku‑Nyamuwanga, kaja okubheegurira orwigi.

INDAGANO INYA:YA

⁹ Nanye enibabwira ati, Musabwe muriyanwa, muyenje muribona, mwibu:re muri:gurirwao.

Ruuka 11:9 ပူးပေါင်းရင်းမြစ်များ

Matayo 21:22

Araabha muri na eriikirisya, choonechoone chinu omusabhwa ku‑Nyamuwanga, muriramira.”

Matayo 21:31

“Woori angu, mu‑bhabhiri abho, niga unu ꞉aakorere rwa kutyo esemwene ꞉eendere?” Abhakuru bha abhagabhisi na abhakuru bha Abhayawudi bharya, nibhamusubhya ati, “Ni urya wa okwamba.” Niwo Yeesu ˆnaayika ati, “Ni chimari enibhabhwira ati, abhatobhesya bha rigooti na abhagasi bhanu abheegusya okwibhonera ribhona, bharibhatangatira okwingira mu‑bhukama bhwa Nyamuwanga.

Matayo 6:29

Enibhabhwira ati, noorwo omukama Seremaani mw‑ikusyo ryaye ryone, ꞉ataafwaye kisi rwa obhwaso obhwo!

Mariko 11:24

Kurwa ejo enibhabhwira ati, emisango jinu omwirembeeresya nimusabhwa ku‑Nyamuwanga, mwikirisyega ati mwajiramira, murijibhona.

Mariko 13:37

Omusango gunu enibhabhwira, nigwo enibhwira abhaanu bhoone ati, bhatengeeje.”

Ruuka 11:10

Omuunu woonewoone unu kaasabhwa, kaja okuyaanwa. Omuunu woonewoone unu kaayenja, kaja okubhona, na omuunu woonewoone unu keebhuura, kaja okwigurirwa.

Yowana 14:13

Araabha mukasabhwa echiinu choonechoone kw‑isiina ryani, anye enija okubhakorera. Kurwa ejo, rikusyo rya Raata riribhonekana okutura kw‑anye Omwana waaye.

Yowana 15:16

Mutari emwe bhanu ꞉mwansorere anye, tari naanye ꞉naabhasorere emwe. ꞉Naabhasorere, korereki mugende mutwasye amatwasyo ganyatawaa‑wo wuri. Mukakora kutyo, joone jinu omuja okusabhwa okutura kw‑isiina ryani, Raata kaja okubhayaana.

Yowana 15:7

Araabha mukabha na obhumwi na anye, na emisango jaani jikabha mu‑myoyo jeemwe, mbe woori musabhwe Raata choonechoone chinu omwenda, omwene kaja okubhayaana.

Yowana 4:10

Yeesu ˆnaamusubhya ati, “Araabha ukabheeye nuumenya echiyaanwa cha Nyamuwanga, na unu kaakusabhwa amanji ga okunywa, waakamusabhirwe, na omwene aakakuyaaye amanji ganu agasoosya obhuwanga.”

Barumi 2:7

Nyamuwanga ariyaana obhuwanga bhwa akajaanende koone abhaanu bhanu abheegumiirisya mu‑kukora ja ekisi okuyigwa wuri, inguru ya okuyenja rikusyo na echibharo na obhuwanga bhunu bhutakunyamuka okusooka ku‑mwene.

2 Bakorinto 6:2

Okubha Nyamuwanga kaayika mu‑Bhikaame Ebhyeru ati, “Omwanya gunu ꞉gweekirisiibhwe, ꞉naakutegeresiisye, orusuku rwa obhuchungusi, ꞉naakusakiiye.” Mbe tegeresya, omwanya gunu gwikirisiibhwe nigwo gunu, orusuku rwa obhuchungusi nirwo runu!

Baeburania 11:6

Atari‑wo omuunu unu kaatura okukondisya Nyamuwanga araabha atakumwikirisya. Bhuri muunu unu keenda okufogera ku‑Nyamuwanga, eenderwe okwikirisya ati Nyamuwanga ari‑wo, ka wone niwe kaayaana echiyaanwa bhanu abheenda okumusombookerwa.

Baeburania 4:16

Kurwa ejo chibhe na ribhaasi mu‑kufogera ku‑chitebhe cha ingʼoma cha Nyamuwanga, korereki achiyaane echigongo na obhwitiriranya bhwa okuchisakira omwanya gwa obhukene bhweswe.

Yakobo 1:5

Nawe araabha ari‑wo omuunu mw‑imwe unu akeeyeeywe obhwengeeso, kaakenwa asabhwe Nyamuwanga, omwene arimuyaana. Okubha Nyamuwanga kaayaana abhaanu bhoone, ku‑bhwafu, noorwo atakugonya wuri.

Yakobo 5:15

Bhakamusabhirwa bhari na eriikirisya, omurwaye oyo ariwora. Raatabhugenyi arimwinamusya na araabha aariga akorere ebhibhiibhi, arifwirwa echigongo ebhibhiibhi ebhyo.

1 Yoana 3:22

Ka wone, bhuri chiinu chinu echisabhwa ku‑Nyamuwanga kaachiyaana, kwa okubha echigayuka ebhiraagiro bhyaye na okukora jinu ejimukondera.

Obhusweruro 2:24

Woori emwe mw‑ikanisa rya Tiyaatira, agati yeemwe bhari‑wo abhandi bhanu bhari abheeyikanyibhwa. Abhaanu abho bhatakuruubha ameeyigisyo ga Yejebheeri oyo, noorwo bhatakumenya emisango jinu abhaanu abhandi abhatoga ati ni emisango ja imbisike muno. Chimari emisango ejo ni meeyigisyo ga Syetaani! Tari abhaanu abheeyikanyibhwa bharya, enibhabhwira ati, nitaribhoongesya‑ko omugugu ogundi,