Ruuka 11:49 - Indagano Inyaaya mu-Chijita

⁴⁹ “Nikwo okukora Nyamuwanga ꞉aayikire ku‑bhwengeeso bhwaye ati, ‘Enibhatumira abharagi bha Nyamuwanga na jitumwa. Nawe abhandi bhariitwa, na abhandi bharinyaasibhwa.’

INDAGANO INYA:YA

⁴⁹ No bwenge bwa Nyamuanga kwobwakorere nibwaika ati, Ndibatumira abaragi na jintumwa. Abandi baribe:ta nibabanya:sya.

Ruuka 11:49 ပူးပေါင်းရင်းမြစ်များ

Matayo 22:6

Abhandi nibhagwata abhakosi bha omukama, nibhabhabhuma na okubheeta.

Ruuka 11:48

Kurwa ejo, omweresya ati, omwikirisyanya jinu bhasaaja weemwe ꞉bhaakorere, kwa okubha omuumbaka ebhituuro bhya abharagi abho keenu mugayaga emisango jeebhwe.

Ruuka 24:47

Abhaanu bha amaanga goone okwambira Yerusareemu, bhariraasibhwa okuta na okufwirwa echigongo ebhibhiibhi bhyebhwe kwa risiina ryaye.

Yowana 16:2

Abhaanu bharibhakindika mu‑nju ja ameekofyanyo. Oguuja omwanya gunu bhuri muunu unu aribheetaga, ariitogera ati kaakora emirimu ja Nyamuwanga.

Ebikorwa 1:8

Nawe muriramira amanaga omwanya gunu Mwoyo Mweru ariija kw‑imwe, muribha abhabhambaasi bhaani mu‑Yerusareemu na mu‑mbaara ejindi joone ja echaaro cha Yuudeya na echa Samaariya, na okukingira ku‑bhuteero bhwa echaaro choone.”

Ebikorwa 11:27

Mu‑siku ejo abharagi okusooka Yerusareemu ꞉bheejire Atiyookiya.

Ebikorwa 22:20

Ka wone, bhunu isagama ya omubhambaasi waawo Tefwano ꞉yeetikire, naanye ꞉neemereeguuyu awo ninikirisyaga ati eetwe. Naanye naangariraga emyenda ja bhanu ꞉bhaamwitire.’

Ebikorwa 7:57

Nawe abhakuru bha Abhayawudi abho nibhamwaya muno, nibhasibhaga amatwi geebhwe kwa amabhoko. Bhoone nibheejungira Tefwano kwa obhumwi, nibhamugwata,

Ebikorwa 8:3

Omwanya ogwo Saawuri ˆnaamba okunyaasya abheekirisya bha Yeesu. Omwene aariga ˆneengira mu‑nju jeebhwe, ˆnaagwataga abharume na abhagasi kwa amanaga, ˆnaabhasira mw‑ibhoyero.

1 Bakorinto 1:24

Nawe ku‑bhaanu bhanu Nyamuwanga ꞉aabhirikiiye okubha abhaanu bhaaye, bhabhe Abhayawudi amwi bhabhe Abhayunaani, Kirisito niwe amanaga ga Nyamuwanga na obhwengeeso bhwa Nyamuwanga.

1 Bakorinto 1:30

Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

Baefeso 4:11

Omwene niwe ꞉aawuuwe abhaanu abhandi okubha jitumwa, abhandi abharagi, abhandi abharaasya, abhandi abhareefi na abheeyigisya.

Bakolosai 2:3

Mu‑mwene oyo nimwo bhibhisirwe ebhibhiikwa bhyone bhya obhwengeeso na okusombookerwa.

Obhusweruro 16:6

Okubha abhaanu abhabhiibhi ꞉bheetire isagama ya abheeru bhaawo na abharagi bhaawo, Raatabhugenyi awe, wabhayaana isagama, bhanywe. Bheeyire jimbuma ejo!”

Obhusweruro 18:20

Mukonderwe emwe bhanu mwikaaye mu‑rwire. Mukonderwe, emwe abheeru bha Nyamuwanga, jitumwa na abharagi, kwa okubha Nyamuwanga aasoosya indamu ku‑musi ogwo ku‑jinu ꞉gwabhakoreeye.