Ruuka 11:42 - Indagano Inyaaya mu-Chijita

⁴² “Jiribhabhona, emwe Abhafarisaayo! Okubha omusoosisya Nyamuwanga ijaaka ya omutootoji, omuchicha na emikubhi ejindi, keenu nimusiga okukorera abhaanu abhandi emisango ja rirenga na okwenda Nyamuwanga. Ejo jeenderwe mujikore, aamwi na okumusoosisya jijaaka ejo.

INDAGANO INYA:YA

⁴² Nawe jiribabona emwe Abafarisayo! Okuba omugwata omugabo gwa rikumi ku mutekere na warari, ne mikubi jo:ne, nawe nimusiga oburengeresi no kwenda kwa Nyamuanga. Kube:ire okukora ejo, nawe kusiga jiriya uri.

Ruuka 11:42 ပူးပေါင်းရင်းမြစ်များ

Matayo 23:13

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omuyingirira abhaanu okwingira mu‑bhukama bhwa mu‑rwire kwa ameeyigisyo geemwe. Emwe abheene mutakwingira, ka wone mutakwikirisisya abhaanu abhandi bhanu abheenda okwingira. [

Matayo 23:23

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omugwata ebhiraagiro bhya okusoosya imwi ya rikumi noorwo ku‑bhiinu bhya obhurambu bhutooto muno, rwa omutootoji, ebhinjari na obhukaanu. Nawe, musigire emisango ja bhusibhusi muno ku‑bhiraagiro bhya Muusa. Musigire okukora rirenga, okubha na echigongo na okubha abheeyikanyibhwa ku‑Nyamuwanga na ku‑bhaanu abhandi. Tari omukenwa okukora joone ejo, eminene na emitooto.

Matayo 23:27

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha muri rwa ebhituuro bhinu bhinaaribhwe na ichokaa. Anja ebhibhonekana ati bhikondere, nawe mu‑nda bhiijuuye amawa ga abhafuuwe na obhukoote bhwa bhuri mbaga.

Ruuka 18:12

Anye eniiyima ebhiryo kabhiri ku‑bhwoyo na kw‑ibhona rinu enibhona, enikusoosya‑ko ijaaka.’

Yowana 5:42

Nawe anye nimenyere kutyo muri, nimenyere ati, eryenda rya Nyamuwanga ritari mu‑myoyo jeemwe.

1 Yoana 4:20

Omuunu woonewoone unu kaayika ati keenda Nyamuwanga, keenu ˆnaasoka oweejaabho, ni mubheeyi. Echimenya ati ni mubheeyi, kwa okubha, aakasoka oweejaabho unu kaarora bhuri rusuku, atakutura okwenda Nyamuwanga unu achaariga okubhuganganya ameeso aamwi nage.