Ruuka 11:26 - Indagano Inyaaya mu-Chijita

²⁶ Rikamukinga‑ko nirisongʼana ati, ari rwa inju inu itari‑mo echiinu, yeereeywe na ichumachumirwe kisi. Niwo, erigenda okureeta amasambwa agandi gataanu na gabhiri ganu gari amajabhi muno okukira eryene. Ago goone, ageengira na okurama mu‑muunu oyo. Ku‑bhuteero, itungwa ya omuunu oyo eyibha mbiibhi muno okukira kutyo yaariga iri ku‑bhwambiro.”

INDAGANO INYA:YA

²⁶ Mbe nigugenda nigure:ta emisambwa jindi eta:nu ne:biri mibi:bi kukira ogwene, nijingira nijiba omwo. Mbe ebya ku bute:ro byo mu:nu uyo ebibi:ya kukira ebyo kwamba.

Ruuka 11:26 ပူးပေါင်းရင်းမြစ်များ

Matayo 12:45

Niwo, erigenda okureeta amasambwa agandi gataanu na gabhiri ganu gari amajabhi muno okukira eryene. Ago goone ageengira na okurama mu‑muunu oyo. Ku‑bhuteero itungwa ya omuunu oyo, eyibha mbiibhi muno okukira kutyo yaariga iri ku‑bhwambiro. Nikwo kutyo jiribha kw‑imwe, emwe abhaanu bha orwibhuro orubhiibhi runu.”

Matayo 23:15

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omwiyinda mu‑chaaro choone na okwambuka inyanja, korereki mukongye omuunu unu atari Muyawudi abhe muruubhirisya weemwe. Nawe akamara okubheekirisisya, omumukora okubha omuunu unu eeyire mu‑muriro gwa akajaanende koone kwiya kabhiri okukira emwe abheene.

Ruuka 11:25

‘Siga nisubhe mu‑muunu waani unu ꞉naasookere‑mo.’

Ruuka 11:27

Omwanya gunu Yeesu aariga ˆnaayika ejo, omugasi umwi mu‑chise chirya cha abhaanu, ˆnaamura obhuraka bhwaye ˆnaayika ati, “Ari na ribhando omugasi unu ꞉aakwibhuuye na okukuneenʼya!”

Yowana 5:14

Ejo jejire jaawa, Yeesu ˆnaasongʼana omuunu oyo mu‑rubhuga rwa Riyekaru, ˆnaamubhwira ati, “Tegeresya, woori waawora. Waasiga okukora ebhibhiibhi rindi, kwa okubha ukagenderera okukora ebhibhiibhi, owuja okunyaaka okukira kutyo waariga nuunyaaka ku‑bhwambiro.”

1 Yoana 5:16

Bhiri‑wo ebhibhiibhi bhinu bhitakutaaganya omuunu na Nyamuwanga akajaanende koone. Araabha omuunu woonewoone kw‑imwe akarora oweejaabho unu kaakora ebhibhiibhi rwa ebhyo, amusabhirwe ku‑Nyamuwanga, Nyamuwanga omwene kaja okumuyaana obhuwanga. Omusango gunu ni inguru ya bhanu abhakora ebhibhiibhi ebhyo. Nawe bhiri‑wo ebhibhiibhi bhinu ebhitaaganya omuunu na Nyamuwanga akajaanende koone. Anye nitakwayika ati asabhirwe omuunu oyo ku‑Nyamuwanga inguru ya ebhibhiibhi ebhyo.