Ruuka 11:22 - Indagano Inyaaya mu-Chijita

²² Nawe, omuunu owundi unu ari na amanaga okumukira, akaaja okumurwana, ˆnaamuyiga, ˆnaamuteesya ebhigwato bhyaye bhyone bhinu aariga ˆneeyikanya, neeya ˆnaagega ebhiinu bhyone na okugabhira abhaanu abhandi.

INDAGANO INYA:YA

²² Nawe unu amukirire amanaga akamwijira namuiga, namusa:kura ebigwato byae byone binu ariga ne:ikanya, nagaba ebi:nu byae.

Ruuka 11:22 ပူးပေါင်းရင်းမြစ်များ

Ruuka 11:21

“Mutegeresye echijekekanyo chinu! Omuunu owa amanaga unu ari na ebhigwato, akangarira ebhiinu bhya mu‑nju yaaye, ebhiinu bhyaye bhitakukunibhwa‑ko.

Ruuka 11:23

“Woori, omuunu woonewoone unu atari aamwi na anye, oyo ni musoko waani. Ka wone, omuunu woonewoone unu atakukumanya aamwi na anye, oyo ni munyarambusi wa abhaana bha Nyamuwanga.

Baefeso 6:11

Mugege ebhigwato bhyone bhya Nyamuwanga, korereki muture okuyingirira obhurigerige bhwa Syetaani na okwimereeguru tiritiri.

Baefeso 6:13

Kurwa ejo, mugege ebhigwato bhyone bhya Nyamuwanga, korereki mukomeere tiritiri ku‑rusuku orwa ebhibhiibhi. Aribhaga mwakuumisya ejo joone nimwimereeguru.

Bakolosai 2:15

Ku‑njira ya omusarabha, Nyamuwanga ˆnaateesya obhutungi na abha obhuturo mu‑chaaro chinyatarorwa, ˆnaabhayiga kwa risandabha, ˆnaabhaswasya abhwerubhweru.

1 Yoana 3:8

Nawe, omuunu woonewoone unu kaagenderera okukora ebhibhiibhi, ni muunu wa Syetaani. Okubha Syetaani agendereeye okukora ebhibhiibhi okusookerera ku‑bhwambiro. Niyo isonga Omwana wa Nyamuwanga ꞉eejire ku‑chaaro anu, korereki anyamure bhuri murimu gwa Syetaani.

1 Yoana 4:4

Mbe, emwe abhaana bhaani mu‑riikirisya, mwabheeye abhaana bha Nyamuwanga, ka wone muyigire abharagi abhabheeyi abho. Mubhayigire kwa okubha, Mwoyo wa Nyamuwanga unu ari mu‑myoyo jeemwe, ari na obhuturo okukira mwoyo wa Syetaani unu kaatangasya abhaanu bhanu bhatakugayuka Nyamuwanga.