Ruuka 11:13 - Indagano Inyaaya mu-Chijita

¹³ Woori, emwe bhanu muri abhajabhi, mumenyere okuyaana abhaana bheemwe ebhiinu bhya ekisi. Mbe, Esomwana unu ari mu‑rwire kaja okukira muno mu‑kukora ja ekisi, na kaja okuyaana Mwoyo Mweru bhanu abhamusabhwa.”

INDAGANO INYA:YA

¹³ Ka tamwa emwe abe bibi:bi mumenyere okuyana aba:na bemwe ebiyanwa byo bwana, ?kutiki, Esomwana wa mu rwire atarikirao okuyana banu abamusabwa Omwoyo Mweru?

Ruuka 11:13 ပူးပေါင်းရင်းမြစ်များ

Matayo 5:16

Nikwo kutyo, obhweru bhwemwe obhukenwa bhumurikirega abhaanu, korereki bharore ebhikorwa bhyemwe bhya ekisi, bhakusye Esomwana unu ari mu‑rwire.

Matayo 5:45

Mbe, mukakora kutyo, ejibhonekana ati, chimari emwe muri abhaana bha Esomwana unu ari mu‑rwire. Omwene niwe kaamirikira risuubha abhaanu abha ebhikorwa ebhibhiibhi na abha ebhikorwa bhya ekisi. Ka wone, kaagwisisya ingʼubha abharengeresi aamwi na bhanu bhatari bharengeresi.

Matayo 6:14

Yeesu ˆnaagenderera okubhabhwira ati, “Araabha mukafwira echigongo abhaanu ebhikayo bhyebhwe, Esomwana unu ari mu‑rwire wone aribhafwira echigongo ebhibhiibhi bhyemwe.

Matayo 6:30

Mbe, araabha Nyamuwanga kaafwafya amanyaasi ga mw‑ibhara ganu gari‑wo reero, na mutondo nigeeswa mu‑muriro, angu, Nyamuwanga oyo ataribhafwafya, emwe abha eriikirisya ritooto?

Matayo 6:32

Ebhiinu ebhyo bhyone, nibhyo abhanyamanga abhanyaakirira. Nawe emwe, Esomwana unu ari mu‑rwire, amenyere kisi ati, omukena ebhiinu ebhyo bhyone.

Matayo 7:11

Chimari, emwe muri abha ebhibhiibhi, nawe mumenyere okuyaana abhaana bheemwe ebhiinu bhya ekisi. Esomwana unu ari mu‑rwire aribhakunyiirira ebhiinu bhya ekisi abhaanu bhoone bhanu abhamusabhwa!

Ruuka 11:12

Amwi akamusabhwa riigi, kaamuyaana inge?

Ruuka 11:2

Yeesu ˆnaabhabhwira ati, “Omwanya gunu muraasabhwega Nyamuwanga, mwayikega ati, ‘Raata [weeswe unu uri mu‑rwire], risiina ryawo rikusibhwe. Obhukama bhwawo bhuuje. [Okwenda kwawo kukorekane mu‑chaaro munu, rwa kutyo okukorekana mu‑rwire eyo.]

Ruuka 18:7

Nikwo okwayika ati, Nyamuwanga, ataribhagira abhaanu bhanu ꞉aasorere? Aribha bhaamuririra mu‑ngeta na mu‑mwisi, angu arikoora okubhategeresya?

Yowana 4:10

Yeesu ˆnaamusubhya ati, “Araabha ukabheeye nuumenya echiyaanwa cha Nyamuwanga, na unu kaakusabhwa amanji ga okunywa, waakamusabhirwe, na omwene aakakuyaaye amanji ganu agasoosya obhuwanga.”

Ebikorwa 2:38

Peetero ˆnaabhabhwira ati, “Bhuri umwi weemwe ate ebhibhiibhi bhyaye, na abhatiijibhwe kw‑isiina rya Yeesu Kirisito, korereki afwirwe echigongo ebhibhiibhi bhyaye, emwe omuja okuyaanwa echiyaanwa cha Mwoyo Mweru.

Barumi 5:17

Echibhiibhi cha omuunu umwi, ꞉chaakorere orufu rutunge abhaanu bhoone okutura omuunu umwi oyo. Nawe chimari woori, abhaanu bhoone bhanu abharamira echiyaanwa cha obhwitiriranya bhwa Nyamuwanga bhunu bhutari na indengo, abhabharwa okubha abharengeresi imbere ya Nyamuwanga. Abho bharitunga mu‑bhuwanga bhwa akajaanende koone, okutura ku‑umwi owundi urya, Yeesu Kirisito.

Barumi 7:18

Nimenyere ati, mu‑mwoyo gwani, ku‑bhusimukwa bhwani bhwa echibhiibhi, chitari‑mo echiinu choonechoone cha ekisi. Eneenda okukora gwa ekisi, nawe nitari na obhuturo bhwa okugukora.

Barumi 8:32

Nyamuwanga ꞉ataafwiriiye echigongo Omwana waaye omwene, tari ꞉aamusoosiisye korereki afwe inguru yeeswe bhoone. Kurwa ejo, araabha ꞉aasoosiisye Omwana waaye inguru yeeswe, chimari arichiyaana amabhando goone okutura ku‑mwene!

Tiito 3:3

Okubha eswe wone, kara awo chaariga chiri bhataamutaamu, bhanyatagayuka na chijigirwe. Chaariga chitungirwe na okurigira na jitungwa jimbiibhi ja bhuri mbaga. Nyabhuriko chaariga chiikaaye mu‑bhujabhi na orwiso, nichibhiiyisya na chisokeene eswe abheene kwa abheene.