Ruuka 11:1 - Indagano Inyaaya mu-Chijita

¹ Rusuku rumwi, Yeesu aariga ari rubhaara rurebhe, ˆnaasabhwaga Nyamuwanga. Ejire aamara okusabhwa, owumwi wa abheeyigisibhwa bhaaye ˆnaamubhwira ati, “Raatabhugenyi, nuuchiiyigisye kutyo chiraasabhwega Nyamuwanga, rwa kutyo Yowana Omubhatiija ꞉eeyigisiisye abheeyigisibhwa bhaaye.”

INDAGANO INYA:YA

¹ Mbe anu ariga:ri rubara rumwi nasabwa, ejire amara, umwi ku be:igisibwa bae namubwira ati, Ratabugenyi, nuci:igisye okusabwa, rwa Yoana kutyo e:igisisye abe:igisibwa bae.

Ruuka 11:1 ပူးပေါင်းရင်းမြစ်များ

Ruuka 10:42

Nawe, guri‑wo omusango gwa ekisi gumwi era okukira joone. Omusango ogwo ni kuntegeresya anye. Ogwo nigwo omuyara oweejaanyu Maryamu eetoora. Atari‑wo omuunu woonewoone unu kaatura okumuteesya omusango ogwo.”

Ruuka 11:2

Yeesu ˆnaabhabhwira ati, “Omwanya gunu muraasabhwega Nyamuwanga, mwayikega ati, ‘Raata [weeswe unu uri mu‑rwire], risiina ryawo rikusibhwe. Obhukama bhwawo bhuuje. [Okwenda kwawo kukorekane mu‑chaaro munu, rwa kutyo okukorekana mu‑rwire eyo.]

Ruuka 6:12

Mu‑siku ejo, Yeesu ˆnaagenda ku‑chiima okusabhwa Nyamuwanga, ˆnaamusabhwa ingeta yoona.

Ruuka 7:13

Raatabhugenyi ejire aarora omutumbagasi oyo, ˆnaamufwira echigongo, ˆnaamubhwira ati, “Siga okurira.”

Ruuka 7:19

Yowana wone ˆnaabhirikira abheeyigisibhwa bhaaye bhabhiri ˆnaabhatuma bhagende okubhuusya Raatabhugenyi Yeesu ati, “Chimenyere ati, Kirisito kaja okuuja. Angu, naawe, tere chirindirire owundi?”

Ruuka 9:18

Rusuku rumwi, Yeesu na abheeyigisibhwa bhaaye, bhaariga bhari aamwi bhumbise. Yeesu aariga ˆnaasabhwa Nyamuwanga. Ejire aamara ˆnaabhabhuusya ati, “Abhaanu abhaayika ati, naanye ga?”

Ruuka 9:28

Jejire jaatura siku etaanu na esatu, Yeesu aamarirega okwayika emisango ejo, ˆnaagega Peetero, Yowana na Yakobho, ˆnaariinya aamwi nabho ku‑chiima, korereki asabhwe Nyamuwanga.

Baeburania 5:7

Omwanya gunu Yeesu aariga ari ku‑chaaro anu, ꞉aasabhirwe na okwirembeeresya muno Nyamuwanga, ka wone ꞉aamuuwe obhuraka ˆnaarira amasiga mogomogo ku‑Nyamuwanga unu ari na obhuturo bhwa okumuchungura okusooka mu‑rufu. Inguru ya okwikeeya kwaye, Nyamuwanga ˆnaamuungwa.

Yuuda 1:20

Nawe emwe abheendwa bhaani, mwimaririre mu‑chimari cha eriikirisya ryemwe rinu riri eryeru muno, musabhwega ku‑bhuturo bhwa Mwoyo Mweru.