Ruuka 10:42 - Indagano Inyaaya mu-Chijita

⁴² Nawe, guri‑wo omusango gwa ekisi gumwi era okukira joone. Omusango ogwo ni kuntegeresya anye. Ogwo nigwo omuyara oweejaanyu Maryamu eetoora. Atari‑wo omuunu woonewoone unu kaatura okumuteesya omusango ogwo.”

INDAGANO INYA:YA

⁴² Nawe cinu cikenerwe ni cimwi, na Maryamu e:toramo omugabo gwo bwana gunu atarite:sibwa.

Ruuka 10:42 ပူးပေါင်းရင်းမြစ်များ

Mariko 8:36

Angu, omuunu aribhona omuriiro ki, araabha aakabhona ebhiinu bhyone bhya ku‑chaaro chinu, nawe ˆnaabhusya obhuwanga bhwa akajaanende koone?

Ruuka 10:39

Maarita oyo, aariga ari na omuyara oweejaabho, ˆnaatogwaga Maryamu. Maryamu oyo, ˆneenyanja ayeeyi na amaguru ga Yeesu, korereki abhega ˆnaategeresya Yeesu.

Ruuka 11:1

Rusuku rumwi, Yeesu aariga ari rubhaara rurebhe, ˆnaasabhwaga Nyamuwanga. Ejire aamara okusabhwa, owumwi wa abheeyigisibhwa bhaaye ˆnaamubhwira ati, “Raatabhugenyi, nuuchiiyigisye kutyo chiraasabhwega Nyamuwanga, rwa kutyo Yowana Omubhatiija ꞉eeyigisiisye abheeyigisibhwa bhaaye.”

Ruuka 12:20

“Nawe, Nyamuwanga ˆnaamubhwira ati, ‘Omutaamutaamu awe! Ingeta inu, owuja okwitwa! Ka ebhiinu bhyone bhinu wibhiikiiye, ebhija okubha bhyaga?’”

Ruuka 12:33

Mugusye ebhiinu bhyemwe, jiyera jinu omuja okubhona okuruubhana na ebhiinu ebhyo, muyaane abhataka. Mwibhariirire jisagwa jinu jitakunyamuka, na okwibhiikira ebhibhiikwa mu‑rwire anu bhitakugeruka‑ko. Eyo niwo omwifi atakukinga, korereki eebhe, noorwo amayeenje gatakunyamura.

Ruuka 16:2

Mbe, omuniibhi oyo, ˆnaamubhirikira omwangarisi wa omwandu gwaye, ˆnaamubhwira ati, ‘Emisango emibhiibhi jinu enuungwa inguru yaawo, ni misango ki? Nuunyeresye echitabho cha obhukumi bhwa obhwitorotongyo bhwa omwandu gwani, kwa okubha utakutura okugenderera rindi okubha omwangarisi wa omwandu gwani!’

Ruuka 16:25

“Bhurayimu ˆnaamusubhya ati, ‘Mwana waani, ichuka ati omwanya gunu waariga uri ku‑chaaro, awe ꞉waabhwene emisango ja ekisi mu‑bhurame bhwawo, nawe Rajaaro, ꞉aabhwene emisango emibhiibhi mu‑bhurame bhwaye. Woori anu kutya, omwene kaafungʼamibhwa, omwanya ogwo awe wone owunyaasibhwa.

Ruuka 18:22

Yeesu ejire oongwa ejo, ˆnaamubhwira ati, “Ugerukiiywe‑wo omusango gumwi era. Genda ugusye ebhiinu bhyone bhinu uri nabhyo. Jipirya jinu uribhona, ugabhire abhataka. Urikora kutyo uribhiikira ebhibhiikwa mu‑rwire. Ukamara uuje unduubhe.”

Ruuka 8:18

“Kurwa ejo, jinu omuungwa, mujiganirisyega kisi! Omuunu unu kaagwata jinu koongwa, Nyamuwanga kaja okumuswerurira noorwo na ejindi. Nawe omuunu unu atakuungwa emisango ejo, mbe oyo kaja okuteesibhwa noorwo obhusombookerwa bhunu keetogera ati ari nabhwo.”

Yowana 11:1

Aariga ari‑wo omuunu umwi unu aariga ari murwaye. Omuunu oyo aariga ˆnaatogwa ati Rajaaro. Omwene na abhayara bhaabho bhabhiri, Maryamu na Maarita bhaariga bheekaaye mu‑ruguuyo rwa Bheetaniya.

Yowana 11:19

Abhayawudi bhaafu okusooka Yuudeya bhaariga bheejire Bheetaniya okusiiriisya Maarita na Maryamu, ku‑songa ya orufu rwa Rajaaro omundurume weebhwe.

Yowana 12:3

Mbe, Maryamu ˆnaagega ichupa inu gaariga gari‑mo amafuta ga ebhirange na ga obhurambu bhunene muno. ˆNaabhambaga amaguru ga Yeesu amafuta ago, ˆnaamara ˆnaamufwafuuta na jifwiri jaaye. Orurango rwa amafuta ago niruswirana mu‑nju yoone.

Yowana 17:3

Obhuwanga bhwa akajaanende nibhwo bhunu, abhaanu bhakumenye awe, Nyamuwanga eenyere wa chimari, ka wone, bhammenye anye Yeesu Kirisito, unu awe ꞉waantumire.

Yowana 4:14

Nawe omuunu unu kaanywa amanji ganu anye enimuyaana, atakuja okuungwa obhwiro noorwo na akatyari kajaanende koone. Amanji ganu enija okumuyaana, agaja okubha rwa omumiro gwa amanji mu‑mwoyo gwaye ganu agabhogomera obhuwanga bhwa akajaanende koone.”

Yowana 5:24

“Ni chimari enibhabhwira ati, omuunu woonewoone unu kaategeresya emisango jaani na okwikirisya Nyamuwanga unu ꞉aantumire, oyo ari na obhuwanga bhwa akajaanende koone. Omuunu oyo atariramurwa, tari aambukire okusooka mu‑kufwa na okwingira mu‑bhuwanga bhwa kajaanende koone.

Yowana 6:27

Mwasiga okukora emirimu inguru ya okubhona ebhiryo bhinu ebhinyamuka, tari mukorega emirimu inguru ya okubhona ebhiryo bhinu bhitakunyamuka, ka wone ebhiyaana abhaanu obhuwanga bhwa akajaanende koone. Anye Omwana wa Omuunu, eniyaana abhaanu ebhiryo ebhyo, kwa okubha Raata Nyamuwanga anaaye obhuturo bhwa okukora kutyo.”

1 Bakorinto 13:3

Ka wone nikasoosya ribhona ryani ryone okuyaana abhataka, na noorwo nikeesoosya noochibhwe mu‑muriro, nawe araabha nitari na eryenda, nitakubhona omuriiro gwonegwone.

Bagalatia 5:6

Mbe araabha chiri na obhumwi na Kirisito Yeesu, okutendwa amwi okurema okutendwa kutari na obhugajuro bhwonebhwone. Echiinu cha bhusibhusi ni riikirisya ryeswe rinu erikora emirimu mu‑ryenda.