Ruuka 10:40 - Indagano Inyaaya mu-Chijita

⁴⁰ Nawe, Maarita aafurubhendaga na jifurubhendo nyafunyafu. Mbe, ˆnaagenda ku‑Yeesu, ˆnaamubhwira ati, “Raatabhugenyi weeswe, utakurora ati, omuyara oweejaasu aansindikira anye omwene jifurubhendo joone? Nuumubhwire ansakire‑ko!”

INDAGANO INYA:YA

⁴⁰ Nawe Marita ariga ne mifurubendo myafu ejo kute:ka, namu:jako namubu:sya ati, Ratabugenyi, ?Utakukararwa omuyara we:ja:su ansindikira okufurubenda nenyere? Mbe numubwire ansakire.

Ruuka 10:40 ပူးပေါင်းရင်းမြစ်များ

Matayo 14:15

Keegoro yejire yaakinga, abheeyigisibhwa bhaaye nibhagenda, nibhamubhwira ati, “Anu chiri ibhara na ingeta yeengira. Nuurage abhaanu bhanu, korereki bhagende mu‑nguuyo bheegurire ebhiryo.”

Matayo 16:22

Niwo, Peetero ˆnaagega Yeesu, ˆnaamusira ku‑mbari, ˆnaamba okumugonya, ˆnaamubhwiraga ati, “Raatabhugenyi, Nyamuwanga atusye ejo kura! Ejo jitarikubhona!”

Mariko 3:21

Nyiramwene na abhamura bhaabho bhejire bhoongwa emisango ejo, nibhagenda okumugwata, bhaariga nibhaayika ati asarire.

Ruuka 10:38

Omwanya gunu Yeesu na abheeyigisibhwa bhaaye, bhaariga bhari ku‑njira nibharibhataga, nibheengira mu‑ruguuyo rumwi. Omugasi umwi, ˆnaatogwaga Maarita, ˆnaabhakuma iika ewaaye.

Ruuka 10:41

Raatabhugenyi Yeesu ˆnaamusubhya ati, “Maarita awe, Maarita awe! Ni kurwa ki owunyaaka na okusurumbasibhwa na emisango myafu kutyo?

Ruuka 12:29

“Mbe, emwe mwasiga okunyaaka ati, omuja okurya ki, amwi omuja okunywa ki. Mwasiga okuyaya inguru ya ejo!

Ruuka 9:55

Nawe Yeesu, ˆnaabheekebhuukira, ˆnaabhagonya, [ˆnaabhabhwira ati, “Emwe mutakumenya ati muri bhaanu bha omutima gwa mbaga ki.]

Yowana 11:1

Aariga ari‑wo omuunu umwi unu aariga ari murwaye. Omuunu oyo aariga ˆnaatogwa ati Rajaaro. Omwene na abhayara bhaabho bhabhiri, Maryamu na Maarita bhaariga bheekaaye mu‑ruguuyo rwa Bheetaniya.

Yowana 11:5

Yeesu ꞉eendere Maarita, Maryamu na Rajaaro omundurume weebhwe.

Yowana 12:2

Mbe, mu‑ruguuyo awo nibhamuteekera ebhiryo bhya mu‑ngeta. Maarita ˆnaamufurubhenderaga. Rajaaro aariga ari umwi wa abhaanu bhanu bhaariga bheenyanjire ku‑meeja aamwi na Yeesu.

Yowana 6:27

Mwasiga okukora emirimu inguru ya okubhona ebhiryo bhinu ebhinyamuka, tari mukorega emirimu inguru ya okubhona ebhiryo bhinu bhitakunyamuka, ka wone ebhiyaana abhaanu obhuwanga bhwa akajaanende koone. Anye Omwana wa Omuunu, eniyaana abhaanu ebhiryo ebhyo, kwa okubha Raata Nyamuwanga anaaye obhuturo bhwa okukora kutyo.”