Ruuka 10:22 - Indagano Inyaaya mu-Chijita

²² Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.”

INDAGANO INYA:YA

²² Rata ananire byone. Atario mu:nu unu kamenya Omwana, tari Rata. Nakabee atario unu kamenya Rata, tari Omwana, no:yo Omwana kenda okumuswerurira.

Ruuka 10:22 ပူးပေါင်းရင်းမြစ်များ

Matayo 11:25

Omwanya ogwoogwo Yeesu ˆnaayika ati, “Raata, Raatabhugenyi wa orwire na echaaro choone! Enikusiima kwa okubha, emisango jinu ꞉waakorere okubha mbisike ku‑bhaanu abha obhwengeeso na abhamenyi, wajisweruuye abhwerubhweru ku‑bhaanu bhanu bhari na eriikirisya rwa abhaana abharera.

Matayo 11:27

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.

Matayo 28:18

Mbe, Yeesu ˆnaabhafogera‑ko, ˆnaabhabhwira ati, “Nyamuwanga anaaye obhuturo bhwone bhwa mu‑rwire na obhwa ku‑chaaro.

Yowana 1:18

Atari‑wo omuunu woonewoone unu ararorere Nyamuwanga noorwo na akatyari. Tari Mwana waaye eenyere, unu wone ari Nyamuwanga, ka wone ari yeeyi na Raata Nyamuwanga, oyo niwe asweruuye Nyamuwanga kw‑iswe.

Yowana 10:15

rwa kutyo Raata ammenyere, anye wone nimumenyere kisi. Anye enisoosya obhuwanga bhwani inguru ya jinaama jaani.

Yowana 13:3

Yeesu ꞉aamenyere ati Esemwene ꞉aamuyaaye obhuturo bhwa okutunga ebhiinu bhyone. Ka wone, aariga amenyere ati ꞉aasookere ku‑Nyamuwanga, na ati arisubha ku‑Nyamuwanga.

Yowana 17:10

Abhaanu bhaani bhoone ni bhaawo, ka wone abhaanu bhaawo bhoone ni bhaani. Rikusyo ryani risweruuywe okutura ku‑bheene.

Yowana 17:2

Unaaye obhuturo bhwa okutangasya abhaanu bhoone, korereki nibhayaane obhuwanga bhwa akajaanende bhoone bhanu unaaye.

Yowana 17:26

Anye nibheeyigisiisye kutyo uri, ka wone enija okugenderera okukora kutyo, korereki bheendane rwa kutyo awe unyendere, ka wone nibhe na obhumwi nabho.”

Yowana 17:5

Raata, enikusabhwa undeete rindi mw‑ikusyo ryawo, rikusyo rinu naariga niri naryo, omwanya gunu naariga niri aamwi na awe, bhunu waariga uchaari kubhumba echaaro.

Yowana 3:35

Raata Nyamuwanga eendere Omwana waaye, ka wone amuyaaye obhuturo inguru ya ebhiinu bhyone.

1 Bakorinto 15:24

Awo niwo bhuriija obhuteero bhwa bhyone, omwanya gunu Kirisito ariyaana Raata Nyamuwanga obhukama, aribha aamara okusingaarisya abhatungi bhoone, abha obhuturo bhoone na abha amanaga bhoone.

2 Bakorinto 4:6

Okubha Nyamuwanga ꞉aayikire ati, “Obhweru bhumirike mu‑chisuute.” Omwene niwe kaamirika emyoyo jeeswe, na okuchiyaana obhweru bhwa okusombookerwa rikusyo ryaye, rinu eringʼarabhya mu‑bhusu bhwa Yeesu Kirisito.

Baefeso 1:21

꞉Aamwinamusiisye inguru muno okukira obhutungi bhwone, obhuturo bhwone, amanaga goone, obhukuru bhwone na risiina ryoneryone rinu eritogorwa, itari mu‑chaaro chinu era, tari wone mu‑chaaro chinu chiriija.

Baeburania 2:8

na okutuura ebhiinu bhyone emwaro ya obhutungi bhwaye.” Kurwa ejo Nyamuwanga ꞉aateeye‑wo omuunu korereki abhe ˆnaatunga ebhiinu bhyone. Obhugajuro bhwaye ni ati, chaariga chitari‑wo echiinu choonechoone chinu ꞉ataateeye mu‑bhutungi bhwa omuunu. Nawe woori chitakurora omuunu ˆnaatunga ebhiinu ebhyo bhyone.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.

2 Yoana 1:9

Omuunu woonewoone unu atakugenderera okuruubha ameeyigisyo ga Kirisito, ka wone kaagayindura, oyo atari na obhumwi na Nyamuwanga. Nawe, unu kaagenderera okugaruubha, oyo ari na obhumwi na Raata Nyamuwanga na Omwana waaye wone.