Ruuka 10:10 - Indagano Inyaaya mu-Chijita

¹⁰ “Nawe omusi gwonegwone gunu omuja okwingira‑mo, na abheenengo nibharema okubhakuma, musooke‑wo, mukatura ku‑njira jeebhwe, mwayikega ati,

INDAGANO INYA:YA

¹⁰ Nawe musi gwone gunu murakingagamo, bakarema okubakuma, mwaurukamo mu njira yagwo, nimwaika ati,

Ruuka 10:10 ပူးပေါင်းရင်းမြစ်များ

Matayo 10:14

Araabha mukeengira mu‑nju yooneyoone amwi mu‑musi gwonegwone na abhaanu bheende‑mo nibharema okubhakuma, na okubhategeresya, mukasooka mu‑nju eyo, amwi mu‑musi ogwo, mukuukumure oruteeri rwa ku‑maguru geemwe.

Ruuka 10:11

‘Noorwo oruteeri rwa omusi geemwe runu ruri ku‑maguru geeswe, echirukuukumura, chibhe echibharikisyo kw‑imwe cha obhujabhi bhwemwe. Noorwo kutyo, mumenye kisi ati, obhukama bhwa Nyamuwanga bhuri yeeyi!’

Ruuka 10:9

Abharwaye bhanu bhari mu‑musi ogwo, mubhawosye. Mubhwire abhaanu bhoone ati, ‘Obhukama bhwa Nyamuwanga bhwakingire kw‑imwe.’

Ruuka 9:5

Araabha abhaanu bheende‑wo bhaakarema okubhakuma, musooke‑wo, nimukuukumuraga oruteeri rwa ku‑maguru geemwe, okubhakengya ati Nyamuwanga kaabharema.”

Ebikorwa 13:51

Kutyo, Pawuro na Bharinaabha nibheekuukumura oruteeri rwa ku‑maguru geebhwe, korereki okubhagaanya. Niwo nibheemuka, nibhaja mu‑musi gwa Yikoniya.

Ebikorwa 18:6

Abhayawudi abho nibhamurema na okumufuma muno, omwene ˆnaakubhura emyenda jaaye, kwa okurema emisango jeebhwe, ˆnaabhabhwira ati, “Isagama yeemwe ibhe inguru yeemwe abheene! Anye, nitari na esoro, naakuumisya jinu naariga ninkenwa okukora. Okwambira woori, enija okugenda ku‑bhaanu bhanu bhatari Bhayawudi.”