Ruuka 1:78 - Indagano Inyaaya mu-Chijita

⁷⁸ Ku‑njira ya obhwafu bhwa echigongo cha Nyamuwanga weeswe, obhuchungusi okusooka mu‑rwire bhwachiija‑ko, rwa obhweru bhwa risuubha,

INDAGANO INYA:YA

⁷⁸ Kurwe cigongo ca Nyamuanga weswe, Ariba oruguru rwacitemera eswe kuso:ka inguru,

Ruuka 1:78 ပူးပေါင်းရင်းမြစ်များ

Yowana 3:16

Nyamuwanga eendere muno abhaanu bhoone bha ku‑chaaro kunu. Nikwo okukora ꞉aatumire Omwana waaye wenyere aaje ku‑chaaro kunu, korereki bhuri muunu unu keekirisya Omwana oyo aasiga okusimagira, tari abhe na obhuwanga bhwa akajaanende koone.

Baefeso 5:14

Nikwo okukora ejaayikwa ati, “Rafya awe, unu uwongeeye. Usuuruke okusooka mu‑bhafuuwe, Kirisito arikungʼarabhisya obhweru.”

Bafilipi 1:8

Nyamuwanga niwe kaamenya ati enaayika echimari kutyo eniigomba okubhugana aamwi na emwe rindi, niri na eryenda riryarirya rwa kutyo Kirisito Yeesu kaabheenda.

Bafilipi 2:1

Mbe araabha omusiiriisibhwa mu‑kubha na obhumwi na Kirisito, araabha omufungʼamibhwa na ryenda ryaye, araabha muri na obhumwi na Mwoyo Mweru, araabha omwendwa na okufwirwa echigongo na Kirisito,

Bakolosai 3:12

Woori, kwa okubha emwe mwabha abhasorwa, abheeru na abheendwa bha Nyamuwanga, mubhe na omwoyo gwa echigongo, obhwa ekisi, obhwikeeya, obhworooro na obhwigumiirisya.

2 Petero 1:19

Wone chiri na emisango ja abharagi, jinu jirumateene muno. Emwe murikora kisi araabha murijigwata, rwa kutyo omugwata idara inu eyimirika mu‑chisuute, okukingira omwanya gunu obhucheera na inyamaananga okubhamirikira mu‑myoyo jeemwe.

1 Yoana 3:17

Araabha omuunu ari na ebhiinu bhya okumusakira ku‑bhurame bhwa ku‑chaaro anu, ka wone kaamenya ati oweejaabho ari na obhukene, nawe atari na omwoyo gwa echigongo gwa okumusakira, chimari, eryenda rya Nyamuwanga eribha kutiki mu‑mwoyo gwaye?

Obhusweruro 22:16

“Anye Yeesu, naanye orwibhuro orukuru rwa omukama Dawudi, naanye eniseekaana rwa inyamaananga. Anye, naanye unu ꞉naatumire maraayika waani mu‑makanisa, korereki abhwire emwe abharuubhirisya bhaani emisango jinu.”