Ruuka 1:76 - Indagano Inyaaya mu-Chijita

⁷⁶ Woori awe omwana waani, uribha nuwaayikwa ati, uri muragi wa Nyamuwanga unu ari Inguru ya Bhyone, kwa okubha, uritangata imbere ya Raatabhugenyi, korereki asongʼane wamwirabhiiye injira yaaye.

INDAGANO INYA:YA

⁷⁶ Na:we, Omwana, uritogwa muragi wa Unu ar inguru muno, Okuba uritangatira Ratabugenyi okucuma jinjira jae.

Ruuka 1:76 ပူးပေါင်းရင်းမြစ်များ

Matayo 14:5

Mbe, Yeroode aariga ˆnaayenja injira ya okwita Yowana, nawe aariga ˆnoobhaya Abhayawudi kwa okubha abheene, bheekirisyaga ati, Yowana ni muragi wa Nyamuwanga.

Matayo 21:26

Ka wone, araabha chikamubhwira ati ꞉bhwasookere ku‑bhaanu, echuubhaya echise cha abhaanu bhanu, kwa okubha abheene bhamenyere ati, Yowana aariga ari muragi.”

Matayo 3:11

“Anye enibhabhatiija mu‑manji okweresya ati, muyindukiiye Nyamuwanga. Nawe kaja okuuja omuunu owundi owa obhuturo okunkira. Anye niteeyire noorwo okusuruumura jingoye ja ebhiraato bhyaye. Omwene aribhabhatiija kwa Mwoyo Mweru na kwa omuriro okwesya emitima jeemwe rwa kutyo omuriro ogwesya ebhyuma.

Matayo 3:3

Yowana niwe ꞉aayikirwe na omuragi Iisaya ati, “Obhuraka bhwa omuunu unu kaabhirikira mw‑ibhara ati, ‘Muchumachumire Raatabhugenyi injira, mwimye anu kaja okutura.’”

Mariko 11:32

Nawe, chikaayika ati, ‘꞉Bhwasookere ku‑bhaanu,’ abhaanu abhaja okuchibhiyirirwa.” Okubha bhaariga nibhoobhaya abhaanu, kwa okubha abhaanu bhoone bhaariga nibheetogera ati Yowana aariga ari muragi katakata.

Ruuka 1:32

Aribha omukuru na aribhirikirwaga ati, ‘Omwana wa unu ari Inguru ya Bhyone.’ Raatabhugenyi Nyamuwanga arimukora okubha omutungi ku‑chitebhe cha ingʼoma cha omukama Dawudi, saaja waabho.

Ruuka 1:35

Maraayika oyo ˆnaamusubhya ati, “Mwoyo Mweru arikwikira na obhuturo bhwa unu ari Inguru ya Bhyone bhurikwijira inguru yaawo rwa rirengesi. Kurwa ejo, omwana unu uriibhura, aribha musorwa. Aribha ˆnaabhirikirwa ati, ni Mwana wa Nyamuwanga.

Ruuka 6:35

“Nawe emwe, mwendega abhasoko bheemwe, mubhakorerega eja ekisi. Mubhabhanjega muteeyikanya okusubhisibhwa. Nyamuwanga aribhayaana echiyaanwa echinene, na omuja okubha abhaana bha echimari ku‑mwene unu ari Inguru ya Bhyone. Okubha Nyamuwanga kaasakira abhaanu bhoone noorwo bhanu bhatakumusiima, na bhanu abhakora amabhiibhi.

Yowana 1:23

Yowana ˆnaabhasubhya okuruubhana na emisango jinu omuragi Iisaya ꞉aayikire ati, “Anye niri ‘muunu urya kaamura obhuraka mw‑ibhara ati, “Mwimye injira anu kaja okutura Raatabhugenyi!”’”

Yowana 1:27

Oyo niwe unu kaaja inyuma yaani. Anye niteeyire noorwo okusuruumura jingoye ja ebhiraato bhyaye.”

Yowana 3:28

Emwe abheene muri bhabhambaasi bhaani ku‑jinu ꞉naayikire ati, ‘Anye nitari Kirisito, nawe Nyamuwanga ꞉aantumire korereki nitangatire Kirisito.’

Ebikorwa 16:17

Omugayagasi oyo, aariga ˆnaaruubhirira Pawuro na eswe, ˆnaamwayaga, ˆnaayikaga ati, “Bhanu ni abhakosi bha Nyamuwanga unu ari Inguru ya Bhyone. Bhari anu okubhamenyesya injira ya okuchungurwa.”