Ruuka 1:32 - Indagano Inyaaya mu-Chijita

³² Aribha omukuru na aribhirikirwaga ati, ‘Omwana wa unu ari Inguru ya Bhyone.’ Raatabhugenyi Nyamuwanga arimukora okubha omutungi ku‑chitebhe cha ingʼoma cha omukama Dawudi, saaja waabho.

INDAGANO INYA:YA

³² Omwene ariba mukuru. Aritogwa Mwana wa Unu ari inguru muno Na Ratabugenyi Nyamuanga arimuyana ecitebe co bukama eca saja wabo Daudi.

Ruuka 1:32 ပူးပေါင်းရင်းမြစ်များ

Matayo 1:1

Ganu nigo amasiina ga oruganda rwa Yeesu Kirisito. Yeesu Kirisito ꞉aasookereeye mu‑ruganda rwa omukama Dawudi, mu‑rwibhuro rwa Bhurayimu.

Matayo 12:42

Ka wone, ku‑rusuku rurya rwa indamu, omugore wa echaaro cha ebhurimbe ariimereeguru imbere ya Nyamuwanga, na ariramura abhaanu bha orwibhuro runu ati, muri bhakosi bha ebhibhiibhi. Omwene oyo, ꞉aasookere mu‑chaaro cha kura muno, korereki aaje oongwe emisango ja obhwengeeso ku‑mukama Seremaani. Woori enibhabhwira ati, anu ari‑wo omuunu omukuru okukira Seremaani.”

Matayo 28:18

Mbe, Yeesu ˆnaabhafogera‑ko, ˆnaabhabhwira ati, “Nyamuwanga anaaye obhuturo bhwone bhwa mu‑rwire na obhwa ku‑chaaro.

Matayo 3:11

“Anye enibhabhatiija mu‑manji okweresya ati, muyindukiiye Nyamuwanga. Nawe kaja okuuja omuunu owundi owa obhuturo okunkira. Anye niteeyire noorwo okusuruumura jingoye ja ebhiraato bhyaye. Omwene aribhabhatiija kwa Mwoyo Mweru na kwa omuriro okwesya emitima jeemwe rwa kutyo omuriro ogwesya ebhyuma.

Mariko 14:61

Nawe Yeesu ˆnaajibhira jibhijibhi, ꞉ataasubhiisye omusango gwonegwone. Omugabhisi omukuru ˆnaagenderera okumubhuusya rindi ati, “Angu, naawe Kirisito, Omwana wa Nyamuwanga unu kaakusibhwa?”

Mariko 5:7

ˆNaamura obhuraka ˆnaayika ati, “Yeesu Omwana wa Nyamuwanga unu ari Inguru ya Bhyone, owunyenja‑ko ki? Enikurayisya ku‑Nyamuwanga, waasiga okunnyaasya!”

Ruuka 1:15

kwa okubha, aribha omukuru imbere ya Raatabhugenyi. Omwana oyo, okwambira mu‑nda ya nyiramwene, aribha ˆneejurwa Mwoyo Mweru. Kurwa ejo, atarinywa echifuufu sirisiri noorwo ebhindi bhyone bhinu ebhikora.

Ruuka 1:35

Maraayika oyo ˆnaamusubhya ati, “Mwoyo Mweru arikwikira na obhuturo bhwa unu ari Inguru ya Bhyone bhurikwijira inguru yaawo rwa rirengesi. Kurwa ejo, omwana unu uriibhura, aribha musorwa. Aribha ˆnaabhirikirwa ati, ni Mwana wa Nyamuwanga.

Ruuka 1:76

Woori awe omwana waani, uribha nuwaayikwa ati, uri muragi wa Nyamuwanga unu ari Inguru ya Bhyone, kwa okubha, uritangata imbere ya Raatabhugenyi, korereki asongʼane wamwirabhiiye injira yaaye.

Ruuka 3:16

Nawe Yowana ˆnaabhasubhya ati, “Chimari anye enibhabhatiija mu‑manji era. Nawe ariija omuunu owundi owa obhuturo okunkira. Anye niteeyire noorwo okusuruumura jingoye ja ebhiraato bhyaye. Omwene aribhabhatiija kwa Mwoyo Mweru na kwa omuriro okwesya emitima jeemwe rwa kutyo omuriro ogwesya ebhyuma.

Ruuka 6:35

“Nawe emwe, mwendega abhasoko bheemwe, mubhakorerega eja ekisi. Mubhabhanjega muteeyikanya okusubhisibhwa. Nyamuwanga aribhayaana echiyaanwa echinene, na omuja okubha abhaana bha echimari ku‑mwene unu ari Inguru ya Bhyone. Okubha Nyamuwanga kaasakira abhaanu bhoone noorwo bhanu bhatakumusiima, na bhanu abhakora amabhiibhi.

Yowana 12:34

Mbe, echise cha abhaanu nichisubhya Yeesu ati, “Eswe chisomere mu‑Bhikaame Ebhyeru ati, Kirisito kaarama akajaanende koone. Mbe, ni kurwa ki owaayika ati jeenderwe Omwana wa Omuunu anungwe inguru? Angu, Omwana wa Omuunu niga?”

Yowana 6:69

Eswe echiikirisya, ka wone chimenyere ati, awe naawe Omweru wa Nyamuwanga.”

Ebikorwa 16:17

Omugayagasi oyo, aariga ˆnaaruubhirira Pawuro na eswe, ˆnaamwayaga, ˆnaayikaga ati, “Bhanu ni abhakosi bha Nyamuwanga unu ari Inguru ya Bhyone. Bhari anu okubhamenyesya injira ya okuchungurwa.”

Ebikorwa 2:30

Nawe Dawudi aariga ari muragi na ꞉aamenyere ati Nyamuwanga ꞉aamuragire kwa echirayiro ati, ariinamusya omuunu umwi wa mu‑rwibhuro rwaye okubha omutungi wa obhukama bhwaye.

Ebikorwa 2:36

Peetero ˆnaamariisya kwa okwayika ati, “Kurwa ejo, Abhayisirayeeri bhoone ni bhusibhusi bhamenye echimari ati, Nyamuwanga akorere Yeesu okubha Raatabhugenyi na Kirisito. Oyo, niwe emwe ꞉mwabhambire ku‑musarabha!”

Ebikorwa 7:48

“Noorwo kutyo, Nyamuwanga unu ari Inguru ya Bhyone ni mukuru, atakwikara mu‑nju jinu ejuumbakwa na amabhoko ga abhaanu. Rwa kutyo omuragi ꞉aayikire ati,

Barumi 1:4

nawe kwa Mwoyo Mweru, Nyamuwanga ꞉aasorere Omwana waaye okubha owa obhuturo bhwone kwa okumusuurura okusooka mu‑bhafuuwe. Yeesu Kirisito oyo, niwe Raatabhugenyi weeswe.

Obhusweruro 3:7

“Ukaamire maraayika wa mw‑ikanisa rya Firadeefiya kutya, Anye niwe omweru na owa echimari. Ka wone, niri na orwiguriro rwa omukama Dawudi. Nikeegara orwigi, atari‑wo owundi unu kaatura okurwigura. Nikarwigura, atari‑wo owundi unu kaatura okurwigara. Mutegeresye jinu enibhabhwira!