Ruuka 1:2 - Indagano Inyaaya mu-Chijita

² ꞉Bhaakaamire rwa kutyo ꞉bhaatondeeywe na abhaanu bhanu ꞉bhaarorere emisango ejo okusookerera ku‑bhwambiro bhwa obhurame bhwa Yeesu. Nibho bharya bhaaraasyaga omusango gwa Yeesu, ka wone ꞉bhaachitondeeye eswe emisango jaaye.

INDAGANO INYA:YA

² Rwa kutyo bacisimuriye banu bariga mbarora na bakosi bo musango kuso:kerera ku bwambiro,

Ruuka 1:2 ပူးပေါင်းရင်းမြစ်များ

Mariko 1:1

Bhunu nibhwo obhwambiro bhwa Emisango ja Ekisi ja Yeesu Kirisito, Omwana wa Nyamuwanga.

Mariko 16:20

Abheeyigisibhwa bhaaye bharya nibhasooka arya. Nibhagenda okuraasya Emisango ja Ekisi woonewoone. Raatabhugenyi Yeesu abhayaanaga amanaga ga okukora ebhibharikisyo. Nikwo kutyo aariga ˆneeresya emisango ejo ati ni ja chimari.]

Mariko 4:14

Omubhibhi ni muunu unu kaaraasisya abhandi omusango gwa Nyamuwanga.

Ruuka 24:48

Emwe neemwe abhabhambaasi bha emisango ejo.

Yowana 15:27

Noorwo emwe wone murisoosya obhubhambaasi inguru yaani, kwa okubha mwariga muri aamwi na anye okusookerera ku‑bhwambiro.

Yowana 16:4

Naabhabhwira emisango ejo, korereki omwanya ogwo aribha gwakinga, mwichuke jinu ꞉naabhabhwiriiye. “꞉Nitabhabhwiriiye ejo joone ku‑bhwambiro, kwa okubha naariga niri aamwi na emwe.

Ebikorwa 1:3

Ejire aasuuruka okusooka mu‑fwa, ꞉aamarire siku makumi gana, ˆneebhuurisya ku‑tumwa ejo kwiya kaafu. Mu‑bhibharikisyo bhyafu aabheeresyaga abhwerubhweru ati ni muwanga na aabheeyigisyaga emisango ja obhukama bhwa Nyamuwanga.

Ebikorwa 1:8

Nawe muriramira amanaga omwanya gunu Mwoyo Mweru ariija kw‑imwe, muribha abhabhambaasi bhaani mu‑Yerusareemu na mu‑mbaara ejindi joone ja echaaro cha Yuudeya na echa Samaariya, na okukingira ku‑bhuteero bhwa echaaro choone.”

Ebikorwa 14:25

nibhasikirira mu‑musi gwa Perege. Eyo nibharaasya omusango gwa Nyamuwanga ogwo, nibheeya nibhooromokera mu‑musi gwa Ataariya.

Ebikorwa 16:6

Pawuro na abheejaabho abho, bhaariga bhagaanyiibhwe na Mwoyo Mweru ati, bhaasiga okwiyigisya omusango gwa Nyamuwanga mu‑mukoowa gwa Asiya. Kurwa ejo ꞉bhaaturire mu‑mikoowa ja Furiigiya na Garaatiya.

Ebikorwa 17:11

Abhaanu bha Bherooya awo, bhaariga bhari na obhutinge bhwa kisi okukira abha Tesaroonike. Nibhakora Pawuro, abharaasisye omusango gwa Nyamuwanga, nibhaguramira kwa amanaga goone. Bhaaringiraga mu‑Bhikaame Ebhyeru bhuri rusuku, korereki bhamenye ati ejo aayikaga Pawuro ni ja echimari.

Ebikorwa 26:16

Woori iimuka, wimereeguru! Okubha naakusoromokera korereki ubhe omukosi waani, usoosye obhubhambaasi ku‑jinu waarora reero na jirya nirikweresya.

Ebikorwa 4:20

Okubha eswe chitakutura okusiga okwayika inguru ya emisango jinu ꞉chaarorere na okuungwa!”

Ebikorwa 8:4

Abheekirisya bhanu ꞉bhaanyarageene, bhaariga nibharaasisya abhaanu Emisango ja Ekisi ja Yeesu, bhuri enu bhaajaga.

Barumi 15:16

korereki nibhe omukosi wa Kirisito Yeesu ku‑bhaanu bhanu bhatari Bhayawudi. ꞉Naakorerwe okubha rwa omugabhisi wa okubharaasisya Emisango ja Ekisi okusooka ku‑Nyamuwanga, korereki bhabhe ebhyogo bhinu ebhikondisya Nyamuwanga, bhyesiibhwe na Mwoyo Mweru.

1 Bakorinto 4:1

Abhaanu bhachibhare ati eswe chiri bhakosi bha Kirisito, chiyaaywe emirimu ja okuraasya obhutinge bhwa imbisike ya Nyamuwanga bhunu bhwariga bhubhisirwe.

Baeburania 2:3

Araabha ꞉jaakorekeene kutyo ku‑bheene, angu, eswe chiritura kutiki okuwona okuyaanwa ebhitiibha, chikabha chitakwigana obhuchungusi obhunene rwa bhunu chibhwene? Raatabhugenyi Yeesu niwe ꞉aambire okuraasya obhuchungusi obhwo, na abhaanu bhanu bhaariga nibhamutegeresya wone nibhachibhwira ati, omusango gwa obhuchungusi ogwo ni gwa echimari.

1 Petero 5:1

Woori, enaayika na emwe abhakaruka bha rikanisa. Anye niri omukaruka oweejaanyu, unu ꞉neeroreeye omwene kutyo Kirisito ꞉aanyaasiibhwe. Ka wone, anye niri omusangisi oweejaanyu wa rikusyo rinu riri yeeyi okuswerurwa. Kurwa ejo, enibheerembeeresya emwe,

2 Petero 1:16

Omwanya gunu chaariga nichiiyigisya kutyo ariija ku‑bhuturo bhwaye, Raatabhugenyi weeswe Yeesu Kirisito, chaariga chitakwiyikanya jingani ja kara jinu jikaamirwe kwa obhwenge. Tari eswe ꞉chaarorere rikusyo ryaye kwa ameeso geeswe abheene.