Ruuka 1:17 - Indagano Inyaaya mu-Chijita

¹⁷ Aritangata imbere ya Raatabhugenyi, aritangasibhwa na obhuturo bhwa omwoyo rwa ogwa omuragi Yeeriya. Arikora abhaana na bheesemwene bhoongwane, arikora bhanyatagayuka bhabhe na obhwiganirisya bhwa obhurengeresi na kwa okukora kutyo keeraabhira Raatabhugenyi abhaanu bhaaye.”

INDAGANO INYA:YA

¹⁷ Aritangata imbere yae mu mwoyo na mu managa ga Eliya, Korereki asubye emitima ja basaja wabo ku ba:na, Na banyantongwa abasubye okuribatira mu bwenge bwa barenge:resi, E:ra:bire Ratabugenyi aba:nu banu bacumacumirwe.

Ruuka 1:17 ပူးပေါင်းရင်းမြစ်များ

Matayo 11:14

Mbe, araabha omwikirisya obhuragi bhwebhwe, Yowana niwe Yeeriya unu ꞉aayikirwe ati, ariija.

Matayo 14:4

Okubha, Yowana aariga agonyiisye Yeroode ati, “Okuruubhana na ebhiraagiro bhya Nyamuwanga, jitari ja kisi okutwara omugasi wa omumura waanyu.”

Matayo 3:3

Yowana niwe ꞉aayikirwe na omuragi Iisaya ati, “Obhuraka bhwa omuunu unu kaabhirikira mw‑ibhara ati, ‘Muchumachumire Raatabhugenyi injira, mwimye anu kaja okutura.’”

Matayo 3:4

Yowana aafwaraga emyenda jinu jaariga jirukirwe na obhusinga bhwa jingamiya na eebhoyaga omuchipi gwa orukobha mu‑chibhunu chaaye. Ebhiryo bhyaye bhyariga bhiri jiisige na obhuuki.

Ruuka 1:16

Arisubhya Abhayisirayeeri bhaafu ku‑Nyamuwanga, Raatabhugenyi weebhwe.

Ruuka 1:76

Woori awe omwana waani, uribha nuwaayikwa ati, uri muragi wa Nyamuwanga unu ari Inguru ya Bhyone, kwa okubha, uritangata imbere ya Raatabhugenyi, korereki asongʼane wamwirabhiiye injira yaaye.

Yowana 1:13

Abho nibho abhaana bha Nyamuwanga, bhanu ꞉bheebhuuywe kutari ku‑sagama, amwi mu‑kwenda kwa omubhiri, amwi mu‑kwenda kwa omuunu, tari Nyamuwanga omwene ꞉aabhakorere okubha abhaana bhaaye.

Yowana 1:34

Niwo Yowana ˆnaayika ati, “Anye naarora emisango ejo, na enisoosya obhubhambaasi ati, oyo niwe Omwana wa Nyamuwanga.”

Yowana 3:28

Emwe abheene muri bhabhambaasi bhaani ku‑jinu ꞉naayikire ati, ‘Anye nitari Kirisito, nawe Nyamuwanga ꞉aantumire korereki nitangatire Kirisito.’

Ebikorwa 10:33

Niyo isonga, awoawo ꞉naatumire abhaanu bhaaje bhakubhirikire na waakora ja ekisi okuuja. Woori eswe bhoone chiri anu imbere ya Nyamuwanga, korereki chuungwe bhuri omusango gunu Raatabhugenyi akuragiriiye okuchibhwira.”

Barumi 9:23

꞉Aakorere kutyo, korereki eeresye rikusyo ryaye rikuru inguru ya abhaanu bhanu ꞉eeraabhire okuramira echigongo chaaye. Aariga eeraabhire okwambira kara okubhareeta ku‑mwene bhabhe nage mw‑ikusyo ryaye.

Bakolosai 1:12

Ka wone, musiimega Raata Nyamuwanga, kwa okubha ꞉aabhayaaye obhuturo bhwa okusangira omwandu aamwi na abheeru bhaaye mu‑bhutungi bhwa obhweru.

2 Timoteo 2:21

Woori, omuunu aakeeyesya na okusigana na ameeyigisyo geebhwe, kaabha rwa echiinu cha okukorera emirimu ja echibharo chinu chaawuuywe, aribhaga eeyire ku‑Raatabhugenyi waaye. Omuunu oyo aribhaga emariiriiye okukora ebhikorwa bhya ekisi.

1 Petero 2:9

Nawe emwe muri rwibhuro orusorwa, muri bhugabhisi bhwa echikama, echise cha abheeru, abhaanu bhanu mwawuuywe na Nyamuwanga, korereki muraasye ebhikorwa bhyaye ebhikuru. Omwene ꞉aabhabhirikiiye okusooka mu‑chisuute, mwingire mu‑bhweru bhwaye bhwa okuruguusya.

1 Yoana 2:28

Woori, abhaana bhaani mu‑riikirisya, mugenderere okubha na obhumwi na Kirisito, korereki omwanya gunu arisubha rindi, chisige okuubhaya na okwiswara, tari chibhe na ribhaasi.

Obhusweruro 20:4

Nejire neeya, nindora ebhitebhe bhya obhutungi bhinyanjirwe‑ko bhanu bhaariga bhayaaywe obhuturo bhwa okusoosya indamu. Abho, jaariga jiri emitima ja abhaanu bhanu ꞉bheetirwe isonga iri ati, ꞉bhaasoosiisye obhubhambaasi inguru ya Yeesu na okuraasya emisango ja Nyamuwanga. ꞉Bhataaramiisye rityanyi rirya noorwo risusano ryaryo. ꞉Bhateekirisiisye okutuurwa‑ko orunabho rwa rityanyi eryo ku‑bhisuusu bhyebhwe noorwo ku‑mabhoko geebhwe. Mbe abhaanu abho nibhasuuruka, nibhatunga aamwi na Kirisito emiguuga chiwumbi chimwi.