Obhusweruro 9:20 - Indagano Inyaaya mu-Chijita

²⁰ Abhaanu bhanu ꞉bhataafuuwe ku‑tambara jinu ꞉jaabhwene abheejaabho, ꞉bhataataaye ebhibhiibhi bhyebhwe. ꞉Bhaagendereeye okuramirisya amasambwa na amasusano ga inaaryo, jipirya, isyabha, amabhuyi na jimbawu ganu ꞉bhaakonjere abheene. Amasusano ago gatakurora, gatakungwa, noorwo gatakuribhata.

INDAGANO INYA:YA

²⁰ Na ba:nu banu basigaeo, banu bate:tirwe mu nya:ko ejo, batatee bikorwa bya maboko gebwe, amwi batasigire okuramya emisambwa, ne bisusano bya jijaabu ne bya jimpirya, ne bye byuma, ne bya mabui, ne bya mati, binu bitakutura kurora amwi kungwa, amwi kuribata.

Obhusweruro 9:20 ပူးပေါင်းရင်းမြစ်များ

Matayo 21:32

Yowana ꞉eejire kw‑imwe korereki abheeresye injira ya rirenga, emwe ꞉mutaamwikirisiisye. Nawe abhatobhesya bha rigooti na abhagasi bhanu abheegusya okwibhonera ribhona, nibho ꞉bhaamwikirisiisye. Noorwo kutyo emwe omwanya gunu ꞉mwarorere joone ejo, ꞉mwaremere okuyindura obhwiganirisya bhwemwe na okumwikirisya.”

Ebikorwa 17:29

“Eswe chiri abhaana bha Nyamuwanga. Kurwa ejo chiteeyire okwiganirisya ati Nyamuwanga kaasusana na risusano rinu rikonjerwe na inaaryo, amwi jiyera, amwi ribhuyi. Ebhyo bhyone ebhikorekana era ku‑bhuturo bhwa abhaanu.

Ebikorwa 19:26

Nawe woori mwoongwa na mwarora kutyo Pawuro oyo kaakurura abhaanu bhaafu bha Yefeeso anu, aamwi na bhanu bhari mbaara joone ja Asiya. Kaabhabhwira ati, amasusano ganu agakonjwa na amabhoko aga abhaanu, gatari Nyamuwanga wa echimari.

Ebikorwa 7:41

Mu‑siku ejo, nibhakonja risusano rinu erisusana na echinyara cha iingʼa. Nibharisoosisya echitambwa, nibhakondererwaga echiinu chinu ꞉bheekonjeeye kwa amabhoko geebhwe abheene!

2 Bakorinto 12:21

Enuubhaya ati, omwanya gunu niribhaaja‑ko rindi, Nyamuwanga waani arikora nirore jiswaro imbere yeemwe. Nirisurumbara okurora abhaanu bhaafu agati yeemwe bhanu ꞉bhaakorere ebhibhiibhi, bhachaari okubhita. Bhachaari na akatungiiywe karyakarya akabhiibhi ka obhujabhi, obhuromesi, na orukubho.

1 Timoteo 4:1

Woori, Mwoyo Mweru kaayika abhwerubhweru ati, mu‑siku ja obhuteero, abhaanu abhandi bharisiga eriikirisya rya echimari, bharitegeresya emyoyo jinu ejiyabhya na bharigayuka ameeyigisyo ga amasyetaani.

Obhusweruro 15:1

Nejire neeya, nindora echibharikisyo echindi echinene na cha okuruguusya mu‑rwire. ꞉Naarorere bhamaraayika bhataanu na bhabhiri nibhareetaga jitambara etaanu na ebhiri ja obhuteero. Jitambara ejo ejikuumisya risungu rya Nyamuwanga.

Obhusweruro 16:8

Niwo, maraayika wa kana ˆnaasuka kw‑isuubha risungu rya Nyamuwanga rinu ryariga riri mw‑ibhakuri ryaye. Risuubha niriyaanwa obhuturo bhwa okwocha abhaanu kwa omuumwi gwaryo omururu.

Obhusweruro 9:19

Obhuturo bhwa jifwaraasi ejo bhwariga bhuri mu‑minwa ka wone ku‑mikira jaajo. Okubha emikira jaajo jaariga jiri rwa jinjoka jinu jiri na emitwe ja okuwutaasisya abhaanu.

Obhusweruro 9:21

꞉Bhataataaye ebhibhiibhi bhyebhwe bhya okwitana, okuroga, okukora obhuromesi, noorwo obhwifi.