Obhusweruro 9:2 - Indagano Inyaaya mu-Chijita

² Niyiigura eryobho eryo, ingesi nyafu muno rwa ingesi ya obhuyi bhunene niisooka‑mo. Orutumba na risuubha nibhifundikirwa, nichibha chisuute ku‑songa ya ingesi eyo.

INDAGANO INYA:YA

² Ne:gura eryobo rinu ritana bute:ro. Ingesi ni:so:ka mu ryobo ni:rinya rwa ingesi ye ryocero rinene muno. Na risu:ba no rutumba nibi:rabura kurwa ingesi ya mu ryobo.

Obhusweruro 9:2 ပူးပေါင်းရင်းမြစ်များ

Ebikorwa 2:19

Nirikora ebhiruguusyo ku‑rutumba inguru, na ebhibharikisyo ku‑chaaro emwaro anu. Bharirora ebhibharikisyo rwa bhinu, isagama, omuriro, na ingesi sito muno.

Obhusweruro 14:11

Ingesi ya okurungura kwebhwe iririinya inguru akajaanende koone. Abhaanu abho bharinyaaka mu‑ngeta na mu‑mwisi, kwa okubha bharamiisye rityanyi na risusano ryaryo na okukaamwa‑ko risiina rya rityanyi eryo.”

Obhusweruro 16:10

Niwo maraayika wa kataanu ˆnaasuka ku‑chitebhe cha obhutungi cha rityanyi rirya, risungu rya Nyamuwanga rinu ryariga riri mw‑ibhakuri ryaye. Awoawo echisuute nichiswikira obhukama bhwaryo na abhaanu nibheerumaruma jindimi jeebhwe inguru ya obhwasye bhwa ebhironda.

Obhusweruro 8:12

Maraayika wa kana wone ˆnaabhuma ingʼombi yaaye. Niwo ribhaara erimwi ku‑mbaara esatu ja risuubha, ja okwesi na ja jinjota, niribhumwa niribha chisuute. Orubhaara rwa kasatu rwa mu‑mwisi na mu‑ngeta nichibha chisuute chaafu muno.

Obhusweruro 9:1

Neeya maraayika wa kataanu wone ˆnaabhuma ingʼombi yaaye. Niwo nindora injota inu yaariga isookere mu‑rutumba, iguuye ku‑chaaro anu. Injota eyo, niiyaanwa orwiguriro rwa orwigi rwa eryobho rinu ritari na obhuteero.

Obhusweruro 9:11

Jiisige ejo, jaariga jiri na omukama waajo. Omukama oyo aariga ari maraayika omukuru wa mu‑ryobho rinu ritari na obhuteero. Maraayika oyo, mu‑Chiyebhuraniya kaatogwa Abhadooni na mu‑Chiyunaani kaatogwa Aporiyooni. Obhugajuro bhwagwo ni “Omusingaarisi.”

Obhusweruro 9:17

Mu‑bhiroro bhyani, ꞉naarorere jifwaraasi ejo na bhanu bhaariga bhajiriinyire‑ko. Abhasirikare abho, bhaariga bhafwaye jingubha ja echuuma mu‑bhifubha bhyebhwe. Jingubha ejo jaariga jiri tukurasi kaa, ja obhururu na ja amayaayi. Nindora emitwe ja jifwaraasi jiri wuti emitwe ja jiitare. Mu‑minwa jaajo, nijisooka‑mo jimbeesi ja omuriro, ingesi na emisimu ja echibhiriiti jinu ejaaka.