Obhusweruro 8:3 - Indagano Inyaaya mu-Chijita

³ Maraayika owundi ˆnaaja, ˆneemereeguru imbere ya echigabhiro. Maraayika oyo aariga agwatire ribhakuri rya inaaryo ya okwotera‑mo obhubhaani. ˆNaayaanwa obhubhaani bhwafu korereki abhusaasye na risabhwa rya abheeru bhoone bha Nyamuwanga, abhituure bhyone ku‑chigabhiro cha inaaryo chinu chiri imbere ya echitebhe cha ingʼoma.

INDAGANO INYA:YA

³ Maraika oundi na:ja ne:mereguru ku cigabiro, ari na impiki ya ijaabu. Nayabwa emigaju myafu, korereki ajisasye no kusabwa kwa be:ru bo:ne ku cigabiro ca ijaabu cinu cariga imbere ye citebe ca iŋoma.

Obhusweruro 8:3 ပူးပေါင်းရင်းမြစ်များ

Ruuka 1:10

Omwanya gwa okwotera obhubhaani obhwo, abhaanu bhaafu bhaariga nibheekofyanya anja, nibhasabhwaga Nyamuwanga.

Barumi 8:34

Ka wone niga unu arichiramura? Atari‑wo, kwa okubha Kirisito Yeesu, niwe ꞉aafuuwe, ˆnaasuuruka okusooka mu‑bhafuuwe. Ka wone, woori niwe ari orubhaara rwa ebhuryo rwa Nyamuwanga, niwe kaachisabhirwa.

Baeburania 7:25

Ku‑songa eyo, omwene ari na obhuturo bhwa okuchungura chimwi abhaanu bhoone bhanu abhagenda ku‑Nyamuwanga okutura ku‑mwene. Okubha omwene ni muwanga akajaanende koone, korereki abhasabhirwe ku‑Nyamuwanga omwanya gwone.

Baeburania 9:4

Mu‑chisago echo bhyariga bhiri‑mo na echigabhiro cha jinaaryo cha okwotera‑ko obhubhaani. Ka wone ryariga riri‑mo risandikwa rya indagano ya Nyamuwanga rinu ryariga rikaatirwe na inaaryo mbaara joone. Mw‑isandikwa omwo rwariga ruri‑mo orubhiga rwa inaaryo, runu rwariga ruri na emanu. Ka wone mw‑isandikwa omwoomwo yaariga iri‑mo isimbo ya Aruuni inu ꞉yaafuukire, na ebhibhaara bhibhiri bhya amabhuyi bhinu bhyariga bhikaamirwe‑ko ebhiraagiro ekumi bhya Indagano.

Obhusweruro 10:1

Nejire neeya, nindora maraayika owundi wa obhuturo bhwafu, ˆneekaga okusooka mu‑rwire. Maraayika oyo, aariga afwaye eriire na omutwe gwaye gwariga gwiyindirwe‑ko rikoma rya ryabhaasi. Obhusu bhwaye bhwariga nibhungʼarabhya rwa risuubha. Amaguru gaaye gaariga gari rwa jingʼingi jinu ejiseekana omuriro.

Obhusweruro 14:18

Niwo, maraayika owundi ˆnaasooka ku‑chigabhiro. Omwene aariga ari na obhuturo ku‑muriro. ˆNaamura obhuraka ˆnaabhwira maraayika wa omuworo gwa obhuugi bhwafu ati, “Iisya omuworo gwawo ogwo, uteme amatwasyo ga emijabhiibhu ja echaaro, kwa okubha amatwasyo gaayiiye.”

Obhusweruro 5:8

Ejire aaramira echitabho echo, ebhibhumbwa bhirya na abhakaruka bharya nibhagwa bhwifumbike imbere yaaye. Bhuri umwi weebhwe aariga ari na indono na amabhakuri ga inaaryo geejuuywe obhubhaani. Obhubhaani obhwo niryo risabhwa rya abheeru bha Nyamuwanga.

Obhusweruro 6:9

Neeya, Omwana wa Inaama ˆnaasuruumura imboyero ya kataanu ya obhurimbo. Mw‑ifuufu rya echigabhiro, nindora emitima ja abhaanu. Abhaanu abho bhaariga bheetirwe ku‑songa ya okwikirisya omusango gwa Nyamuwanga na okuguraasya ku‑bhaanu abhandi.

Obhusweruro 7:2

Bhamaraayika abho bhaariga bhayaaywe obhuturo bhwa okunyamura echaaro na inyanja. Nejire neeya, nindora maraayika owundi ˆnaariinyagisyaga inguru okusooka ebhuwuruka esuubha ari na orunabho rwa Nyamuwanga omuwanga. ˆNaaragirisya bhamaraayika bhana abho,

Obhusweruro 8:4

Ingesi ya obhubhaani obhwo aamwi na risabhwa rya abheeru nibhiriinya inguru ku‑Nyamuwanga okusooka mu‑kubhoko kwa maraayika oyo.

Obhusweruro 8:5

Neeya maraayika oyo ˆnaagega ribhakuri ryaye, ˆnaawokoora amakara ga omuriro ku‑chigabhiro, ˆnaageejusya mu‑mabhakuri omwo, ˆnaayeesa ku‑chaaro anu. Nibhubha‑wo obhuraka bhwa ribharuka, nijibha‑wo jindabhyo na rinyamutikima rya echaaro.

Obhusweruro 9:13

Neeya, maraayika wa kataanu na umwi ˆnaabhuma ingʼombi yaaye. Niwo ninuungwa obhuraka okusooka ku‑mbaara jiina jirya ja echigabhiro cha inaaryo, chinu chiri imbere ya Nyamuwanga.