Obhusweruro 8:13 - Indagano Inyaaya mu-Chijita

¹³ Niwo nindora ingʼona inene niigurukaga ku‑rutumba. Ninuungwa, niyaamura obhuraka, niyayikaga ati, “Jiribhabhona, jiribhabhona, jiribhabhona, emwe bhanu mwikaaye ku‑chaaro, aribha jaabhumwa jingʼombi jisatu jinu jisigaaye. Bhamaraayika abho bhatengeejere okujibhuma woori kutya!”

INDAGANO INYA:YA

¹³ Nindora ninungwa iŋona ni:guruka aagati yo rwire, niyaika na buraka bunene ati, Jababona, jababona, jababona, emwe banu mwikae ku ca:ro, kurwa maraka ga jiŋombi ja bamaraika abasatu banu baja okubuma.

Obhusweruro 8:13 ပူးပေါင်းရင်းမြစ်များ

Baeburania 1:14

Mbe woori, bhamaraayika ni chiinu ki? Ni myoyo jinu ejikorera emirimu Nyamuwanga, omwene kaajituma jigende okukorera emirimu abhaanu bhanu bharichungurwa.

Obhusweruro 11:14

Mbe, itambara ya kabhiri yaayitingʼene. Ringira, ichaari‑wo itambara ya kasatu inu eyiija.

Obhusweruro 12:12

Kurwa ejo, mukonderwe, emwe bhoone bhanu mwikaaye inguru mu‑rwire eyo! Jaabhabhona emwe bhanu mwikaaye ku‑chaaro na ebhibhumbwa bhya mu‑nyanja, okubha Syetaani eeserwe emwaro eyo agatigati yeemwe. Abhiyiriwe muno, kwa okubha kaamenya ati jisiku jaaye ni nooto.”

Obhusweruro 14:3

Abhaanu abho, bhaariga bheemereeguuyu imbere ya echitebhe cha ingʼoma chirya, na imbere ya ebhibhumbwa bhina ebhiwanga bhirya na abhakaruka bharya makumi gabhiri na bhana. Abhaanu abho, bhaariga nibheemba orwimbo oruyaaya na atari‑wo omuunu owundi unu ꞉aaturire okwiyigira okwimba orwimbo orwo, tari abho bhaariga bhagurirwe okusooka ku‑chaaro.

Obhusweruro 14:6

Nejire neeya, nindora maraayika owundi ˆneejungajunga ku‑rutumba. Maraayika oyo, aariga ari na Emisango ja Ekisi ja akajaanende okuraasisya abhaanu bhanu bheekaaye ku‑chaaro, abhaanu bha amaanga goone, jingʼanda joone, jinyaayika joone na abha jinyaami joone.

Obhusweruro 19:17

Nejire neeya, nindora maraayika umwi ꞉eemereeguuyu kw‑isuubha. Maraayika oyo, ˆnaamura obhuraka, ˆnaabhirikira jinyonyi joone jinu ejiguruka mu‑rutumba, ˆnaajibhwira ati, “Muuje, mwikofyanye ku‑bhugenyi obhunene bhunu Nyamuwanga abheeraabhiiye.

Obhusweruro 3:10

Woori kwa okubha ꞉mwegumiirisiisye rwa kutyo ꞉naabharagiriiye, niribharinda omwanya gwa inyaako inu irireetwa ku‑chaaro choone okuregeeja abhaanu bhoone.

Obhusweruro 8:2

Nejire neeya, nindora bhamaraayika bhataanu na bhabhiri bhanu abheemereeguruga imbere ya Nyamuwanga na bhuri umwi weebhwe ˆnaayaanwa ingʼombi.

Obhusweruro 9:1

Neeya maraayika wa kataanu wone ˆnaabhuma ingʼombi yaaye. Niwo nindora injota inu yaariga isookere mu‑rutumba, iguuye ku‑chaaro anu. Injota eyo, niiyaanwa orwiguriro rwa orwigi rwa eryobho rinu ritari na obhuteero.

Obhusweruro 9:12

Mbe, itambara ya okwamba yaayitingʼene. Ringira, jichaari‑wo jitambara ebhiri jinu ejiija.