Obhusweruro 8:1 - Indagano Inyaaya mu-Chijita

¹ Neeya, Omwana wa Inaama ˆnaasuruumura imboyero ya kataanu na kabhiri ya obhurimbo, na mu‑rwire eyo nikabha kajibhijibhi muno omwanya gwa saa esinja kutya.

INDAGANO INYA:YA

¹ Wejire asurumura eciboero ca kata:nu na kabiri, nikaba kajibijibi mu rwire mwanya gwa nusu saa.

Obhusweruro 8:1 ပူးပေါင်းရင်းမြစ်များ

Matayo 27:66

Niwo nibhagenda, nibhatuura echibharikisyo cha orunabho kw‑ibhuyi rirya, korereki bhamenye araabha omuunu kaja okuriyiringisya. Ku‑bhuteero, nibhasiga abhasirikare awo, korereki bhaangarire echituuro echo.

Obhusweruro 5:1

Nejire neeya, nindora unu aariga eenyanjire ku‑chitebhe chirya cha ingʼoma ari na echitabho mu‑kubhoko kwaye kwa ebhuryo. Echitabho echo, chaariga chikaamirwe mbaara joone ebhiri, ka wone chaariga chibhoyerwe na jimboyero etaanu na ebhiri ja obhurimbo.

Obhusweruro 5:9

Nibheembira Omwana wa Inaama orwimbo oruyaaya runu rwayikaga ati, “Awe wiiyire okuramira echitabho echo na okusuruumura jimboyero jaacho ja obhurimbo. Okubha awe ꞉waatemerwe omutwe na ku‑sagama yaawo, nuugurira Nyamuwanga abhaanu bha jingʼanda joone, jinyaayika joone, jinyaami joone na abha amaanga goone.

Obhusweruro 6:1

Nejire neeya, nindora Omwana wa Inaama ˆnaasuruumuraga imboyero irya ya okwamba ya obhurimbo ku‑mboyero jirya etaanu na ebhiri. Ka wone, ninuungwa echibhumbwa echimwi ku‑bhina bhirya, nichaamura obhuraka rwa bhwa ribharuka, nichaayikaga ati, “Iija!”

Obhusweruro 6:12

Nejire neeya, nindora Omwana wa Inaama ˆnaasuruumura imboyero ya kataanu na imwi ya obhurimbo. Omwanya gunu ꞉aayisuruumuuye, niribha‑wo rinyamutikima rinene muno rya echaaro. Risuubha ndiirabhura ti rwa amakara, okwesi nikutukura ka rwa isagama.

Obhusweruro 6:3

Neeya, Omwana wa Inaama ˆnaasuruumura imboyero ya kabhiri ya obhurimbo. Niwo ninuungwa echibhumbwa chirya cha kabhiri, nichaayika ati, “Iija!”

Obhusweruro 6:5

Neeya, Omwana wa Inaama ˆnaasuruumura imboyero ya kasatu ya obhurimbo. Ninuungwa echibhumbwa chirya cha kasatu, nichaayika ati, “Iija!” Nindingira, nindora ifwaraasi inyirafuru. Omuunu unu aariga ayiriinyire‑ko aariga ari na indengero mu‑kubhoko kwaye.

Obhusweruro 6:7

Neeya, Omwana wa Inaama ˆnaasuruumura imboyero ya kana ya obhurimbo, ninuungwa echibhumbwa chirya cha kana, nichaayikaga ati, “Iija!”

Obhusweruro 6:9

Neeya, Omwana wa Inaama ˆnaasuruumura imboyero ya kataanu ya obhurimbo. Mw‑ifuufu rya echigabhiro, nindora emitima ja abhaanu. Abhaanu abho bhaariga bheetirwe ku‑songa ya okwikirisya omusango gwa Nyamuwanga na okuguraasya ku‑bhaanu abhandi.