Obhusweruro 7:9 - Indagano Inyaaya mu-Chijita

⁹ Ejo jejire jaawa, nindingira, nindora echise echinene cha abhaanu chinu omuunu aariga atakutura okubhara. Abhaanu abho bhaariga bhasookere mu‑maanga goone, mu‑ngʼanda joone, mu‑nyaami joone na mu‑nyaayika joone. Abho bhoone bhaariga bheemereeguuyu imbere ya echitebhe cha ingʼoma na imbere ya Omwana wa Inaama. Abhaanu abho bhaariga bhafwaye emingiro jiinyeru na bhaariga bhagwatiriiye amatabhi ga jikinda mu‑mabhoko geebhwe.

INDAGANO INYA:YA

⁹ Ejo je:jire jawa, mbe nindora cise cinene cinu omu:nu wo:ne atakutura kubara, banu baso:kere mu maanga go:ne na mu ŋanda jo:ne na mu ba:nu ba nyami jo:ne, na mu nyaika jo:ne. Abo bariga be:mereguyu imbere ye citebe ca iŋoma na imbere yo Mwana wa ina:ma, bafwae ebifwaro ebyeru, bari na matabi ga makinda mu maboko gebwe.

Obhusweruro 7:9 ပူးပေါင်းရင်းမြစ်များ

Ruuka 12:1

Omwanya ogwo, abhaanu ebhiwumbi na ebhiwumbi, bhaariga bheekofyanyiisye eyo, nibhakingira okutajana. Yeesu ˆnaamba okubhwira abheeyigisibhwa bhaaye ati, “Mwikenge obhwirimaanya bhwa Abhafarisaayo kwa okubha obhwirimaanya obhwo obhuswirana rwa echifwimbya.

Ruuka 21:36

Kurwa ejo, mubhega mutengeejere omwanya gwone! Mugenderere okusabhwa Nyamuwanga, korereki abhayaane obhuturo bhwa okwiruka joone jinu jirikorekana, na mwimereeguru imbere yaani, anye Omwana wa Omuunu.”

Yowana 12:13

Mbe, nibhagega amatabhi ga jikinda, nibhagenda okuramira Yeesu. Nibhaamura obhuraka nibhaayikaga ati, “Wosaana! Ayaanwe amabhando unu kaaja kw‑isiina rya Raatabhugenyi Nyamuwanga! Ayaanwe amabhando omukama wa Abhayisirayeeri.”

Barumi 11:25

Abhayiri bhaani, eneenda mumenye inguru ya obhutinge bhwa imbisike ya Nyamuwanga bhunu ꞉bhwabhisirwe kara, korereki mwasiga okwirora ati muri bheengeeso muno. Mumenye ati ni Bhayisirayeeri bharebhe abha emyoyo emikomeeye, bhanu bharigenderera okukingira omwanya gunu Nyamuwanga ariikirisya ati obhukumi bhwa abhaanu bhanu bhatari Bhayisirayeeri okuramira obhuchungusi bhwakuumira.

Baefeso 6:13

Kurwa ejo, mugege ebhigwato bhyone bhya Nyamuwanga, korereki mukomeere tiritiri ku‑rusuku orwa ebhibhiibhi. Aribhaga mwakuumisya ejo joone nimwimereeguru.

Baeburania 11:12

Kurwa ejo, okusooka ku‑muunu umwi, niwe Bhurayimu, unu aariga ari mukaruka muno, ꞉bheebhuuywe abhaanu bhaafu, rwa jinjota ja mu‑rutumba, ka wone rwa omusenyi gwa ku‑nyanja gunyatabharwa.

Baeburania 12:22

Nawe emwe mwakingire ku‑chiima echindi, echiima cha Sayuuni, nigwo omusi gwa Yerusareemu irya ya mu‑rwire. Omusi ogwo, ni musi gwa Nyamuwanga omuwanga. Mu‑musi ogwo nimwo ꞉bheekumanyiisye kwa rikonderwa bhamaraayika ebhiwumbi na ebhiwumbi.

Obhusweruro 11:15

Neeya, maraayika wa kataanu na kabhiri ˆnaabhuma ingʼombi yaaye. Niwo ninuungwa obhuraka bhunene bhwa bhamaraayika bhaafu mu‑rwire eyo, nibhwayikaga ati, “Obhutungi bhwa echaaro bhwabheeye bhwa Raatabhugenyi Nyamuwanga weeswe, aamwi na Kirisito waaye. Nyamuwanga niwe aritunga akajaanende koone.”

Obhusweruro 22:3

Omusi ogwo, gutaribha‑mo echiinu choonechoone chinu chiiyiimirwe na Nyamuwanga. Echitebhe chirya cha ingʼoma cha Nyamuwanga na Omwana wa Inaama chiribha mu‑musi omwo. Abhakosi bhaaye wone, bhariramya Nyamuwanga.

Obhusweruro 3:18

Kurwa ejo, enibhatongera mugure kw‑anye inaaryo inu yesiibhwe mu‑muriro korereki mubhe abhaniibhi. Mugure wone emyenda emyeru, muswikire obhutuyu bhwemwe korereki mutariiswara. Mugure omuti gwa okubhambaga ku‑meeso geemwe korereki mubhe na obhuturo bhwa okurora.

Obhusweruro 4:4

Ka wone, echitebhe cha ingʼoma echo chaariga chisingiywe na ebhitebhe ebhindi makumi gabhiri na bhina bhya obhutungi. Ku‑bhitebhe ebhyo, bhaariga bheenyanjire‑ko abhakaruka makumi gabhiri na bhana. Abhakaruka abho, bhaariga bhafwaye emyenda emyeru na ku‑mitwe jeebhwe bhaariga bhafwaye jitengya ja inaaryo.

Obhusweruro 5:11

Niwo nindora na okuungwa bhamaraayika bhaafu muno, ebhiwumbi na ebhiwumbi, bhaariga bhari bhanyatabharwa. Bhamaraayika abho bhaariga bheeyindire echitebhe chirya cha ingʼoma, ebhibhumbwa bhirya na abhakaruka bharya.

Obhusweruro 5:9

Nibheembira Omwana wa Inaama orwimbo oruyaaya runu rwayikaga ati, “Awe wiiyire okuramira echitabho echo na okusuruumura jimboyero jaacho ja obhurimbo. Okubha awe ꞉waatemerwe omutwe na ku‑sagama yaawo, nuugurira Nyamuwanga abhaanu bha jingʼanda joone, jinyaayika joone, jinyaami joone na abha amaanga goone.

Obhusweruro 6:11

Niwo abhaanu bhoone bhanu ꞉bheetirwe, nibhayaanwa emingiro jiinyeru. Nibhabhwirwa ati, bharindirire‑wo katungu katooto, okukingira abhakosi bheejaabho, bhanu bhari abhayiri bheebhwe mu‑riikirisya, wone bheetwe rwa kutyo abheene ꞉bheetirwe. Niwo obhukumi bhwebhwe obhuja okukuumira.

Obhusweruro 7:8

Ebhiwumbi ekumi na ebhiri okusooka mu‑ruganda rwa Jaabhurooni, ebhiwumbi ekumi na ebhiri okusooka mu‑ruganda rwa Jejefu na ebhiwumbi ekumi na ebhiri okusooka mu‑ruganda rwa Bhenjamiini.