Obhusweruro 7:17 - Indagano Inyaaya mu-Chijita

¹⁷ Okubha, Omwana wa Inaama unu ari yeeyi na echitebhe cha ingʼoma aribha omureefi weebhwe. Aribhatangasya bhoone okuja ku‑mimiro ja amanji ganu agasoosya obhuwanga akajaanende koone. Nyamuwanga omwene aribheeya amasiga geebhwe goone.”

INDAGANO INYA:YA

¹⁷ Okuba Omwana wa Ina:ma unu ari aagati ye citebe ca iŋoma niwe aribare:ba, nabatangasya ku binyo bya manji go buanga. Na Nyamuanga aryeya amasiga go:ne mu me:so gebwe.

Obhusweruro 7:17 ပူးပေါင်းရင်းမြစ်များ

Matayo 2:6

‘Awe Bhetereyeemu mu‑chaaro cha Yuuda, utari musi gwa okugaywa wuri agati ya abhatungi bha echaaro cha Yuuda. Okubha omutungi omukuru okusooka kw‑awe aritangasya abhaanu bhaani Abhayisirayeeri, rwa kutyo omureefi kaareebha jinaama jaaye.’”

Matayo 5:4

Bhari na ribhando bhanu abhasurumbara woori, kwa okubha Nyamuwanga aribhasimbiisya.

Yowana 10:11

“Anye naanye omureefi wa ekisi. Omureefi wa ekisi kaasoosyaga obhuwanga bhwaye inguru ya jinaama jaaye.

Yowana 10:14

“Anye naanye omureefi wa ekisi. Nimenyere kisi jinaama jaani, ejeene wone jimmenyere,

Yowana 4:10

Yeesu ˆnaamusubhya ati, “Araabha ukabheeye nuumenya echiyaanwa cha Nyamuwanga, na unu kaakusabhwa amanji ga okunywa, waakamusabhirwe, na omwene aakakuyaaye amanji ganu agasoosya obhuwanga.”

Yowana 4:11

Omugasi oyo, ˆnaasubhya Yeesu ati, “Mwami, awe utari na echiinu cha okutayira amanji, ka wone, rijibha rinu ni reera. Woori owuja okubhona aaki amanji ganu agasoosya obhuwanga?

Yowana 4:14

Nawe omuunu unu kaanywa amanji ganu anye enimuyaana, atakuja okuungwa obhwiro noorwo na akatyari kajaanende koone. Amanji ganu enija okumuyaana, agaja okubha rwa omumiro gwa amanji mu‑mwoyo gwaye ganu agabhogomera obhuwanga bhwa akajaanende koone.”

Ebikorwa 20:28

Woori, mubhega mwiyangariiye na murinde ebhise bhyone bhya abheekirisya, kwa okubha Mwoyo Mweru, abhateeye‑wo mubhe abhaangarisi. Mwangarire abheekirisya abho, kwa okubha Nyamuwanga ꞉aabhagurire kwa isagama ya omwana waaye.

1 Petero 5:2

mubhe abhareefi bha ekisi ku‑bheekirisya bhanu ꞉mwayaaywe na Nyamuwanga. Ka wone, mubhaangarire mu‑mutima gwa ekisi, kutari kwa okusinyiirisibhwa, kutyo nikwo Nyamuwanga keenda. Musige okukora emirimu jeemwe kwa okurigira jipirya, tari okusooka mu‑mitima jeemwe joone.

Obhusweruro 14:4

Abhaanu abho nibho abharuubha Omwana wa Inaama woonewoone anu kaaja. Ka wone, ꞉bhateejabhiyasiisye na abhagasi, okubha bhaariga bhari bhimura. ꞉Bhaagurirwe okusooka agatigati ya abhaanu abhandi, nibhasoosibhwa wone okubha echoogo cha ebhigeswa cha okwamba ku‑Nyamuwanga na ku‑Mwana wa Inaama.

Obhusweruro 21:22

Mu‑musi omwo, ꞉nitaarorere‑mo Riyekaru rya Nyamuwanga, kwa okubha Nyamuwanga, Raatabhugenyi owa obhuturo bhwone, aamwi na Omwana wa Inaama nibho Riyekaru ryagwo.

Obhusweruro 21:23

Omusi ogwo gutakukena esuubha ryake‑mo amwi okwesi kwake‑mo okubha rikusyo rya Nyamuwanga niryo erimirika‑mo, na Omwana wa Inaama niwe idara yeende‑mo.

Obhusweruro 21:4

Aryeya amasiga geebhwe goone. Abhaanu bhatarifwa rindi noorwo okusurumbara. Bhataririra noorwo bhatarirwara, okubha emisango ja kara ejo jaaturire.”

Obhusweruro 21:6

ˆNaambwira rindi ati, “Jakuumiiye! Anye naanye Obhwambiro na Obhuteero, anye naanye unu enaambisya emisango joone na okujikuumisya. Bhuri muunu unu ari na obhwiro bhwa amanji, nirimuyaana amanji ga okunywa okusooka mu‑mimiro ja amanji ganu agasoosya obhuwanga, atagurire wuri.

Obhusweruro 22:1

Neeya maraayika urya ˆnaanyeeresya omusima gwa amanji ganu agasoosya obhuwanga. Omusima ogwo gwariga nigubharangirya rwa rirore na gwariga niguwurura okusooka mw‑ifuufu rya echitebhe cha ingʼoma cha Nyamuwanga na Omwana wa Inaama.

Obhusweruro 4:11

“Raatabhugenyi na Nyamuwanga weeswe, wiiyire ukuuyibhwe, okuyaanwa echibharo na okubha na obhuturo bhwone. Okubha awe ꞉waabhumbire ebhiinu bhyone, mu‑kwenda kwawo ꞉bhyabhumbirwe, ka wone bhiri‑wo.”

Obhusweruro 5:6

Niwo nindora Omwana wa Inaama eemereeguuyu ayeeyi na echitebhe cha ingʼoma. Wone aariga eyindirwe na ebhibhumbwa bhina bhirya na abhakaruka makumi gabhiri na bhana bharya. Omwana wa Inaama oyo, aariga ˆnaabhonekana wuti atemerwe omutwe. Ka wone aariga ari na amayembe gataanu na gabhiri na ameeso gataanu na gabhiri. Ameeso ago ni emyoyo etaanu na ebhiri ja Nyamuwanga jinu jaariga jitumirwe bhuri orubhaara ku‑chaaro choone.