Obhusweruro 7:15 - Indagano Inyaaya mu-Chijita

¹⁵ Nikwo okukora bhari imbere ya echitebhe cha ingʼoma cha Nyamuwanga. Abhamukorera emirimu mu‑ngeta na mu‑mwisi mw‑Iyekaru ryaye. Nyamuwanga omwene unu eenyanjire ku‑chitebhe cha ingʼoma, aribha aamwi nabho na okubharinda.

INDAGANO INYA:YA

¹⁵ Kwabakora nibaba imbere ye citebe ca iŋoma ca Nyamuanga, nibamukorera mu mwisi na mu ngeta mu yekaru yae. No:yo enyanjire ku citebe ca iŋoma aribayemera riyema ryae.

Obhusweruro 7:15 ပူးပေါင်းရင်းမြစ်များ

Yowana 1:14

Mbe, Musango oyo ˆnaabha omuunu, ˆneekara agati yeeswe. Eswe bhoone nichirora rikusyo ryaye, rikusyo rya Omwana eenyere wa Raata Nyamuwanga, eejuuywe obhwitiriranya bhwafu na echimari choone.

1 Bakorinto 3:16

Angu, mutakumenya ati, emwe muri riyekaru rya Nyamuwanga, ka wone ati Mwoyo wa Nyamuwanga eekaaye mw‑imwe?

2 Bakorinto 6:16

Bhuri‑wo obhungwani ki agati ya riyekaru rya Nyamuwanga na amasusano ga amasambwa? Eswe chiri riyekaru rya Nyamuwanga omuwanga! Jiri rwa kutyo Nyamuwanga omwene ꞉aayikire ati, “Niriikara aamwi nabho na okuribhata agati yeebhwe. Niribhaga Nyamuwanga weebhwe, abheene wone bharibhaga abhaanu bhaani.”

Baeburania 12:2

Chiroreererega Yeesu, okubha omwene niwe ꞉aambisiisye eriikirisya ryeswe, ka wone niwe aririkuumisya. Omwene ꞉eegumiirisiisye ku‑songa ya rikonderwa rinu ryariga niriija. Ka wone ꞉ateeganirisiisye wuri jiswaro ja okufwa ku‑musarabha. Woori eenyanjire orubhaara rwa ebhuryo rwa echitebhe cha ingʼoma cha Nyamuwanga.

Baeburania 8:1

Omusango omunene mu‑joone ejo nigwo gunu. Eswe chiri na Omugabhisi Omukuru wa imbaga eyo, unu eenyanjire mu‑rwire eyo, orubhaara rwa ebhuryo rwa echitebhe cha ingʼoma cha Nyamuwanga owa obhuturo bhwone.

Obhusweruro 11:19

Niwo, orwigi rwa Riyekaru rya Nyamuwanga rya mu‑rwire nirwiguka. Risandikwa rya indagano ya Nyamuwanga niribhonekana mw‑Iyekaru eryo. Nindora jindabhyo na ninuungwa obhuraka bhwa ribharuka. Rinyamutikima rya echaaro niritura na niigwa ingʼubha nyafu muno ya amabhuyi amanene.

Obhusweruro 13:6

Rityanyi eryo niryamba okufumirisya Nyamuwanga, risiina ryaye, obhwikaro bhwaye na bhoone bhanu bheekaaye mu‑rwire.

Obhusweruro 20:10

Syetaani unu aabhajigaga, aryeswa mu‑nyanja ya omuriro omururu gwa emisimu ja echibhiriiti. Omwo nimwo ꞉ryeeserwe rityanyi rirya na omuragi omubheeyi urya. Abho bhoone bharinyaasibhwa omwo mu‑ngeta na mu‑mwisi, akajaanende koone.

Obhusweruro 21:22

Mu‑musi omwo, ꞉nitaarorere‑mo Riyekaru rya Nyamuwanga, kwa okubha Nyamuwanga, Raatabhugenyi owa obhuturo bhwone, aamwi na Omwana wa Inaama nibho Riyekaru ryagwo.

Obhusweruro 22:3

Omusi ogwo, gutaribha‑mo echiinu choonechoone chinu chiiyiimirwe na Nyamuwanga. Echitebhe chirya cha ingʼoma cha Nyamuwanga na Omwana wa Inaama chiribha mu‑musi omwo. Abhakosi bhaaye wone, bhariramya Nyamuwanga.

Obhusweruro 22:5

Ingeta itaribha‑mo rindi mu‑musi omwo. Abhaanu bhatarikena idara noorwo risuubha, okubha Raatabhugenyi Nyamuwanga aribha obhweru bhwebhwe. Abhaanu abho bharitunga akajaanende koone.

Obhusweruro 4:4

Ka wone, echitebhe cha ingʼoma echo chaariga chisingiywe na ebhitebhe ebhindi makumi gabhiri na bhina bhya obhutungi. Ku‑bhitebhe ebhyo, bhaariga bheenyanjire‑ko abhakaruka makumi gabhiri na bhana. Abhakaruka abho, bhaariga bhafwaye emyenda emyeru na ku‑mitwe jeebhwe bhaariga bhafwaye jitengya ja inaaryo.

Obhusweruro 4:8

Ebhibhumbwa ebhina ebhyo, bhuri chimwi chaariga chiri na amabhabha gataanu na rimwi. Bhyone kutyo, bhyariga bhiswirire ameeso bhuri orubhaara, noorwo ku‑mabhabha. Ebhibhumbwa ebhyo bhyariga nibhiimba mu‑ngeta na mu‑mwisi okujibhira wuri. Orwimbo runu bhyembaga ni runu, “Mweru, Mweru, Mweru ni Raatabhugenyi Nyamuwanga owa obhuturo bhwone, aariga ari‑wo, ari‑wo na aribha‑wo.”

Obhusweruro 4:9

Ebhibhumbwa bhina ebhyo bhyariga nibhikuuya, nibhiyaana echibharo na okusiima unu eenyanjire ku‑chitebhe cha ingʼoma. Omwene oyo, niwe omuwanga akajaanende koone.

Obhusweruro 7:9

Ejo jejire jaawa, nindingira, nindora echise echinene cha abhaanu chinu omuunu aariga atakutura okubhara. Abhaanu abho bhaariga bhasookere mu‑maanga goone, mu‑ngʼanda joone, mu‑nyaami joone na mu‑nyaayika joone. Abho bhoone bhaariga bheemereeguuyu imbere ya echitebhe cha ingʼoma na imbere ya Omwana wa Inaama. Abhaanu abho bhaariga bhafwaye emingiro jiinyeru na bhaariga bhagwatiriiye amatabhi ga jikinda mu‑mabhoko geebhwe.