Obhusweruro 6:4 - Indagano Inyaaya mu-Chijita

⁴ Mbe, niisoromoka ifwaraasi eyindi itukurasi kaa. Omuunu unu aariga ayiriinyire‑ko, ˆnaayaanwa imbanda inene na obhuturo bhwa okureeta riremo ku‑chaaro, korereki abhaanu bharwane na okwitana.

INDAGANO INYA:YA

⁴ Ni:so:kayo ifarasi indi inu iri nukurasi. Na unu ariga ainyanjireko nayabwa okuso:syao murembe ku ca:ro, ka be:tane abene:ra. Nayabwa ecinyambutu cinene.

Obhusweruro 6:4 ပူးပေါင်းရင်းမြစ်များ

Matayo 10:34

“Musige okwitogera ati, niijire ku‑chaaro anu okureeta omurembe. ꞉Niteejire okureeta omurembe wuri, tari niijire okureeta riremo.

Matayo 24:6

“Ku‑mwanya ogwo, muribha nimuungwa emisango ja riremo na okubhubhuutwa kwa riremo. Mwasiga okuyaya, kwa okubha ejo ejikenwa jikorekane, nawe obhuteero bhwa echaaro obhubha bhuchaari okukinga.

Yowana 19:11

Yeesu ˆnaamusubhya ati, “Utaakabheeye na obhuturo bhwonebhwone inguru yaani araabha ukabheeye utayaaywe na Nyamuwanga. Kurwa ejo, omuunu unu antuura mu‑mabhoko gaawo ari na echibhiibhi chinene muno okukira echaawo.”

Obhusweruro 12:3

Nikwiya, ku‑rutumba okwo, nichibha‑ko echibharikisyo echindi cha okuruguusya. Mbe rora! Riyoka rinene ritukurasi kaa nirisoromoka. Riyoka eryo ryariga riri na emitwe etaanu na ebhiri na amayembe ekumi, bhuri omutwe gwariga guri na orutengya.

Obhusweruro 13:10

Omuunu unu ꞉aakarariiywe okusirwa mu‑bhugaya, arisirwa mu‑bhugaya. Omuunu unu ꞉aakarariiywe okwitwa kwa imbanda, ariitwa kwa imbanda. Woori abheeru bha Nyamuwanga, abhakenwa bheegumiirisye mu‑riikirisya.

Obhusweruro 17:3

Mbe, Mwoyo wa Nyamuwanga ˆneeka inguru yaani. Maraayika oyo ˆnaankingya mw‑ibhara. Nejire naakinga eyo, nindora omugasi ariinyire kw‑ityanyi rirya rya okwamba. Rityanyi eryo ryariga riri ritukurasi, riri na emitwe etaanu na ebhiri na ameyembe ekumi. Ka wone, ryariga riswirire amasiina ga okufumirisya Nyamuwanga.

Obhusweruro 17:6

꞉Naaruguurire muno, nejire naarora omugasi oyo akorerwe isagama ya abheeru bha Nyamuwanga, bhanu ꞉bheetirwe ku‑songa ya okubha abhabhambaasi bha Yeesu.