Obhusweruro 6:10 - Indagano Inyaaya mu-Chijita

¹⁰ Niwo, nibhaamura obhuraka nibharira, nibhaayika ati, “Raatabhugenyi awe, Nyamuwanga owa obhuturo bhwone, unu uri mweru na owa echimari, mbawo owukoora! Uriramura ri abhaanu bha ku‑chaaro na okuchisubhisya orusiima ku‑bhanu ꞉bhaachiitire?”

INDAGANO INYA:YA

¹⁰ Nibaikirira inguru na buraka bunene ati, Awe Ratabugenyi, omweru no we cimari, ?urikingya:ri okurema okuramura banu be:kae ku:si no kubasubisya orusi:ma kurwa manyinga geswe?

Obhusweruro 6:10 ပူးပေါင်းရင်းမြစ်များ

Ruuka 2:29

“Woori Raatabhugenyi, rwa kutyo ꞉waambwiriiye, nikwo kutyo jaakuumira. Woori ukaansigire anye omukosi waawo, nimaame kwa omurembe,

Ruuka 21:22

Jiribha kutyo, kwa okubha, jisiku ejo nijo jisiku ja Nyamuwanga ja okusubhya orusiima, korereki emisango joone jinu ꞉jaakaamirwe na abharagi bha kara jikuumire.

Barumi 12:19

Abheendwa bhaani, mwasiga okusubhya orusiima, tari musige Nyamuwanga aramure kutyo arisoosya indamu. Enaayika kutyo, kwa okubha mu‑Bhikaame Ebhyeru Raatabhugenyi kaayika ati, “Okusubhya orusiima ni murimu gwani, anye naanye nirisubhya orusiima.”

Baeburania 12:24

Emwe mwakingire ku‑Yeesu, unu kaagwatanya abhaanu na Nyamuwanga mu‑ndagano inyaaya. Ka wone mwakingire ku‑sagama yaaye inu ꞉yeetikire ku‑musarabha inguru ya okusoosya‑wo ebhibhiibhi bhyeswe. Isagama eyo itakutonga okusubhya orusiima rwa isagama ya Abheeri.

2 Petero 2:1

Nawe omwanya gwa abharagi, ꞉bheebhukire abharagi abhabheeyi agati ya Abhayisirayeeri. Nikwo kutyo wone, abheeyigisya bha orubheeyi bhariibhuka agati yeemwe. Abhaanu abho, bhariyigisyaga ku‑bhurigerige ameeyigisyo ga okuyabhya abhaanu, noorwo bhariigaana Raatabhugenyi, unu abhagurire. Ku‑njira eyo, abheene bhariireetera bhwangu okusingaarika kwebhwe abheene.

Obhusweruro 11:18

Abhaanu bha amaanga ꞉bhaakusokere, nawe omwanya gwa risungu ryawo gwakingire. Woori ni omwanya gwawo gwa okuramura abhaanu bhanu ꞉bhaafuuwe. Ka wone, nigwo omwanya gwa okuyaanira‑mo echiyaanwa abhakosi bhaawo abharagi, na abheeru bhaawo bhoone bhanu abhakusya risiina ryawo, abharera na abhakuru. Gunu nigwo omwanya gwa okusingaarisya abhaanu bhanu abhasingaarisya echaaro.”

Obhusweruro 18:20

Mukonderwe emwe bhanu mwikaaye mu‑rwire. Mukonderwe, emwe abheeru bha Nyamuwanga, jitumwa na abharagi, kwa okubha Nyamuwanga aasoosya indamu ku‑musi ogwo ku‑jinu ꞉gwabhakoreeye.

Obhusweruro 18:24

Mu‑musi omwo, ꞉gaabhonekeene‑mo isagama ya abharagi na eya abheeru bha Nyamuwanga, aamwi na isagama ya abhaanu bhoone bhanu ꞉bheetirwe ku‑chaaro anu.”

Obhusweruro 19:2

okubha indamu yaaye ni ya chimari na ya rirenga. Aaramura omugasi omukuru urya eegusyaga okwibhonera ribhona unu ꞉aanyamuuye echaaro ku‑bhusengani bhwaye. Nyamuwanga aasubhya orusiima, inguru ya isagama ya abhakosi bhanu omugasi oyo ꞉eetire.”

Obhusweruro 3:10

Woori kwa okubha ꞉mwegumiirisiisye rwa kutyo ꞉naabharagiriiye, niribharinda omwanya gwa inyaako inu irireetwa ku‑chaaro choone okuregeeja abhaanu bhoone.

Obhusweruro 3:7

“Ukaamire maraayika wa mw‑ikanisa rya Firadeefiya kutya, Anye niwe omweru na owa echimari. Ka wone, niri na orwiguriro rwa omukama Dawudi. Nikeegara orwigi, atari‑wo owundi unu kaatura okurwigura. Nikarwigura, atari‑wo owundi unu kaatura okurwigara. Mutegeresye jinu enibhabhwira!