Obhusweruro 5:6 - Indagano Inyaaya mu-Chijita

⁶ Niwo nindora Omwana wa Inaama eemereeguuyu ayeeyi na echitebhe cha ingʼoma. Wone aariga eyindirwe na ebhibhumbwa bhina bhirya na abhakaruka makumi gabhiri na bhana bharya. Omwana wa Inaama oyo, aariga ˆnaabhonekana wuti atemerwe omutwe. Ka wone aariga ari na amayembe gataanu na gabhiri na ameeso gataanu na gabhiri. Ameeso ago ni emyoyo etaanu na ebhiri ja Nyamuwanga jinu jaariga jitumirwe bhuri orubhaara ku‑chaaro choone.

INDAGANO INYA:YA

⁶ Aagati ye citebe ne ya jintyanyi ena, na aagati ya bakaruka nindora Omwana wa Ina:ma e:mereguyu, ari ati e:tirwe, ariga:ri na maembe gata:nu na gabiri, na me:so gata:nu na gabiri, nijo Myoyo eta:nu ne:biri eja Nyamuanga, jinu ejitumwa mu ca:ro co:ne.

Obhusweruro 5:6 ပူးပေါင်းရင်းမြစ်များ

Ruuka 1:69

Aachiyaana Omuchungusi owa obhuturo okusooka mu‑ruganda rwa omukosi waaye Dawudi.

Yowana 1:29

Mwejo yende‑ko, Yowana ˆnaarora Yeesu ˆnaamuuja‑ko. ˆNaabhwira abhaanu bhanu bhaariga bhari awo ati, “Ringira, oyo niwe Omwana wa Inaama wa Nyamuwanga, unu kaasoosya‑wo ebhibhiibhi bhya abhaanu bhoone bha echaaro chinu!

Yowana 1:36

ˆNaarora Yeesu ˆnaaribhataga ayeeyi nabho. ˆNaabhabhwira ati, “Ringira, oyo niwe Omwana wa Inaama wa Nyamuwanga!”

Ebikorwa 8:32

Ebhikaame Ebhyeru bhinu omukuru oyo aariga ˆnaasoma, nibhyo bhinu, “꞉Aatangasiibhwe rwa inaama inu eyija okwitwa. ꞉Aajibhiiye jibhijibhi, rwa kutyo omwana wa inaama eyijibhira omwanya gunu eyitemwa‑ko obhufufi.

Obhusweruro 1:4

Inyarubha inu, niikaamire anye Yowana. Enikaamira emwe abharuubhirisya bha Yeesu bha mu‑makanisa gataanu na gabhiri ganu gari mu‑chaaro cha Asiya Inooto. Enibhasabhirwa bhwitiriranya na omurembe okusooka ku‑Nyamuwanga unu ari‑wo, unu aariga ari‑wo na unu aribha‑wo, okusooka ku‑myoyo etaanu na ebhiri jinu jiri imbere ya echitebhe cha ingʼoma

Obhusweruro 12:11

Woori abheekirisya abheejaasu bhaayigire Syetaani ku‑sagama ya Omwana wa Inaama na ku‑bhubhambaasi bhunu bhasoosiisye. Okubha ꞉bhateeganire obhurame bhwebhwe, bhaariga bhatengeejere noorwo okufwa.

Obhusweruro 13:8

Abhaanu bhoone ku‑chaaro choone bhariramya rityanyi eryo, nawe abhaanu bhoone bhanu amasiina geebhwe gakaamirwe mu‑chitabho cha obhuwanga, okusookerera echaaro chichaari okubhumbwa bhataririramya. Echitabho echo ni cha Omwana wa Inaama unu ꞉aatemerwe omutwe.

Obhusweruro 14:1

Nejire neeya, nindingira, nindora Omwana wa Inaama eemereeguuyu ku‑chiima chinu echitogwa Sayuuni na aariga ari aamwi na abhaanu bhisira egana na makumi gana na bhana (144,000). Abhaanu abho bhaariga bhakaamirwe ku‑bhisuusu bhyebhwe, risiina rya Omwana wa Inaama na risiina rya Esemwene.

Obhusweruro 17:14

Bharigwatana na rityanyi eryo, okukora riremo na Omwana wa Inaama. Nawe Omwana wa Inaama aribhayiga, kwa okubha omwene niwe Raatabhugenyi wa bharaatabhugenyi na Omukama wa abhakama. Bhanu bhari aamwi nage nibho bhabhirikiiywe na okusorwa na Nyamuwanga, abheene ni bheeyikanyibhwa.”

Obhusweruro 21:22

Mu‑musi omwo, ꞉nitaarorere‑mo Riyekaru rya Nyamuwanga, kwa okubha Nyamuwanga, Raatabhugenyi owa obhuturo bhwone, aamwi na Omwana wa Inaama nibho Riyekaru ryagwo.

Obhusweruro 21:23

Omusi ogwo gutakukena esuubha ryake‑mo amwi okwesi kwake‑mo okubha rikusyo rya Nyamuwanga niryo erimirika‑mo, na Omwana wa Inaama niwe idara yeende‑mo.

Obhusweruro 22:1

Neeya maraayika urya ˆnaanyeeresya omusima gwa amanji ganu agasoosya obhuwanga. Omusima ogwo gwariga nigubharangirya rwa rirore na gwariga niguwurura okusooka mw‑ifuufu rya echitebhe cha ingʼoma cha Nyamuwanga na Omwana wa Inaama.

Obhusweruro 22:3

Omusi ogwo, gutaribha‑mo echiinu choonechoone chinu chiiyiimirwe na Nyamuwanga. Echitebhe chirya cha ingʼoma cha Nyamuwanga na Omwana wa Inaama chiribha mu‑musi omwo. Abhakosi bhaaye wone, bhariramya Nyamuwanga.

Obhusweruro 4:8

Ebhibhumbwa ebhina ebhyo, bhuri chimwi chaariga chiri na amabhabha gataanu na rimwi. Bhyone kutyo, bhyariga bhiswirire ameeso bhuri orubhaara, noorwo ku‑mabhabha. Ebhibhumbwa ebhyo bhyariga nibhiimba mu‑ngeta na mu‑mwisi okujibhira wuri. Orwimbo runu bhyembaga ni runu, “Mweru, Mweru, Mweru ni Raatabhugenyi Nyamuwanga owa obhuturo bhwone, aariga ari‑wo, ari‑wo na aribha‑wo.”

Obhusweruro 5:11

Niwo nindora na okuungwa bhamaraayika bhaafu muno, ebhiwumbi na ebhiwumbi, bhaariga bhari bhanyatabharwa. Bhamaraayika abho bhaariga bheeyindire echitebhe chirya cha ingʼoma, ebhibhumbwa bhirya na abhakaruka bharya.

Obhusweruro 5:12

Ninuungwa nibhaamura obhuraka, nibheemba ati, “Omwana wa Inaama unu ꞉aatemerwe omutwe, eeyire okuramira obhuturo, obhuniibhi na obhwengeeso. Amanaga, echibharo, rikusyo na jikuma ni bhyaye!”

Obhusweruro 5:13

Niwo ninuungwa ebhibhumbwa bhyone mu‑rwire eyo, ku‑chaaro anu, mu‑nyombe eyo na mu‑nyanja nibhiimba aamwi, “Omwene unu eenyanjire ku‑chitebhe cha ingʼoma, na Omwana wa Inaama, bhakusibhwe, bhayaanwe echibharo, bhayaanwe rikusyo na obhuturo akajaanende koone!”

Obhusweruro 5:14

Ebhibhumbwa bhina bhirya nibhiitabhirisya, nibhyayikaga ati, “Jibhe kutyo!” Abhakaruka bharya wone nibhagwa bhwifumbike, nibharamya Nyamuwanga na Omwana wa Inaama.

Obhusweruro 6:16

Nibhabhwira ebhiima ebhyo na amabhuyi ago ati, “Muchigwire! Muchibhise, korereki unu eenyanjire ku‑chitebhe cha ingʼoma asige okuchirora. Muchibhise, chiiruke risungu rya Omwana wa Inaama.