Obhusweruro 5:13 - Indagano Inyaaya mu-Chijita

¹³ Niwo ninuungwa ebhibhumbwa bhyone mu‑rwire eyo, ku‑chaaro anu, mu‑nyombe eyo na mu‑nyanja nibhiimba aamwi, “Omwene unu eenyanjire ku‑chitebhe cha ingʼoma, na Omwana wa Inaama, bhakusibhwe, bhayaanwe echibharo, bhayaanwe rikusyo na obhuturo akajaanende koone!”

INDAGANO INYA:YA

¹³ Ninungwa ebiangwa byone binu biri mu rwire, na binu biri ku ca:ro na binu biri emwaro ye ca:ro, ne bya ku nyanja, na binu birimo byone, nimbyungwa nibyaika ati, Oyo enyanjire ku citebe ca iŋoma no Mwana wa Ina:ma bayabwega ribando, ne cibaro, na rikusyo, no buinga, kajanende na kajanende.

Obhusweruro 5:13 ပူးပေါင်းရင်းမြစ်များ

Matayo 6:13

Waasiga okuchiingisya mu‑maregeejo, nawe uchichungure okusooka ku‑Mubhiibhi urya, [kwa okubha obhukama, amanaga na rikusyo, ni bhyawo akajaanende koone! Jibhe kutyo!]’”

Ruuka 2:14

“Nyamuwanga wa mu‑rwire akusibhwe! Ku‑chaaro anu, omurembe gubhe ku‑bhaanu bhanu eendere.”

Yowana 1:29

Mwejo yende‑ko, Yowana ˆnaarora Yeesu ˆnaamuuja‑ko. ˆNaabhwira abhaanu bhanu bhaariga bhari awo ati, “Ringira, oyo niwe Omwana wa Inaama wa Nyamuwanga, unu kaasoosya‑wo ebhibhiibhi bhya abhaanu bhoone bha echaaro chinu!

Barumi 11:36

Nyamuwanga niwe ꞉aabhumbire ebhiinu bhyone. Okutura ku‑mwene ebhiinu bhyone ebhigenderera okubha‑wo, na ebhiinu bhyone bhiri‑wo inguru ya rikusyo ryaye. Nyamuwanga akusibhwe akajaanende koone! Jibhe kutyo.

Barumi 16:27

Nyamuwanga wenyere niwe owa obhwengeeso bhwone. Omwene niwe akusibhwega akajaanende koone, ku‑njira ya Yeesu Kirisito! Jibhe kutyo.

Barumi 9:5

Abhayisirayeeri abho nibho orwibhuro rwa bhasaaja Bhurayimu, Isaaka na Yakobho. Echinyamuunu, noorwo Kirisito ni Muyisirayeeri. Kirisito, niwe Nyamuwanga, Omukuru wa bhyone, akusibhwe akajaanende koone! Jibhe kutyo.

Baefeso 3:21

Yee, akusibhwe kw‑ikusyo ryaye rinu eribhonekana mw‑ikanisa na ku‑Kirisito Yeesu noorwo ku‑mayimbo goone, akajaanende koone. Jibhe kutyo.

Bafilipi 2:10

korereki ku‑chibharo cha risiina rya Yeesu, ebhibhumbwa bhyone bhya mu‑rwire, bhya ku‑chaaro na ebhya mu‑nyombe, bhiifukame ku‑mwene.

Bakolosai 1:23

Nawe mwenderwe okugenderera okwikirisya Emisango ja Ekisi murumateene na okubha na amanaga. Mwasiga okwikirisya abhandi bhabhakongye okusiga obhwiyikanyo bhunu ꞉mwabhwene omwanya gunu ꞉mwoonguuwe Emisango ja Ekisi. Emisango ja Ekisi ejo, jiraasiibhwe ku‑bhaanu bhoone ku‑chaaro anu, anye Pawuro nibheeye omukosi waajo.

1 Timoteo 4:16

Iyangarira awe omwene, inguru ya jitungwa jaawo na ameeyigisyo gaawo na ugenderere okukora kutyo. Ukakora ejo urichunguka awe omwene aamwi na abhaanu bhanu abhakutegeresya.

1 Petero 4:11

Omuunu woonewoone unu kaaraasya, araasye rwa omuunu unu kaaraasya emisango ja Nyamuwanga chimari. Unu kaasakira abhaanu abhandi, abhasakire ku‑bhuturo bhunu Nyamuwanga amuyaaye, korereki Nyamuwanga akusibhwe ku‑misango joone, okutura ku‑Yeesu Kirisito. Omwene oyo, ayaanwe rikusyo na obhuturo akajaanende koone. Jibhe kutyo.

1 Petero 5:11

Nyamuwanga niwe ari na obhuturo akajaanende koone! Jibhe kutyo.

Yuuda 1:25

Omwene niwe Nyamuwanga era, niwe Omuchungusi weeswe okutura ku‑Yeesu Kirisito Raatabhugenyi weeswe. Nyamuwanga akusibhwe muno, kwa okubha omwene ari na rikusyo, obhukuru, amanaga na obhuturo, okwambira kara, woori, noorwo akajaanende koone. Jibhe kutyo.

Obhusweruro 1:6

Achikorere okubha obhukama bhwa abhagabhisi korereki chikorere emirimu Nyamuwanga, Esemwene. Omwene ayaanwe rikusyo na obhuturo akajaanende koone! Jibhe kutyo.

Obhusweruro 13:8

Abhaanu bhoone ku‑chaaro choone bhariramya rityanyi eryo, nawe abhaanu bhoone bhanu amasiina geebhwe gakaamirwe mu‑chitabho cha obhuwanga, okusookerera echaaro chichaari okubhumbwa bhataririramya. Echitabho echo ni cha Omwana wa Inaama unu ꞉aatemerwe omutwe.

Obhusweruro 5:1

Nejire neeya, nindora unu aariga eenyanjire ku‑chitebhe chirya cha ingʼoma ari na echitabho mu‑kubhoko kwaye kwa ebhuryo. Echitabho echo, chaariga chikaamirwe mbaara joone ebhiri, ka wone chaariga chibhoyerwe na jimboyero etaanu na ebhiri ja obhurimbo.

Obhusweruro 5:12

Ninuungwa nibhaamura obhuraka, nibheemba ati, “Omwana wa Inaama unu ꞉aatemerwe omutwe, eeyire okuramira obhuturo, obhuniibhi na obhwengeeso. Amanaga, echibharo, rikusyo na jikuma ni bhyaye!”

Obhusweruro 5:3

Nawe ꞉ataabheeye‑wo omuunu noorwo umwi, mu‑rwire eyo, amwi ku‑chaaro anu, noorwo mu‑nyombe eyo, unu aariga eeyire okufumbura echitabho echo na okuchisoma.

Obhusweruro 5:6

Niwo nindora Omwana wa Inaama eemereeguuyu ayeeyi na echitebhe cha ingʼoma. Wone aariga eyindirwe na ebhibhumbwa bhina bhirya na abhakaruka makumi gabhiri na bhana bharya. Omwana wa Inaama oyo, aariga ˆnaabhonekana wuti atemerwe omutwe. Ka wone aariga ari na amayembe gataanu na gabhiri na ameeso gataanu na gabhiri. Ameeso ago ni emyoyo etaanu na ebhiri ja Nyamuwanga jinu jaariga jitumirwe bhuri orubhaara ku‑chaaro choone.

Obhusweruro 5:9

Nibheembira Omwana wa Inaama orwimbo oruyaaya runu rwayikaga ati, “Awe wiiyire okuramira echitabho echo na okusuruumura jimboyero jaacho ja obhurimbo. Okubha awe ꞉waatemerwe omutwe na ku‑sagama yaawo, nuugurira Nyamuwanga abhaanu bha jingʼanda joone, jinyaayika joone, jinyaami joone na abha amaanga goone.

Obhusweruro 6:16

Nibhabhwira ebhiima ebhyo na amabhuyi ago ati, “Muchigwire! Muchibhise, korereki unu eenyanjire ku‑chitebhe cha ingʼoma asige okuchirora. Muchibhise, chiiruke risungu rya Omwana wa Inaama.