Obhusweruro 4:8 - Indagano Inyaaya mu-Chijita

⁸ Ebhibhumbwa ebhina ebhyo, bhuri chimwi chaariga chiri na amabhabha gataanu na rimwi. Bhyone kutyo, bhyariga bhiswirire ameeso bhuri orubhaara, noorwo ku‑mabhabha. Ebhibhumbwa ebhyo bhyariga nibhiimba mu‑ngeta na mu‑mwisi okujibhira wuri. Orwimbo runu bhyembaga ni runu, “Mweru, Mweru, Mweru ni Raatabhugenyi Nyamuwanga owa obhuturo bhwone, aariga ari‑wo, ari‑wo na aribha‑wo.”

INDAGANO INYA:YA

⁸ Na jintyanyi ejo ena jariga jiri na mababa gata:nu na rimwi jiswirire, jariga jiswirire ame:so mbara jo:ne na munda. Amwi jitana bwisisyo bwa mwoyo mu mwisi na mu ngeta nija:ika ati, Mweru, Mweru, Mweru, Ratabugenyi Nyamuanga, unu katura byone, niwe unu arigao na unu ariwo na unu aribao.

Obhusweruro 4:8 ပူးပေါင်းရင်းမြစ်များ

Ebikorwa 20:31

Kurwa ejo, mwiyangarire! Mwichuke ati, naamarire emiguuga esatu nintongeraga bhuri umwi weemwe, nindiriraga‑ko amasiga mogomogo mu‑ngeta na mu‑mwisi.

2 Bakorinto 6:18

Ka wone ꞉aayikire ati, “Niribha Esomwana, na emwe muribha abhaana bhaani bha echirume na abha echigasi. Nikwo kutyo kaayika Raatabhugenyi Nyamuwanga owa obhuturo bhwone!”

1 Batesalonika 2:9

Woori, abhayiri bheeswe, omwichuka okwikomeesya kweswe na okunyaaka kweswe, kutyo chaakoraga emirimu mu‑ngeta na mu‑mwisi. ꞉Chaakorere kutyo, korereki omwanya gunu echiraasya Emisango ja Ekisi okusooka ku‑Nyamuwanga, chisige okunyaasya omuunu woonewoone kw‑imwe.

1 Timoteo 4:16

Iyangarira awe omwene, inguru ya jitungwa jaawo na ameeyigisyo gaawo na ugenderere okukora kutyo. Ukakora ejo urichunguka awe omwene aamwi na abhaanu bhanu abhakutegeresya.

2 Timoteo 4:2

Genderera okuraasya Emisango ja Ekisi ja Nyamuwanga. Ubhe wimaririiye okukora kutyo, omwanya gunu gwiyire amwi gunu guteeyire. Kengyaga, gonyaga na simbagirisyaga abhaanu. Ukore kutyo, kwa okwiyigisya mu‑bhwigumiirisya bhwone.

Baeburania 13:8

Yeesu Kirisito atakuyinduka. Omwene ni wuryawurya, rigoro, reero, na kajaanende koone.

Obhusweruro 1:4

Inyarubha inu, niikaamire anye Yowana. Enikaamira emwe abharuubhirisya bha Yeesu bha mu‑makanisa gataanu na gabhiri ganu gari mu‑chaaro cha Asiya Inooto. Enibhasabhirwa bhwitiriranya na omurembe okusooka ku‑Nyamuwanga unu ari‑wo, unu aariga ari‑wo na unu aribha‑wo, okusooka ku‑myoyo etaanu na ebhiri jinu jiri imbere ya echitebhe cha ingʼoma

Obhusweruro 1:8

Raatabhugenyi Nyamuwanga kaayika ati, “Naanye Obhwambiro na Obhuteero. Anye niri‑wo, naariga niri‑wo na niribha‑wo. Anye niri Nyamuwanga owa obhuturo bhwone.”

Obhusweruro 11:17

nibhaayikaga ati, “Echikusiima Raatabhugenyi Nyamuwanga owa obhuturo bhwone. Awe waariga uri‑wo noorwo woori uri‑wo. Ku‑bhuturo bhwawo obhukuru woori waamba okutunga echaaro choone.

Obhusweruro 14:11

Ingesi ya okurungura kwebhwe iririinya inguru akajaanende koone. Abhaanu abho bharinyaaka mu‑ngeta na mu‑mwisi, kwa okubha bharamiisye rityanyi na risusano ryaryo na okukaamwa‑ko risiina rya rityanyi eryo.”

Obhusweruro 14:3

Abhaanu abho, bhaariga bheemereeguuyu imbere ya echitebhe cha ingʼoma chirya, na imbere ya ebhibhumbwa bhina ebhiwanga bhirya na abhakaruka bharya makumi gabhiri na bhana. Abhaanu abho, bhaariga nibheemba orwimbo oruyaaya na atari‑wo omuunu owundi unu ꞉aaturire okwiyigira okwimba orwimbo orwo, tari abho bhaariga bhagurirwe okusooka ku‑chaaro.

Obhusweruro 15:3

Abhaanu abho bhaariga nibheemba orwimbo rwa Muusa, omukosi wa Nyamuwanga. Orwimbo orwoorwo nirwo rwa Omwana wa Inaama. Bheembaga ati, “Raatabhugenyi awe Nyamuwanga owa obhuturo bhwone, ebhikorwa bhyawo ni bhikuru na ebhya okuruguusya. Awe, niwe Omukama wa amaanga goone, na jinjira jaawo ni ja obhurengeresi na ja echimari.

Obhusweruro 15:7

Owumwi wa ebhibhumbwa ebhina bhya obhuwanga bhirya, ˆnaayaana bhuri owumwi wa bhamaraayika bhataanu na bhabhiri abho, ribhakuri rya inaaryo rinu riijuuye risungu rya Nyamuwanga, omuwanga akajaanende koone.

Obhusweruro 16:14

Amasambwa ago, gaariga gari na obhuturo bhwa okukora ebhibharikisyo na emirimu jaago ni kugenda ku‑bhakama bhoone ku‑chaaro na okubhakumanya, korereki bhakore riremo ku‑rusuku rurya orukuru rwa risungu rya Nyamuwanga owa obhuturo bhwone.

Obhusweruro 16:7

Niwo ninuungwa obhuraka okusooka ku‑chigabhiro, nibhwayikaga ati, “Awe, Raatabhugenyi Nyamuwanga owa obhuturo bhwone, indamu yaawo ni ya echimari na ya obhurengeresi.”

Obhusweruro 19:15

Imbanda ya obhuugi eyisooka mu‑kanwa kaaye, korereki ku‑mbanda eyo ayige amaanga. Arigatunga kwa amanaga maafu. Aritajirira riswejisyo rya jijabhiibhu rinu eryeresya risungu rya Nyamuwanga owa obhuturo bhwone.

Obhusweruro 19:4

Abhakaruka makumi gabhiri na bhana bharya, aamwi na ebhibhumbwa bhina bhirya, nibhagwa bhwifumbike, nibharamya Nyamuwanga unu aariga eenyanjire ku‑chitebhe cha ingʼoma, nibhaayikaga ati, “Jibhe kutyo! Nyamuwanga akusibhwe!”

Obhusweruro 21:22

Mu‑musi omwo, ꞉nitaarorere‑mo Riyekaru rya Nyamuwanga, kwa okubha Nyamuwanga, Raatabhugenyi owa obhuturo bhwone, aamwi na Omwana wa Inaama nibho Riyekaru ryagwo.

Obhusweruro 3:7

“Ukaamire maraayika wa mw‑ikanisa rya Firadeefiya kutya, Anye niwe omweru na owa echimari. Ka wone, niri na orwiguriro rwa omukama Dawudi. Nikeegara orwigi, atari‑wo owundi unu kaatura okurwigura. Nikarwigura, atari‑wo owundi unu kaatura okurwigara. Mutegeresye jinu enibhabhwira!

Obhusweruro 4:4

Ka wone, echitebhe cha ingʼoma echo chaariga chisingiywe na ebhitebhe ebhindi makumi gabhiri na bhina bhya obhutungi. Ku‑bhitebhe ebhyo, bhaariga bheenyanjire‑ko abhakaruka makumi gabhiri na bhana. Abhakaruka abho, bhaariga bhafwaye emyenda emyeru na ku‑mitwe jeebhwe bhaariga bhafwaye jitengya ja inaaryo.

Obhusweruro 4:6

Ka wone, imbere ya echitebhe cha ingʼoma chaariga chiri‑wo echiinu wuti inyanja ya rirore. Inyanja eyo, yaariga iri rwa ribhuyi rinu eringʼarabhya muno. Agati ya echitebhe cha ingʼoma na abhakaruka bharya, bhyariga bhiri‑wo ebhibhumbwa bhina ebhya obhuwanga. Ebhibhumbwa ebhyo bhyariga bhisingiiye echitebhe cha ingʼoma mbaara joone. Ka wone, bhyariga bhiswirire ameeso bhuri orubhaara ku‑mibhiri jabhyo.

Obhusweruro 4:9

Ebhibhumbwa bhina ebhyo bhyariga nibhikuuya, nibhiyaana echibharo na okusiima unu eenyanjire ku‑chitebhe cha ingʼoma. Omwene oyo, niwe omuwanga akajaanende koone.

Obhusweruro 5:6

Niwo nindora Omwana wa Inaama eemereeguuyu ayeeyi na echitebhe cha ingʼoma. Wone aariga eyindirwe na ebhibhumbwa bhina bhirya na abhakaruka makumi gabhiri na bhana bharya. Omwana wa Inaama oyo, aariga ˆnaabhonekana wuti atemerwe omutwe. Ka wone aariga ari na amayembe gataanu na gabhiri na ameeso gataanu na gabhiri. Ameeso ago ni emyoyo etaanu na ebhiri ja Nyamuwanga jinu jaariga jitumirwe bhuri orubhaara ku‑chaaro choone.

Obhusweruro 6:1

Nejire neeya, nindora Omwana wa Inaama ˆnaasuruumuraga imboyero irya ya okwamba ya obhurimbo ku‑mboyero jirya etaanu na ebhiri. Ka wone, ninuungwa echibhumbwa echimwi ku‑bhina bhirya, nichaamura obhuraka rwa bhwa ribharuka, nichaayikaga ati, “Iija!”

Obhusweruro 6:6

Ninuungwa wuti obhuraka nibhusooka agatigati ya ebhibhumbwa ebhina bhirya, nibhwayika ati, “Omuyeero gwa orusuku rwone gurigura echisengo chimwi era cha jisyano ja obhuro. Ka wone, omuyeero gwa orusuku rwone gurigura ebhisengo bhisatu era bhya jisyano ja isyayiri. Nawe waasiga okunyamura amafuta noorwo echifuufu.”

Obhusweruro 7:11

Bhamaraayika bhoone bhaariga bheemereeguuyu bheeyindire echitebhe cha ingʼoma, abhakaruka bharya na ebhibhumbwa bhina bhirya. Nibhagwa bhwifumbike imbere ya echitebhe echo, nibharamya Nyamuwanga,

Obhusweruro 7:15

Nikwo okukora bhari imbere ya echitebhe cha ingʼoma cha Nyamuwanga. Abhamukorera emirimu mu‑ngeta na mu‑mwisi mw‑Iyekaru ryaye. Nyamuwanga omwene unu eenyanjire ku‑chitebhe cha ingʼoma, aribha aamwi nabho na okubharinda.