Obhusweruro 4:5 - Indagano Inyaaya mu-Chijita

⁵ Echitebhe cha ingʼoma echo chaariga nichisoosya jindabhyo na amabharuka. Imbere yaacho, jaariga jiri‑wo jidara etaanu na ebhiri nijaakaga. Jidara ejo, nijo emyoyo etaanu na ebhiri ja Nyamuwanga.

INDAGANO INYA:YA

⁵ Na ku citebe eco nijiso:kako ndafi na mabaruka na maraka. Na jitara eta:nu ne:biri jariga nija:ka imbere ye citebe, nijo Myoyo eta:nu ne:biri eja Nyamuanga.

Obhusweruro 4:5 ပူးပေါင်းရင်းမြစ်များ

Matayo 25:1

Niwo Yeesu ˆnaabhwira abheeyigisibhwa bhaaye echijekekanyo echindi ati, “Ku‑mwanya ogwo, obhukama bhwa mu‑rwire bhurisusana na abhayara ekumi bhanu ꞉bhaagegere jidara jeebhwe na okugenda okuramira omutwasi.

Matayo 3:11

“Anye enibhabhatiija mu‑manji okweresya ati, muyindukiiye Nyamuwanga. Nawe kaja okuuja omuunu owundi owa obhuturo okunkira. Anye niteeyire noorwo okusuruumura jingoye ja ebhiraato bhyaye. Omwene aribhabhatiija kwa Mwoyo Mweru na kwa omuriro okwesya emitima jeemwe rwa kutyo omuriro ogwesya ebhyuma.

Ebikorwa 2:3

Awoawo nibharora ebhiinu bhinu bhyariga bhiri wuti jimbeesi ja omuriro, nibhigabhanyika, nibhiika inguru ya bhuri muunu ku‑bheene.

Obhusweruro 1:4

Inyarubha inu, niikaamire anye Yowana. Enikaamira emwe abharuubhirisya bha Yeesu bha mu‑makanisa gataanu na gabhiri ganu gari mu‑chaaro cha Asiya Inooto. Enibhasabhirwa bhwitiriranya na omurembe okusooka ku‑Nyamuwanga unu ari‑wo, unu aariga ari‑wo na unu aribha‑wo, okusooka ku‑myoyo etaanu na ebhiri jinu jiri imbere ya echitebhe cha ingʼoma

Obhusweruro 10:3

ˆNaamura obhuraka rwa itare kutyo eyiruuta. Ejire maraayika oyo aamara okwamura obhuraka, amabharuka gataanu na gabhiri, nigeetabhirisya.

Obhusweruro 11:19

Niwo, orwigi rwa Riyekaru rya Nyamuwanga rya mu‑rwire nirwiguka. Risandikwa rya indagano ya Nyamuwanga niribhonekana mw‑Iyekaru eryo. Nindora jindabhyo na ninuungwa obhuraka bhwa ribharuka. Rinyamutikima rya echaaro niritura na niigwa ingʼubha nyafu muno ya amabhuyi amanene.

Obhusweruro 3:1

Niwo omuunu oyo ˆnaagenderera okwayika, ˆnaambwiraga ati, “Ukaamire maraayika wa mw‑ikanisa rya Sariidi kutya, Anye, naanye nitungire emyoyo etaanu na ebhiri ja Nyamuwanga na niri na jinjota etaanu na ebhiri jirya. Mutegeresye jinu enibhabhwira! Enimenya ebhikorwa bhyemwe. Muri na jikuma ja okubha abhaanga echinyamwoyo, keenu mufuuwe.

Obhusweruro 5:6

Niwo nindora Omwana wa Inaama eemereeguuyu ayeeyi na echitebhe cha ingʼoma. Wone aariga eyindirwe na ebhibhumbwa bhina bhirya na abhakaruka makumi gabhiri na bhana bharya. Omwana wa Inaama oyo, aariga ˆnaabhonekana wuti atemerwe omutwe. Ka wone aariga ari na amayembe gataanu na gabhiri na ameeso gataanu na gabhiri. Ameeso ago ni emyoyo etaanu na ebhiri ja Nyamuwanga jinu jaariga jitumirwe bhuri orubhaara ku‑chaaro choone.

Obhusweruro 8:5

Neeya maraayika oyo ˆnaagega ribhakuri ryaye, ˆnaawokoora amakara ga omuriro ku‑chigabhiro, ˆnaageejusya mu‑mabhakuri omwo, ˆnaayeesa ku‑chaaro anu. Nibhubha‑wo obhuraka bhwa ribharuka, nijibha‑wo jindabhyo na rinyamutikima rya echaaro.