Obhusweruro 3:8 - Indagano Inyaaya mu-Chijita

⁸ Enimenya ebhikorwa bhyemwe. Mutegeresye! Anye naabheegurira orwigi na atari‑wo omuunu unu kaatura okurwigara. Enimenya ati muri na amanaga amatooto, nawe mugwatire ameeyigisyo gaani, noorwo ꞉muteegaanire risiina ryani.

INDAGANO INYA:YA

⁸ Nimenyere ebikorwa byao. Rora, natee orwigi runu rwiguye imbere yao, amwi omu:nu wo:ne atakutura kwigara. Nimenyere ati, uri na managa mato:to, nugwata omusango gwani, amwi ute:ga:nire esi:na ryani.

Obhusweruro 3:8 ပူးပေါင်းရင်းမြစ်များ

Ruuka 12:9

Nawe, omuunu woonewoone unu kaanyigaana imbere ya abhaanu, anye wone nirimwigaana imbere ya bhamaraayika bha Nyamuwanga.

Yowana 15:20

Mwasiga okurabhirwa omusango gunu ꞉naabhabhwiriiye ati, ‘Omugaya atakutura okubha omukuru okukira omwami waaye.’ Mbe, araabha ꞉bhaanyaasiisye anye, emwe wone bharibhanyaasya. Nawe araabha ꞉bheekirisiisye ameeyigisyo gaani, ageemwe wone abhaja okugeekirisya.

Yowana 17:6

“Raata, naakuswerura kutyo uri ku‑bhaanu bhanu kara awo bhaariga bhari bha ku‑chaaro kunu. Abheene bhaariga bhari bhaawo, awe nuubhanaana. Ka wone bhagayukire omusango gwawo.

Ebikorwa 14:27

Atiyookiya awo nibhakofya abheekirisya. Nibhabhatondera joone jinu Nyamuwanga ꞉aakorere okutura ku‑bheene na kutyo ꞉eeguuye orwigi ku‑bhaanu bhanu bhatari Bhayawudi okwikirisya Yeesu.

1 Bakorinto 16:9

Enikora kutyo, kwa okubha Nyamuwanga aanyigurira orwigi, korereki nikore emirimu myafu mu‑musi gunu, noorwo kutyo bhari‑wo abhaanu bhaafu bhanu abhanyingirira.

2 Bakorinto 2:12

Mbe, omwanya gunu ꞉naakingire mu‑musi gwa Turoowa okuraasya Emisango ja Ekisi inguru ya Kirisito, ꞉naasongeene Raatabhugenyi aanyiguriiye orwigi, korereki nikore emirimu jaaye eyo.

Bafilipi 4:13

Enitura okukora emisango ejo joone, kwa okubha Kirisito niwe kaanaana amanaga.

Bakolosai 4:3

Muchisabhirwe eswe wone, korereki Nyamuwanga achiigurire orwigi rwa okuraasya omusango gwaye inguru ya Kirisito gunu kara gwariga gubhisirwe. Anye nibhoyerwe inguru ya okuraasya omusango ogwo.

1 Timoteo 5:8

Nawe omuunu woonewoone unu atakusakira abhaanu bhaaye, chimwichimwi bharya bha mu‑musi gwaye, oyo kaabha asigire eriikirisya, ka wone, ni mubhiibhi okukira unu atari mwikirisya.

2 Timoteo 4:7

Nirwanire riremo kisi, orugendo rwani nirumarire kisi, ka wone eriikirisya ryani nirigwatiriiye ngʼanyangʼanya.

Yuuda 1:4

Enibhakaamira inyarubha inu, kwa okubha bhari‑wo abheeyigisya abharebhe bha orubheeyi bhanu bheeyingisiisye mw‑imwe bhumbise. Abhaanu abho, bhatakugayuka Nyamuwanga. Mu‑meeyigisyo gwebhwe, abhayindura obhwitiriranya bhwa Nyamuwanga weeswe, abhakora bhubhe rwa isonga ya okukora emisango ja orukubho. Ka wone, abheegaana Raatabhugenyi weeswe Yeesu Kirisito, omutangasya weeswe omukuru. Nawe okwambira kara jikaamirwe mu‑Bhikaame Ebhyeru ati, abhaanu abho, bhariramurwa rwa kutyo abhandi ꞉bhaaramuuywe.

Obhusweruro 2:13

Anye enimenya ati, mwikaaye anu Syetaani atungire. Nawe omugenderera okwikirisya risiina ryani. Noorwo omwanya gurya omubhambaasi waani omwiyikanyibhwa Atipaasi, ꞉eetiiywe mu‑musi gwemwe gwa Perigaamo anu Syetaani eekaaye, ꞉mutaanyigaanire wuri.

Obhusweruro 2:2

Enimenya ebhikorwa bhyemwe, okwikomeesya kwemwe na obhwigumiirisya bhwemwe. Enimenya wone ati mutakutura okwigumiirisya abhaanu abhabhiibhi. Ka wone, mwaregeejere abhaanu bhanu abheetoga ati ni jitumwa, keenu bhatari jitumwa. Mwabharegeeja, nimusongʼana ati, ni bhabheeyi.

Obhusweruro 22:7

Yeesu kaayika ati, “Tegeresya! Eniija bhwangu. Bharibhona amabhando bhanu abhagayuka na okuruubha emisango ja obhuragi bhwa echitabho chinu.”

Obhusweruro 3:1

Niwo omuunu oyo ˆnaagenderera okwayika, ˆnaambwiraga ati, “Ukaamire maraayika wa mw‑ikanisa rya Sariidi kutya, Anye, naanye nitungire emyoyo etaanu na ebhiri ja Nyamuwanga na niri na jinjota etaanu na ebhiri jirya. Mutegeresye jinu enibhabhwira! Enimenya ebhikorwa bhyemwe. Muri na jikuma ja okubha abhaanga echinyamwoyo, keenu mufuuwe.

Obhusweruro 3:10

Woori kwa okubha ꞉mwegumiirisiisye rwa kutyo ꞉naabharagiriiye, niribharinda omwanya gwa inyaako inu irireetwa ku‑chaaro choone okuregeeja abhaanu bhoone.

Obhusweruro 3:15

Enimenya ebhikorwa bhyemwe. Enimenya ati muri abha ribhirabhira. Ni akiri mwakanyiriiye jubhujubhu amwi mwakabhirire rugurugu!

Obhusweruro 3:7

“Ukaamire maraayika wa mw‑ikanisa rya Firadeefiya kutya, Anye niwe omweru na owa echimari. Ka wone, niri na orwiguriro rwa omukama Dawudi. Nikeegara orwigi, atari‑wo owundi unu kaatura okurwigura. Nikarwigura, atari‑wo owundi unu kaatura okurwigara. Mutegeresye jinu enibhabhwira!