Obhusweruro 3:7 - Indagano Inyaaya mu-Chijita

⁷ “Ukaamire maraayika wa mw‑ikanisa rya Firadeefiya kutya, Anye niwe omweru na owa echimari. Ka wone, niri na orwiguriro rwa omukama Dawudi. Nikeegara orwigi, atari‑wo owundi unu kaatura okurwigura. Nikarwigura, atari‑wo owundi unu kaatura okurwigara. Mutegeresye jinu enibhabhwira!

INDAGANO INYA:YA

⁷ Yandikira intumwa ya ikanisa ya Filadefia ati, Omweru no we cimari, unu ari no rufunguro rwa Daudi, na ka unu ke:gura, amwi atario unu ke:gara, ka unu ke:gara amwi atario unu ke:gura, niwe ka:ika ati,

Obhusweruro 3:7 ပူးပေါင်းရင်းမြစ်များ

Matayo 16:19

Anye nirikuyaana jinyiguriro ja obhukama bhwa mu‑rwire. Kurwa ejo, emisango joone jinu uriigara ku‑chaaro anu, Nyamuwanga wone kaabha ajiigaaye okusooka mu‑rwire. Ka wone, emisango joone jinu uriigura ku‑chaaro anu, Nyamuwanga wone, kaabha ajiiguuye okusooka mu‑rwire.”

Matayo 24:35

Orutumba na echaaro bhiritura, nawe emisango jaani jitaritura wuri.

Mariko 1:24

ˆnaayikaga ati, “Awe Yeesu wa Najareeti, owuchiyenja‑ko ki! Angu, wiijire okuchisingaarisya? Anye nikumenyere ati naawe ga, awe naawe Omweru wa Nyamuwanga.”

Ruuka 1:32

Aribha omukuru na aribhirikirwaga ati, ‘Omwana wa unu ari Inguru ya Bhyone.’ Raatabhugenyi Nyamuwanga arimukora okubha omutungi ku‑chitebhe cha ingʼoma cha omukama Dawudi, saaja waabho.

Ruuka 4:34

“Awe Yeesu wa Najareeti, owuchiyenja‑ko ki! Angu, wiijire okuchisingaarisya? Anye nikumenyere ati naawe ga, awe naawe Omweru wa Nyamuwanga.”

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Ebikorwa 3:14

Yeesu aariga ari mweru na omurengeresi, nawe emwe ꞉mwamuremere, nimusabhwa Piraato ati, omwiti asuruumurwe.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.

Obhusweruro 1:11

Obhuraka obhwo nibhumbwira ati, “Kaama mu‑chitabho emisango joone jinu owuja okurora. Ukamara usire echitabho echo mu‑makanisa ganu gari mu‑misi etaanu na ebhiri jinu jiri Yefeeso, Simuriina, Perigaamo, Tiyaatira, Sariidi, Firadeefiya, na Rawodeekiya.”

Obhusweruro 1:18

Naanye unu niri omuwanga! Naariga nifuuwe, nawe woori, rora, niri omuwanga rindi akajaanende koone! Ka wone, anye niri na jinyiguriro ja orufu na ja nyombe.

Obhusweruro 1:5

na okusooka ku‑Yeesu Kirisito. Omwene niwe omubhambaasi omwiyikanyibhwa. ꞉Aabheeye wa okwamba okusuururwa korereki abhe omukama wa abhakama bhoone mu‑chaaro. Yeesu acheendere. Okutura ku‑sagama yaaye ꞉aachoosiisye ebhibhiibhi bhyeswe.

Obhusweruro 15:3

Abhaanu abho bhaariga nibheemba orwimbo rwa Muusa, omukosi wa Nyamuwanga. Orwimbo orwoorwo nirwo rwa Omwana wa Inaama. Bheembaga ati, “Raatabhugenyi awe Nyamuwanga owa obhuturo bhwone, ebhikorwa bhyawo ni bhikuru na ebhya okuruguusya. Awe, niwe Omukama wa amaanga goone, na jinjira jaawo ni ja obhurengeresi na ja echimari.

Obhusweruro 16:7

Niwo ninuungwa obhuraka okusooka ku‑chigabhiro, nibhwayikaga ati, “Awe, Raatabhugenyi Nyamuwanga owa obhuturo bhwone, indamu yaawo ni ya echimari na ya obhurengeresi.”

Obhusweruro 19:11

Nejire neeya, nindora orwire rwigukire. Ringira, ifwaraasi iinyeru na unu aariga ayiriinyire‑ko kaatogwa ati, “Mwiyikanyibhwa” na “Owa Echimari.” Niwe kaaramura na okurwana riremo kwa obhurengeresi.

Obhusweruro 19:2

okubha indamu yaaye ni ya chimari na ya rirenga. Aaramura omugasi omukuru urya eegusyaga okwibhonera ribhona unu ꞉aanyamuuye echaaro ku‑bhusengani bhwaye. Nyamuwanga aasubhya orusiima, inguru ya isagama ya abhakosi bhanu omugasi oyo ꞉eetire.”

Obhusweruro 2:1

Omuunu oyo, ˆnaagenderera okwayika ati, “Ukaamire maraayika wa mw‑ikanisa rya Yefeeso kutya, Anye niri na jinjota jirya etaanu na ebhiri mu‑kubhoko kwani kwa ebhuryo, anye eniribhataga agatigati ya emitereko etaanu na ebhiri ja inaaryo ja okutuura‑ko jidara. Mutegeresye jinu enibhabhwira!

Obhusweruro 21:5

Neeya unu aariga eenyanjire ku‑chitebhe cha ingʼoma ˆnaayika ati, “Ringira, enikora bhuri chiinu okubha echiyaaya!” ˆNaambwira wone ati, “Kaama ati, ejo ni misango ja okwiyikanyibhwa na ja echimari.”

Obhusweruro 3:14

“Ukaamire maraayika wa mw‑ikanisa rya Rawodeekiya kutya, Anye, naanye Jibhe kutyo, omubhambaasi omwiyikanyibhwa wa echimari inguru ya Nyamuwanga. Anye, naanye obhusimukwa bhwa ebhibhumbwa bhyone bhinu Nyamuwanga ꞉aabhumbire. Mutegeresye jinu enibhabhwira!

Obhusweruro 4:8

Ebhibhumbwa ebhina ebhyo, bhuri chimwi chaariga chiri na amabhabha gataanu na rimwi. Bhyone kutyo, bhyariga bhiswirire ameeso bhuri orubhaara, noorwo ku‑mabhabha. Ebhibhumbwa ebhyo bhyariga nibhiimba mu‑ngeta na mu‑mwisi okujibhira wuri. Orwimbo runu bhyembaga ni runu, “Mweru, Mweru, Mweru ni Raatabhugenyi Nyamuwanga owa obhuturo bhwone, aariga ari‑wo, ari‑wo na aribha‑wo.”

Obhusweruro 5:9

Nibheembira Omwana wa Inaama orwimbo oruyaaya runu rwayikaga ati, “Awe wiiyire okuramira echitabho echo na okusuruumura jimboyero jaacho ja obhurimbo. Okubha awe ꞉waatemerwe omutwe na ku‑sagama yaawo, nuugurira Nyamuwanga abhaanu bha jingʼanda joone, jinyaayika joone, jinyaami joone na abha amaanga goone.

Obhusweruro 6:10

Niwo, nibhaamura obhuraka nibharira, nibhaayika ati, “Raatabhugenyi awe, Nyamuwanga owa obhuturo bhwone, unu uri mweru na owa echimari, mbawo owukoora! Uriramura ri abhaanu bha ku‑chaaro na okuchisubhisya orusiima ku‑bhanu ꞉bhaachiitire?”