Obhusweruro 3:3 - Indagano Inyaaya mu-Chijita

³ Mwichuke jinu ꞉mweeyigisiibhwe, nimujungwa. Mbe, muruubhe ejo na okuta ebhibhiibhi bhyemwe. Mukarema okutengeeja, niriija rwa kutyo omwifi kaaja na mutarimenya omwanya gunu niribhaaja‑ko.

INDAGANO INYA:YA

³ Mbe icuka kutyo waramiye na kutyo wonguywe. Ubigwate ebyo, ute. Mbe ukarema okutengeja, ndi:ja rwo mwifi, amwi utarimenya saa inu ndikwijirako.

Obhusweruro 3:3 ပူးပေါင်းရင်းမြစ်များ

Matayo 25:13

Awo Yeesu ˆnaamariisya kwa okwayika ati, “Mbe, mwiyangarire, kwa okubha mutakumenya orusuku noorwo isaa inu nirisubha.”

Mariko 13:33

Kurwa ejo, mwiyangarirega! Mutengeejega, kwa okubha mutakumenya ati, omwanya ogwo gurikinga rusuku ri.

Mariko 13:36

Mutengeeje, korereki noorwo akaaja kwa okutakya, aasiga okubhasanga muwongeeye.

1 Batesalonika 5:2

Okubha emwe abheene, omumenya kisi ati, orusuku rwa okusubha Raatabhugenyi Yeesu, ruribha rwa okutakya era rwa kutyo omwifi kaaja mu‑ngeta.

1 Timoteo 6:20

Timoteewo wangarire kisi echimari chinu Nyamuwanga akuyaaye. Wiikenge na emisango emijabhi jinu jitari na obhugajuro na jimamba ja echitaamutaamu, kwa okubha bhitakureeta echibharo ku‑Nyamuwanga. Abhaanu abhandi, abhatoga emisango ejo ati ni obhusombookerwa, nawe chimari bhutari obhusombookerwa.

2 Timoteo 1:13

Ugwate kisi ameeyigisyo ga echimari ganu ꞉naakwiyigisiisye. Wiyigisye ago, ubhe echijekekanyo cha eriikirisya na eryenda bhinu ebhibhonekana kwa okwikirisya Kirisito Yeesu.

Baeburania 2:1

Kurwa ejo, cheenderwe chiyangarire ku‑misango jinu choonguuwe, korereki chaasiga okujisiga.

2 Petero 1:13

Enirora ati, ni bhusibhusi nibhe nimbechukya inguru ya emisango ejo, omwanya gwone gunu nichaaramire mu‑mubhiri gunu guri rwa echiwuuna.

2 Petero 3:1

Abheendwa bhaani, inyarubha inu ni ya kabhiri inu enibhakaamira. Ku‑nyarubha joone ebhiri niikomeesiisye okwimusya obhwiganirisya bhwemwe bhwa ekisi, ku‑njira ya okubheechukya.

2 Petero 3:10

Orusuku rwa okusubha Raatabhugenyi Yeesu ruriija kwa okutakya rwa omwifi. Orusuku orwo, orutumba rurisooka‑wo kwa omurundumo munene, ebhiinu bhinu bhiri‑mo bhiryochibhwa kwa omuriro, echaaro wone chirisingaarisibhwa aamwi na ebhiinu bhyone bhinu bhiri‑mo.

Obhusweruro 16:15

Raatabhugenyi Yeesu kaayika ati, “Muringire! Niriija rwa kutyo omwifi kaaja abhaanu bhataamenya. Ari na ribhando unu atengeejere na okwiraabha emyenda jaaye korereki asige kuyenga tuyu na okwiswasya imbere ya abhaanu.”

Obhusweruro 2:25

tari mubhe abheeyikanyibhwa okukingira anu niriija.

Obhusweruro 2:5

Mwichuke kutyo mwariga muchaari okusiga eryenda ryemwe. Mukamara mute ebhibhiibhi bhyemwe, mukore rindi jinu mwariga nimukora omwanya gurya. Mukarema okuta, niribhaaja‑ko na okusoosya‑wo omutereko gwemwe gwa okutuura‑ko jidara.

Obhusweruro 22:7

Yeesu kaayika ati, “Tegeresya! Eniija bhwangu. Bharibhona amabhando bhanu abhagayuka na okuruubha emisango ja obhuragi bhwa echitabho chinu.”

Obhusweruro 3:11

Eniija bhwangu! Mubhe abheeyikanyibhwa, korereki omuunu woonewoone aasiga okubhateesya orutengya rwemwe.

Obhusweruro 3:19

Anye, enigonya na okufyetura jisimbo abhaanu bhoone bhanu eneenda. Mbe, mwikomeesye na okuta ebhibhiibhi bhyemwe.

Obhusweruro 3:2

Mubhe mutengeejere! Murumatanye emisango emitooto ja ekisi jinu jichaari okufwa, kwa okubha ejeene wone jiri yeeyi okufwa. Enirora ati ebhikorwa bhyemwe bhichaari okukuumira rwa kutyo Nyamuwanga waani keenda.