Obhusweruro 3:15 - Indagano Inyaaya mu-Chijita

¹⁵ Enimenya ebhikorwa bhyemwe. Enimenya ati muri abha ribhirabhira. Ni akiri mwakanyiriiye jubhujubhu amwi mwakabhirire rugurugu!

INDAGANO INYA:YA

¹⁵ Nimenyere ebikorwa byao ati, utanyiriye amwi utakubira. Kumba unyiriye amwi nubira.

Obhusweruro 3:15 ပူးပေါင်းရင်းမြစ်များ

Matayo 10:37

Omuunu woonewoone unu keenda esemwene amwi nyiramwene okukira anye, oyo ateeyire okubha omwiyigisibhwa waani. Ka wone, omuunu woonewoone unu keenda omwana waaye amwi omuyaasya waaye okukira anye, oyo wone ateeyire okubha omwiyigisibhwa waani.

Matayo 24:12

Ka wone, eryenda rya abhaanu bhaafu ririkeeya, kwa okubha ebhibhiibhi bhiribha bhiiyongesiisye.

Matayo 6:24

“Atari‑wo omukosi unu kaatura okukorera abhaami bhabhiri ku‑mwanya gumwi. Aakakora kutyo, kaatura okusoka omwami umwi na okwenda owundi, amwi okuyaana echibharo owumwi na okugaya owundi. Kurwa ejo, mutakutura okukorera Nyamuwanga na obhuniibhi ku‑mwanya gumwi!

Barumi 12:11

Mwasiga okurengaara mu‑kukora emirimu ja Nyamuwanga, tari Mwoyo Mweru abhasakire okugenderera okujikora kwa omwoyo gwone. Mukorere emirimu Raatabhugenyi Yeesu.

1 Bakorinto 16:22

Omuunu woonewoone unu atakwenda Raatabhugenyi Yeesu, eeyiimwe. Raatabhugenyi weeswe iija!

2 Bakorinto 12:20

Enuubhaya ati, omwanya gunu niribhaaja‑ko, amwi niribhasongʼana muri na akatungiiywe kanu katakunkondisya. Eryo ririreterera nikore jinu jitaribhakondera emwe. Enuubhaya ati enitura okubhasongʼana muri na inyombo, orwiso, risungu, orwango, okuromana, okwitemeeka, orwikuuya na injogere.

Bafilipi 1:9

Enibhasabhirwa ku‑Nyamuwanga ati eryenda ryemwe rigenderere okwiyongesya muno, mu‑kubha na obhwengeeso na okusombookerwa kwone,

2 Batesalonika 1:3

Woori, abhayiri bheeswe, echikenwa chisiime Nyamuwanga bhuri rusuku ku‑songa yeemwe. Jiiyire chikore kutyo, kwa okubha eriikirisya ryemwe eriiyongesya muno, ka wone, eryenda ryemwe erigenderera okwiyongesya kw‑imwe abheene kwa abheene.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

Obhusweruro 2:2

Enimenya ebhikorwa bhyemwe, okwikomeesya kwemwe na obhwigumiirisya bhwemwe. Enimenya wone ati mutakutura okwigumiirisya abhaanu abhabhiibhi. Ka wone, mwaregeejere abhaanu bhanu abheetoga ati ni jitumwa, keenu bhatari jitumwa. Mwabharegeeja, nimusongʼana ati, ni bhabheeyi.

Obhusweruro 2:4

Nawe, muri na omusango gumwi gunu guchaannyaasya. Musigire eryenda ryemwe rinu mwariga muri naryo omwanya gunu ꞉mwaambire okunnyikirisya.

Obhusweruro 3:1

Niwo omuunu oyo ˆnaagenderera okwayika, ˆnaambwiraga ati, “Ukaamire maraayika wa mw‑ikanisa rya Sariidi kutya, Anye, naanye nitungire emyoyo etaanu na ebhiri ja Nyamuwanga na niri na jinjota etaanu na ebhiri jirya. Mutegeresye jinu enibhabhwira! Enimenya ebhikorwa bhyemwe. Muri na jikuma ja okubha abhaanga echinyamwoyo, keenu mufuuwe.

Obhusweruro 3:16

Nawe kwa okubha muri na ribhirabhira, mutakubhira rugurugu noorwo mutanyiriiye jubhujubhu, enija okubhatanaka musooke mu‑kanwa kaani.