Obhusweruro 3:10 - Indagano Inyaaya mu-Chijita

¹⁰ Woori kwa okubha ꞉mwegumiirisiisye rwa kutyo ꞉naabharagiriiye, niribharinda omwanya gwa inyaako inu irireetwa ku‑chaaro choone okuregeeja abhaanu bhoone.

INDAGANO INYA:YA

¹⁰ Okuba wagwatire omusango gwani ogwo kwigumirisya, anye one ndikurinda usige kwingira mu mwanya gwo kusakwa gunu ogwenda oku:ja ku ca:ro co:ne okubasaka banu be:kae mu ca:ro.

Obhusweruro 3:10 ပူးပေါင်းရင်းမြစ်များ

Matayo 24:14

Ku‑bhuteero, Emisango ja Ekisi inguru ya obhukama bhwa mu‑rwire jiriraasibhwa ku‑chaaro choone. Ku‑mwanya ogwo abhaanu bhoone bharibha na omwanya gwa okuungwa obhubhambaasi obhwo, niwo obhuteero bhwa echaaro bhurikinga.

Matayo 26:41

Mutengeeje na okusabhwa Nyamuwanga, korereki mwasiga okuregeejwa. Omwoyo ogwenda okwigumiirisya amaregeejo, nawe omubhiri gugotookere.”

Matayo 6:13

Waasiga okuchiingisya mu‑maregeejo, nawe uchichungure okusooka ku‑Mubhiibhi urya, [kwa okubha obhukama, amanaga na rikusyo, ni bhyawo akajaanende koone! Jibhe kutyo!]’”

Mariko 14:9

Ni chimari enibhabhwira ati, woonewoone anu Emisango ja Ekisi inguru yaani jiriraasibhwa ku‑chaaro choone, omusango gwa ekisi gunu omugasi unu aankorera guryayikwa, na abhaanu bharimwichuka.”

Ruuka 2:1

Mu‑siku ejo ja okwibhurwa Yowana, Kayisaari Awuguusito ˆnaaragirira ati, abhaanu bhoone bhanu bhari mu‑bhyaro bhya obhutungi bhwaye, bhaje okubharwa.

Yowana 17:6

“Raata, naakuswerura kutyo uri ku‑bhaanu bhanu kara awo bhaariga bhari bha ku‑chaaro kunu. Abheene bhaariga bhari bhaawo, awe nuubhanaana. Ka wone bhagayukire omusango gwawo.

Barumi 1:8

Nyabharinyabhari, enisiima Nyamuwanga okutura ku‑Yeesu Kirisito, inguru yeemwe bhoone, kwa okubha emisango inguru ya eriikirisya ryemwe ejimenyekana mu‑chaaro choone.

1 Bakorinto 10:13

Amaregeejo ganu gaabhabhona, gari rwa ganu abhaanu abhandi abhabhona bhuri rusuku. Nyamuwanga ni mwiyikanyibhwa, omwene atakuja okubhasiga muregeejibhwe okukira obhuturo bhwemwe. Omwanya gunu emwe omuregeejibhwa, Nyamuwanga kaja okubhayaana obhuturo bhwa okwigumiirisya na okubheeresya injira ya okusooka omwo.

Baefeso 6:13

Kurwa ejo, mugege ebhigwato bhyone bhya Nyamuwanga, korereki mukomeere tiritiri ku‑rusuku orwa ebhibhiibhi. Aribhaga mwakuumisya ejo joone nimwimereeguru.

2 Timoteo 2:12

Araabha echiigumiirisya, chiritunga aamwi nage. Araabha echimurema, omwene wone arichirema.

Yakobo 3:12

Abhayiri bhaani mu‑riikirisya ritiini eritura kutiki okutwasya emijeyituuni? Amwi riiti rya rijabhiibhu eritura kutiki okutwasya jitiini? Nyabhuriko, omumiro gwa amanji ga omuunyu gutakutura okusoosya amanji amanunuriiye.

1 Petero 4:12

Abheendwa bhaani, mwasiga okuruguura inguru ya ebhinyaasyo ebhiruru kabhukabhu bhinu ebhisookerera mw‑imwe okuregeeja eriikirisya ryemwe. Mwasiga okurora wuti ni chiinu chigenyi chinu echibhabhona.

2 Petero 2:9

Kurwa ejo, Raatabhugenyi kaamenya kutyo kaawonʼya okusooka mu‑maregeejo abhaanu bhanu abhamugayuka. Ka wone, kaamenya kutyo kaja okuyaana ebhitiibha abhakosi bha ebhibhiibhi orusuku rurya rwa okuramurwa,

Obhusweruro 1:9

Anye Yowana niri omuyiri waanyu mu‑riikirisya. Echisangira aamwi mu‑bhwigumiirisya ebhinyaasyo inguru ya Yeesu na obhukama bhwaye. Naariga nisirirwe kw‑isinga rinu eritogwa ati Paatimo. ꞉Naasirirwe kw‑isinga eryo rwa omubhoywa ku‑songa ya okuraasya omusango gwa Nyamuwanga na okusoosya obhubhambaasi inguru ya Yeesu.

Obhusweruro 11:10

Orufu rwa abharagi abhabhiri abho rurikora abhaanu bha ku‑chaaro anu bhakonderwe na okukora obhuregesi na okugenyana emigemu. Bharikora kutyo, kwa okubha abharagi abho ꞉bhaabhanyaasiisye muno.

Obhusweruro 13:10

Omuunu unu ꞉aakarariiywe okusirwa mu‑bhugaya, arisirwa mu‑bhugaya. Omuunu unu ꞉aakarariiywe okwitwa kwa imbanda, ariitwa kwa imbanda. Woori abheeru bha Nyamuwanga, abhakenwa bheegumiirisye mu‑riikirisya.

Obhusweruro 13:14

Ku‑bhibharikisyo bhinu ꞉ryayaaywe okukora imbere ya rityanyi rya okwamba rirya, nirijiga abhaanu bha ku‑chaaro anu. Niribhwira abhaanu bhabhaaje risusano rya okuyaana echibharo rityanyi rya okwamba, rinu ꞉ryawutasiibhwe kwa imbanda, nawe niriwora, nirigenderera okwikara.

Obhusweruro 13:8

Abhaanu bhoone ku‑chaaro choone bhariramya rityanyi eryo, nawe abhaanu bhoone bhanu amasiina geebhwe gakaamirwe mu‑chitabho cha obhuwanga, okusookerera echaaro chichaari okubhumbwa bhataririramya. Echitabho echo ni cha Omwana wa Inaama unu ꞉aatemerwe omutwe.

Obhusweruro 14:12

Woori, abheeru bha Nyamuwanga abhakenwa bheegumiirisye. Abho nibho abhagwata ebhiraagiro bhya Nyamuwanga na okwikirisya Yeesu.

Obhusweruro 14:6

Nejire neeya, nindora maraayika owundi ˆneejungajunga ku‑rutumba. Maraayika oyo, aariga ari na Emisango ja Ekisi ja akajaanende okuraasisya abhaanu bhanu bheekaaye ku‑chaaro, abhaanu bha amaanga goone, jingʼanda joone, jinyaayika joone na abha jinyaami joone.

Obhusweruro 16:14

Amasambwa ago, gaariga gari na obhuturo bhwa okukora ebhibharikisyo na emirimu jaago ni kugenda ku‑bhakama bhoone ku‑chaaro na okubhakumanya, korereki bhakore riremo ku‑rusuku rurya orukuru rwa risungu rya Nyamuwanga owa obhuturo bhwone.

Obhusweruro 17:2

Abhakama bha echaaro ꞉bhaakorere obhuromesi nage, na abhaanu bhanu bheekaaye ku‑chaaro wone, bhakorerwe obhuromesi bhwaye rwa omuunu unu akorerwe echifuufu.”

Obhusweruro 17:8

Rityanyi rinu ꞉waarorere, ryariga riri aanga nawe woori ryafuuwe. Rityanyi eryo, riri yeeyi okusooka mu‑ryobho rinu ritari na obhuteero, korereki Nyamuwanga arisingaarisye. Abhaanu bhoone ku‑chaaro bhanu amasiina geebhwe ꞉gataakaamirwe mu‑chitabho cha obhuwanga echaaro chichaari okubhumbwa, bhariruguura aribha bhaarora rityanyi eryo ryariga riri‑wo, woori ritari‑wo na riribha‑wo rindi.”

Obhusweruro 2:10

Musige okuubhaya ebhinyaasyo bhinu bhiribhaaja‑ko. Muringire! Syetaani aribharegeeja kwa okutuura abhandi agati yeemwe mw‑ibhoyero. Emwe murinyaaka siku ekumi. Nawe mubhe abheeyikanyibhwa kw‑anye noorwo okukingira mufwe, anye niribhayaana orutengya rwa obhuwanga bhwa akajaanende koone.

Obhusweruro 3:8

Enimenya ebhikorwa bhyemwe. Mutegeresye! Anye naabheegurira orwigi na atari‑wo omuunu unu kaatura okurwigara. Enimenya ati muri na amanaga amatooto, nawe mugwatire ameeyigisyo gaani, noorwo ꞉muteegaanire risiina ryani.

Obhusweruro 6:10

Niwo, nibhaamura obhuraka nibharira, nibhaayika ati, “Raatabhugenyi awe, Nyamuwanga owa obhuturo bhwone, unu uri mweru na owa echimari, mbawo owukoora! Uriramura ri abhaanu bha ku‑chaaro na okuchisubhisya orusiima ku‑bhanu ꞉bhaachiitire?”

Obhusweruro 8:13

Niwo nindora ingʼona inene niigurukaga ku‑rutumba. Ninuungwa, niyaamura obhuraka, niyayikaga ati, “Jiribhabhona, jiribhabhona, jiribhabhona, emwe bhanu mwikaaye ku‑chaaro, aribha jaabhumwa jingʼombi jisatu jinu jisigaaye. Bhamaraayika abho bhatengeejere okujibhuma woori kutya!”