Obhusweruro 22:6 - Indagano Inyaaya mu-Chijita

⁶ Neeya maraayika oyo, ˆnaambwira ati, “Emisango jinu ni ja okwiyikanyibhwa na ja echimari. Raatabhugenyi Nyamuwanga unu kaayaana abharagi Mwoyo Mweru waaye, ꞉aatumire maraayika waaye okweresya abhakosi bhaaye emisango jinu ni bhusibhusi jikorekane bhwangu.”

INDAGANO INYA:YA

⁶ Nambwira ati, Emisango jinu ni ja kwiikanyibwa na ja cimari. Ratabugenyi Nyamuanga we myoyo ja baragi, niwe atumire maraika wae korereki e:resye abagaya bae jinu ji:ire okubao bwangu.

Obhusweruro 22:6 ပူးပေါင်းရင်းမြစ်များ

Matayo 13:41

Anye Omwana wa Omuunu, nirituma bhamaraayika bhaani, korereki bhakumanye okusooka mu‑bhukama bhwani, abhakosi bha ebhibhiibhi bhoone na abhaanu bhoone bhanu ꞉bhaaretereeye abheejaabho okukora ebhibhiibhi.

Ruuka 1:70

Rwa kutyo aariga aayikire kara awo ku‑njira ya abharagi bhaaye abheeru.

Ruuka 16:16

“Ebhiraagiro bhya Muusa na ebhikaame bhya abharagi, bhyariga nibhigayukwa na abhaanu okukingira omwanya gwa Yowana Omubhatiija. Okusookerera omwanya ogwo, Emisango ja Ekisi inguru ya obhukama bhwa Nyamuwanga, jaariga nijiraasibhwa, na abhaanu bhoone abhakomeeresibhwaga okujigayuka.

Ebikorwa 12:11

Niwo Peetero ˆnaasombookerwa jinu jaamubhona, ˆnaayika ati, “Woori naamenya chimari ati, Raatabhugenyi aatuma maraayika waaye, ˆnaamonʼya okusooka mu‑mabhoko ga Yeroode na okusooka mu‑mabhiibhi goone, ganu Abhayawudi bhakarariiye okunkorera!”

Ebikorwa 3:18

Nawe, ꞉jaakorekeene kutyo korereki Nyamuwanga akuumisye emisango jinu ꞉aaragire okutura ku‑bharagi bhoone ati, Kirisito waaye arinyaasibhwa.

Barumi 1:2

Emisango ja Ekisi ejo, nijo jinu Nyamuwanga ꞉aaragire okwambira kara, okutura ku‑bharagi bhaaye bhanu ꞉bhaakaamire Ebhikaame Ebhyeru.

1 Bakorinto 14:32

Echiyaanwa cha okusoosya obhuragi, echitangasibhwa na abharagi,

1 Bakorinto 7:29

Abhayiri bhaani mu‑riikirisya, eneenda okwayika ati, akatungu kanu kasigaaye okukingira Kirisito okusubha, ni kafuyi. Kutyo, okusookerera woori bhanu bhatwaye bhasigega okwiganirisya abhagasi bheebhwe era, korereki bhakore emirimu ja Raatabhugenyi.

2 Batesalonika 1:7

niwo aribhafungʼamya emwe na eswe okusooka mu‑bhinyaasyo. Arikora kutyo, bhunu Raatabhugenyi Yeesu arisubha rindi okusooka mu‑rwire, ari aamwi na bhamaraayika bhaaye abha obhuturo bhwafu,

Baeburania 12:9

Aamwi na ejo, bharaata bha ku‑chaaro bhanu ꞉bhaachibhuuye, bhaariga nibhachiyaana ebhitiibha, eswe chaariga nichibhayaana echibharo. Araabha nikwo kutyo, mbe woori, chiteenderwe okugayuka muno Raata weeswe unu ari mu‑rwire, korereki chibhe na obhuwanga?

2 Petero 1:21

Okubha gutari‑wo wuri omusango gwa obhuragi gunu gusookeene na okwenda kwa omuunu. Tari abhaanu ꞉bhaasoosiisye obhuragi okusooka ku‑Nyamuwanga nibhatangasibhwaga na Mwoyo Mweru.

2 Petero 3:2

Eneenda mwichuke emisango jinu ꞉bhaayikire kara abharagi abheeru na wone jinu ꞉aaragiriiye Raatabhugenyi na Omuchungusi okutura ku‑tumwa jaaye.

Obhusweruro 1:1

Bhunu nibhwo obhusweruro bhwa Yeesu Kirisito. Nyamuwanga ꞉aamusweruriiye, korereki eeresye abhakosi bhaaye emisango jinu ni bhusibhusi jikorekane bhwangu. Yeesu wone ˆnaaragirira maraayika waaye okunnyeeresya emisango ejo anye omukosi waaye Yowana.

Obhusweruro 18:20

Mukonderwe emwe bhanu mwikaaye mu‑rwire. Mukonderwe, emwe abheeru bha Nyamuwanga, jitumwa na abharagi, kwa okubha Nyamuwanga aasoosya indamu ku‑musi ogwo ku‑jinu ꞉gwabhakoreeye.

Obhusweruro 19:9

Maraayika urya ˆnaambwira ati, “Kaama ati, bhari na ribhando bhanu bhakokerwe mu‑bhuregesi bhwa Omwana wa Inaama.” ˆNaambwira wone ati, “Ejo nijo emisango ja echimari ja Nyamuwanga.”

Obhusweruro 21:5

Neeya unu aariga eenyanjire ku‑chitebhe cha ingʼoma ˆnaayika ati, “Ringira, enikora bhuri chiinu okubha echiyaaya!” ˆNaambwira wone ati, “Kaama ati, ejo ni misango ja okwiyikanyibhwa na ja echimari.”

Obhusweruro 21:9

Neeya owumwi wa bhamaraayika bhataanu na bhabhiri bharya, bhanu bhaariga bhari na amabhakuri gataanu na gabhiri ga jitambara etaanu na ebhiri ja obhuteero, ˆnaaja ˆnaambwira ati, “Iija enu, nikweresye omwenga, unu aribha omugasi wa Omwana wa Inaama.”

Obhusweruro 22:1

Neeya maraayika urya ˆnaanyeeresya omusima gwa amanji ganu agasoosya obhuwanga. Omusima ogwo gwariga nigubharangirya rwa rirore na gwariga niguwurura okusooka mw‑ifuufu rya echitebhe cha ingʼoma cha Nyamuwanga na Omwana wa Inaama.

Obhusweruro 22:16

“Anye Yeesu, naanye orwibhuro orukuru rwa omukama Dawudi, naanye eniseekaana rwa inyamaananga. Anye, naanye unu ꞉naatumire maraayika waani mu‑makanisa, korereki abhwire emwe abharuubhirisya bhaani emisango jinu.”

Obhusweruro 22:7

Yeesu kaayika ati, “Tegeresya! Eniija bhwangu. Bharibhona amabhando bhanu abhagayuka na okuruubha emisango ja obhuragi bhwa echitabho chinu.”

Obhusweruro 4:1

Ejo jejire jaawa, nindora echiroro echindi. Ringira! ꞉Naarorere orwigi rwiguuywe‑wo mu‑rwire! Mbe, obhuraka rwa bhwa ingʼombi bhunu ꞉noonguuwe obhwa okwamba nibhumbwira ati, “Iija, riinya inguru enu, korereki nikweresye emisango jinu ni bhusibhusi jikorekane aribha ejo jaatura.”