Obhusweruro 22:5 - Indagano Inyaaya mu-Chijita

⁵ Ingeta itaribha‑mo rindi mu‑musi omwo. Abhaanu bhatarikena idara noorwo risuubha, okubha Raatabhugenyi Nyamuwanga aribha obhweru bhwebhwe. Abhaanu abho bharitunga akajaanende koone.

INDAGANO INYA:YA

⁵ Ingeta itaribao rindi, amwi batarikena bweru bwa tara amwi bwa esu:ba, okuba Ratabugenyi Nyamuanga niwe aribayanaga obweru. Ka baritunga kajanende na kajanende.

Obhusweruro 22:5 ပူးပေါင်းရင်းမြစ်များ

Matayo 19:28

Yeesu ˆnaabhasubhya ati, “Ni chimari enibhabhwira ati, anye Omwana wa Omuunu niriinyanja rwa omukama ku‑chitebhe chaani cha rikusyo mu‑chaaro echiyaaya. Niwo emwe wone bhanu munduubhire, muriinyanja ku‑bhitebhe bhya obhutungi ekumi na bhibhiri, okuramura jingʼanda ekumi na ebhiri ja Abhayisirayeeri.

Matayo 25:34

“Niwo anye Omukama, niribhwira abhaanu bhanu bhari orubhaara rwani rwa ebhuryo ati, ‘Muuje, emwe bhanu Raata waani ayaaye amabhando. Mwingire mu‑bhukama bhunu Nyamuwanga abheeraabhiiye okusookerera bhunu ꞉aabhumbire echaaro.

Matayo 25:46

“Kurwa ejo, abhakosi bha ebhibhiibhi abho, bharigenda okuramira jimbuma ja akajaanende koone. Nawe abharengeresi imbere ya Nyamuwanga, abho bhariingira mu‑bhuwanga bhwa akajaanende koone.”

Barumi 5:17

Echibhiibhi cha omuunu umwi, ꞉chaakorere orufu rutunge abhaanu bhoone okutura omuunu umwi oyo. Nawe chimari woori, abhaanu bhoone bhanu abharamira echiyaanwa cha obhwitiriranya bhwa Nyamuwanga bhunu bhutari na indengo, abhabharwa okubha abharengeresi imbere ya Nyamuwanga. Abho bharitunga mu‑bhuwanga bhwa akajaanende koone, okutura ku‑umwi owundi urya, Yeesu Kirisito.

2 Timoteo 2:12

Araabha echiigumiirisya, chiritunga aamwi nage. Araabha echimurema, omwene wone arichirema.

Obhusweruro 11:15

Neeya, maraayika wa kataanu na kabhiri ˆnaabhuma ingʼombi yaaye. Niwo ninuungwa obhuraka bhunene bhwa bhamaraayika bhaafu mu‑rwire eyo, nibhwayikaga ati, “Obhutungi bhwa echaaro bhwabheeye bhwa Raatabhugenyi Nyamuwanga weeswe, aamwi na Kirisito waaye. Nyamuwanga niwe aritunga akajaanende koone.”

Obhusweruro 18:23

Idara itaryaka rindi. Noorwo bhutaribha‑wo obhuregesi bhwa omutwasi noorwo bhwa omwenga. Omusi gwa Bhaabheeri gurikorwa kutyo kwa okubha abhakaani bha ebhiinu bhyagwo bhaariga bhari abhaanu abhakuru bha echaaro. Ku‑bhurosi bhwa omusi ogwo, amaanga goone gajigirwe.

Obhusweruro 20:4

Nejire neeya, nindora ebhitebhe bhya obhutungi bhinyanjirwe‑ko bhanu bhaariga bhayaaywe obhuturo bhwa okusoosya indamu. Abho, jaariga jiri emitima ja abhaanu bhanu ꞉bheetirwe isonga iri ati, ꞉bhaasoosiisye obhubhambaasi inguru ya Yeesu na okuraasya emisango ja Nyamuwanga. ꞉Bhataaramiisye rityanyi rirya noorwo risusano ryaryo. ꞉Bhateekirisiisye okutuurwa‑ko orunabho rwa rityanyi eryo ku‑bhisuusu bhyebhwe noorwo ku‑mabhoko geebhwe. Mbe abhaanu abho nibhasuuruka, nibhatunga aamwi na Kirisito emiguuga chiwumbi chimwi.

Obhusweruro 20:6

Obhusuuruko bhurya bhwa abhaana bha Nyamuwanga nibhwo obhusuuruko bhwa okwamba. Bhari na amabhando bhanu bharisuuruka mu‑bhusuuruko obhwo, ka wone nibho abheeru bha Nyamuwanga. Okubha okufwa kwa kabhiri kutaribha na amanaga inguru yeebhwe. Abho bharibha abhagabhisi bha Nyamuwanga na Kirisito, bharitunga aamwi nage ku‑mwanya ogwo gwa emiguuga chiwumbi chimwi.

Obhusweruro 21:11

Omusi ogwo, gwariga guri na rikusyo rya Nyamuwanga na gwangʼarabhyaga rwa ribhuyi rya obhugusi obhurambu rya yaasipi rinu ryabharangiryaga rwa rirore.

Obhusweruro 3:21

Omuunu woonewoone unu ariyiga, nirimwikirisisya okwinyanja aamwi na anye ku‑chitebhe chaani cha ingʼoma, rwa kutyo anye wone ꞉naayigire, woori niinyanjire na Raata waani ku‑chitebhe chaaye cha ingʼoma.