Obhusweruro 22:3 - Indagano Inyaaya mu-Chijita

³ Omusi ogwo, gutaribha‑mo echiinu choonechoone chinu chiiyiimirwe na Nyamuwanga. Echitebhe chirya cha ingʼoma cha Nyamuwanga na Omwana wa Inaama chiribha mu‑musi omwo. Abhakosi bhaaye wone, bhariramya Nyamuwanga.

INDAGANO INYA:YA

³ Eciimo citaribayo rindi. Ecitebe ca iŋoma eca Nyamuanga ne co Mwana wa Ina:ma ciriba omwo. Na bagaya bae barimukoreraga.

Obhusweruro 22:3 ပူးပေါင်းရင်းမြစ်များ

Matayo 25:21

“Mwami waaye ˆnaamubhwira ati, ‘Ukorere kisi muno. Awe uri mugaya wa ekisi na omwiyikanyibhwa! Wamaabha omwiyikanyibhwa ku‑bhitooto bhinu ꞉naakuyaaye, kurwa ejo enija okukukora okubha omwangarisi wa obhuniibhi bhwafu. Nuuwuuje chikonderwe aamwi.’

Matayo 25:41

“Niwo, niribhwira bhanu bhari rubhaara rwani rwa ebhumoosi ati, ‘Musooke anu, emwe bhanu Nyamuwanga eeyiimire! Mugende mu‑muriro gwa akajaanende koone gunu Nyamuwanga eeraabhire inguru ya Syetaani na bhamaraayika bhaaye.

Yowana 12:26

Omuunu woonewoone unu kaankorera emirimu, jeenderwe anduubhe. Ka wone orubhaara rwonerwone anu anye niri, niwo omukosi waani wone kaja okubha. Raata kaja okuyaana echibharo omuunu woonewoone unu kaankorera emirimu.”

Yowana 13:32

Araabha rikusyo rya Nyamuwanga eribhonekana okutura kw‑anye, mbe Nyamuwanga wone aryeresya abhaanu rikusyo ryani, anye Omwana wa Omuunu. Ka wone kaja okukora kutyo bhwangu.

Yowana 14:3

Omwanya gunu nirimara okubheerabhira obhwikaro, niriija rindi okubhagega korereki anu niribha, emwe wone niwo muribha aamwi na anye.

Yowana 17:24

“Raata, eniigomba ati abhaanu bhanu unaaye bhabhe aamwi na anye anu niribha, korereki bharore rikusyo ryani rinu ꞉waanaaye, kwa okubha ꞉waanyendere noorwo uchaari okubhumba echaaro.

Obhusweruro 7:10

Nibhaamura obhuraka, nibhaayikaga ati, “Obhuchungusi obhusooka ku‑Nyamuwanga weeswe, omwene niwe eenyanjire ku‑chitebhe cha ingʼoma, ka wone obhusooka ku‑Mwana wa Inaama.”

Obhusweruro 7:9

Ejo jejire jaawa, nindingira, nindora echise echinene cha abhaanu chinu omuunu aariga atakutura okubhara. Abhaanu abho bhaariga bhasookere mu‑maanga goone, mu‑ngʼanda joone, mu‑nyaami joone na mu‑nyaayika joone. Abho bhoone bhaariga bheemereeguuyu imbere ya echitebhe cha ingʼoma na imbere ya Omwana wa Inaama. Abhaanu abho bhaariga bhafwaye emingiro jiinyeru na bhaariga bhagwatiriiye amatabhi ga jikinda mu‑mabhoko geebhwe.