Obhusweruro 22:20 - Indagano Inyaaya mu-Chijita

²⁰ Omwene unu kaasoosya obhubhambaasi bhwa emisango jinu kaayika ati, “Chimari, eniija bhwangu.” Jibhe kutyo. Iija Raatabhugenyi Yeesu!

INDAGANO INYA:YA

²⁰ Unu ka:ika emisango jinu ka:ika ati, Ni cimari eni:ja bwangu. Amina, nuuje Ratabugenyi Yesu.

Obhusweruro 22:20 ပူးပေါင်းရင်းမြစ်များ

Yowana 21:25

Ka wone jiri‑wo emisango ejindi myafu jinu Yeesu ꞉aakorere. Araabha ejo joone jikakaamirwe, eniiganirisya ati echaaro choone chitaakeeyire ku‑bhitabho bhinu bhyakakaamirwe.

1 Bakorinto 16:22

Omuunu woonewoone unu atakwenda Raatabhugenyi Yeesu, eeyiimwe. Raatabhugenyi weeswe iija!

2 Timoteo 4:8

Woori nirindirira era okuyaanwa orutengya rwa okurama kwa obhurengeresi. Raatabhugenyi Yeesu, omuramusi wa rirenga, arinaana orusuku runu arisubha. Orutengya orwo nitariyaanwa anye era, tari na abhandi bhoone bhanu abharindirira kwa obhwiro okusubha kwaye.

Baeburania 10:37

Jikaamirwe mu‑Bhikaame Ebhyeru ati, “Kasigaaye‑wo katungu kafuyi muno, oyo unu kaaja, arikinga, ka wone atarikoora wuri.

Baeburania 9:28

Nyabhuriko Kirisito ꞉aasoosiibhwe okubha echoogo rumwi era, korereki asoosye‑wo ebhibhiibhi bhya abhaanu bhaafu. Kirisito ariija rwa kabhiri, nawe omwanya ogwo atariija okusoosya‑wo ebhibhiibhi. Tari ariija okuchungura abhaanu bhanu abhamurindirira mu‑bhwikomeesya.

Obhusweruro 1:18

Naanye unu niri omuwanga! Naariga nifuuwe, nawe woori, rora, niri omuwanga rindi akajaanende koone! Ka wone, anye niri na jinyiguriro ja orufu na ja nyombe.

Obhusweruro 1:2

Anye Yowana enisoosya obhubhambaasi bhwa emisango joone jinu ꞉naarorere. Emisango ejo ni inguru ya echimari chinu Yeesu Kirisito ꞉aasweruuye na nigwo omusango gwa Nyamuwanga.

Obhusweruro 2:16

Mbe mute ebhibhiibhi bhyemwe! Mukarema okuta, niribhaaja‑ko bhwangu korereki nirwane na abhaanu abho ku‑mbanda inu eyisooka mu‑kanwa kaani.

Obhusweruro 22:10

Neeya maraayika oyo, ˆnaambwira ati, “Waasiga okusereka emisango ja obhuragi bhwa echitabho chinu, okubha joone jinu jaayikirwe omwo ejija okukorekana bhwangu.

Obhusweruro 22:12

Yeesu kaayika ati, “Tegeresya! Eniija bhwangu! Eniija okuriya bhuri muunu okuruubhana na ebhikorwa bhyaye.

Obhusweruro 22:18

Enikengya bhuri unu aryungwa emisango ja obhuragi bhwa echitabho chinu, ati, omuunu akoongesya‑ko emisango, Nyamuwanga wone arimwongesisya‑ko jitambara jinu ejitogorwa mu‑chitabho chinu.

Obhusweruro 22:7

Yeesu kaayika ati, “Tegeresya! Eniija bhwangu. Bharibhona amabhando bhanu abhagayuka na okuruubha emisango ja obhuragi bhwa echitabho chinu.”