Obhusweruro 22:2 - Indagano Inyaaya mu-Chijita

² Amanji ga omusima ogwo, gaawururaga nigatura agatigati ya riparapara rikuru rya omusi ogwo. Mbaara joone ja omusima ogwo, ryariga riri‑wo riiti rinu erisoosya obhuwanga bhwa akajaanende koone. Riiti eryo, ryatwasyaga amatwasyo kwiya rumwi ku‑kwesi na kwiya ekumi na ebhiri ku‑muguuga. Amasya ga riiti eryo ni muti gwa okuwosya amaanga.

INDAGANO INYA:YA

² Orubara no rubara rwo musima ryariga ririo riti ryo buanga, rinu eritwasya amatwasyo ekumi na gabiri, niritwasya buri kwesi. Na masya ga riti eryo ni go kuonya amaanga.

Obhusweruro 22:2 ပူးပေါင်းရင်းမြစ်များ

Ruuka 4:18

“Mwoyo Mweru wa Raatabhugenyi Nyamuwanga, ari aamwi na anye. Aansorere, nibhega nindaasisya abhataka Emisango ja Ekisi. Aantumire ku‑bhaanu bhanu bhabhoyerwe, okubharaasisya ati abhaja okwigurirwa, na okubhwira abhawofu ati abhaja okurora, na niwonʼye abhaanu bhoone bhanu abhanyaasibhwa.

1 Petero 2:24

Yeesu omwene ꞉aagegere ebhibhiibhi bhyeswe ku‑mubhiri gwaye, ˆnaabhambwa ku‑musarabha. ꞉Aakorere kutyo, korereki chisige okutungwa rindi na ebhibhiibhi, tari chiikare nichikondisya Nyamuwanga. Mu‑kuwutaasibhwa kwa Yeesu, emwe ꞉mwawosiibhwe.

Obhusweruro 2:7

Unu kaategeresya, noongwe emisango jinu Mwoyo Mweru kaabhwira amakanisa. Woonewoone unu ariyiga, nirimwikirisisya okurya amatwasyo ga riiti rinu erisoosya obhuwanga bhwa akajaanende koone. Riiti eryo riri mu‑rwire mw‑isambu rya Nyamuwanga.

Obhusweruro 21:21

Amarango ekumi na ebhiri ago goone, gaariga gakonjerwe kwa iruuru. Bhuri rango, ryariga rikonjerwe kwa iruuru imwi era! Riparapara rinene rya omusi ogwo, ryariga rikonjerwe kwa inaaryo ya ekisi, inu yaariga nibharangirya rwa rirore.

Obhusweruro 21:24

Abhaanu bha amaanga goone bhariikara mu‑bhweru bhwa omusi ogwo na abhakama bha echaaro bhariingira omwo okusira‑mo ebhiinu bhyebhwe bhya obhugusi obhurambu.

Obhusweruro 22:1

Neeya maraayika urya ˆnaanyeeresya omusima gwa amanji ganu agasoosya obhuwanga. Omusima ogwo gwariga nigubharangirya rwa rirore na gwariga niguwurura okusooka mw‑ifuufu rya echitebhe cha ingʼoma cha Nyamuwanga na Omwana wa Inaama.

Obhusweruro 22:14

Bharibhona amabhando, abhaanu bhanu abhafura emingiro jeebhwe mu‑sagama ya Omwana wa Inaama, korereki bheekirisibhwe okwingira mu‑musi omuyaaya ogwo okutura ku‑marango gaagwo na okurya amatwasyo ga riiti rinu erisoosya obhuwanga bhwa akajaanende koone.

Obhusweruro 22:19

Omuunu woonewoone akasoosya‑mo omusango gwonegwone okusooka ku‑misango ja obhuragi bhwa echitabho chinu, Nyamuwanga wone atariikirisya omuunu oyo okurya amatwasyo ga riiti rinu erisoosya obhuwanga bhwa akajaanende koone noorwo okwikara mu‑musi omweru gunu emisango jaagwo jikaamirwe mu‑chitabho chinu.