Obhusweruro 22:14 - Indagano Inyaaya mu-Chijita

¹⁴ Bharibhona amabhando, abhaanu bhanu abhafura emingiro jeebhwe mu‑sagama ya Omwana wa Inaama, korereki bheekirisibhwe okwingira mu‑musi omuyaaya ogwo okutura ku‑marango gaagwo na okurya amatwasyo ga riiti rinu erisoosya obhuwanga bhwa akajaanende koone.

INDAGANO INYA:YA

¹⁴ Bari na ribando banu bamotere ebifwaro byebwe korereki be:kirisibwe okukinga kwiti ryo buanga, baitiŋane mu musi.

Obhusweruro 22:14 ပူးပေါင်းရင်းမြစ်များ

Yowana 10:7

Mbe, Yeesu ˆnaabhabhwira rindi ati, “Ni chimari enibhabhwira ati, anye naanye rirango rinu jinaama ejitura‑mo okwingirira mw‑igutu.

Yowana 10:9

Anye naanye rirango eryo. Woonewoone unu keengira mw‑igutu okutura kw‑anye arichungurwa, ka wone aribha na obhwitaage bhwa okuwuruka na okwingira, na okugenda okureebha mu‑bhureebho bhwa ekisi.

Yowana 14:15

“Araabha mukanyeenda, murigwata ebhiraagiro bhyani.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Yowana 4:12

Saaja weeswe Yakobho niwe ꞉aachiyaaye rijibha rinu, omwene wone aariga ˆnaanywa amanji ga munu aamwi na abhaana bhaaye na ebhitunganwa bhyaye. Angu woori, awe owirora wuti uri mukuru okumukira?”

1 Bakorinto 7:19

Okutendwa amwi okurema okutendwa kutari‑mo omuriiro. Echiinu chinu chiri na omuriiro ni kuruubha amaragiriro ga Nyamuwanga.

1 Bakorinto 8:9

Nawe mwiyangarire kisi, obhwitaage bhwemwe bhwasiga okukora mubhe echiikuujuro ku‑bhanu bhachaari okurumatana mu‑riikirisya.

1 Bakorinto 9:5

Woori, omwitogera ati eswe chitari na obhwitaage bhwa okugenda na abhagasi abheekirisya, mu‑rugendo rwa okuraasya emisango inguru ya Kirisito, rwa kutyo jitumwa ejindi, na abhamura bhaabho Raatabhugenyi Yeesu abhagenda nabho, noorwo Keefa?

Bagalatia 5:6

Mbe araabha chiri na obhumwi na Kirisito Yeesu, okutendwa amwi okurema okutendwa kutari na obhugajuro bhwonebhwone. Echiinu cha bhusibhusi ni riikirisya ryeswe rinu erikora emirimu mu‑ryenda.

1 Yoana 3:3

Kurwa ejo, omuunu woonewoone unu ari na obhwiyikanyo obhwo, keendwa asigane na ebhibhiibhi, rwa kutyo Kirisito atakukora ebhibhiibhi.

1 Yoana 5:3

Okubha okwenda Nyamuwanga ni kugayuka ebhiraagiro bhyaye. Ka wone okugayuka ebhiraagiro bhyaye kutari kukomeeye,

Obhusweruro 2:7

Unu kaategeresya, noongwe emisango jinu Mwoyo Mweru kaabhwira amakanisa. Woonewoone unu ariyiga, nirimwikirisisya okurya amatwasyo ga riiti rinu erisoosya obhuwanga bhwa akajaanende koone. Riiti eryo riri mu‑rwire mw‑isambu rya Nyamuwanga.

Obhusweruro 21:12

Wone, gwariga guri na indugu inene ireeyere, iri na emiryango ekumi na ebhiri. Bhuri omuryango gwarindwaga na maraayika, ka wone bhuri omuryango, gwariga gukaamirwe‑ko risiina rya oruganda rumwi ku‑ngʼanda ekumi na ebhiri jirya ja Yisirayeeri.

Obhusweruro 21:27

Nawe echiinu choonechoone chinu chiri echijabhi chitariingira mu‑musi omwo noorwo na akatyari, noorwo omuunu woonewoone unu kaakora emisango jinu ejifuruurusya amwi ja orubheeyi. Tari bhanu bhariingira mu‑musi omwo ni bharya era bhanu amasiina geebhwe gakaamirwe mu‑chitabho cha obhuwanga cha Omwana wa Inaama.

Obhusweruro 22:2

Amanji ga omusima ogwo, gaawururaga nigatura agatigati ya riparapara rikuru rya omusi ogwo. Mbaara joone ja omusima ogwo, ryariga riri‑wo riiti rinu erisoosya obhuwanga bhwa akajaanende koone. Riiti eryo, ryatwasyaga amatwasyo kwiya rumwi ku‑kwesi na kwiya ekumi na ebhiri ku‑muguuga. Amasya ga riiti eryo ni muti gwa okuwosya amaanga.

Obhusweruro 22:7

Yeesu kaayika ati, “Tegeresya! Eniija bhwangu. Bharibhona amabhando bhanu abhagayuka na okuruubha emisango ja obhuragi bhwa echitabho chinu.”

Obhusweruro 7:14

Niimusubhya ati, “Mwami waani, awe naawe umenyere.” ˆNaambwira ati, “Abhaanu abho nibho ꞉bhaayigire ebhinyaasyo bhinene bhirya. ꞉Bhaafurire emingiro jeebhwe mu‑sagama ya Omwana wa Inaama, nijeera pee.