Obhusweruro 22:1 - Indagano Inyaaya mu-Chijita

¹ Neeya maraayika urya ˆnaanyeeresya omusima gwa amanji ganu agasoosya obhuwanga. Omusima ogwo gwariga nigubharangirya rwa rirore na gwariga niguwurura okusooka mw‑ifuufu rya echitebhe cha ingʼoma cha Nyamuwanga na Omwana wa Inaama.

INDAGANO INYA:YA

¹ Nanyeresya omusima gwa manji go buanga, gunu ogurabangirya rwa rirore, niguso:ka mu citebe ca iŋoma ca Nyamuanga ne co Mwana wa Ina:ma, niguurura aagati ya injira yo musi.

Obhusweruro 22:1 ပူးပေါင်းရင်းမြစ်များ

Yowana 13:32

Araabha rikusyo rya Nyamuwanga eribhonekana okutura kw‑anye, mbe Nyamuwanga wone aryeresya abhaanu rikusyo ryani, anye Omwana wa Omuunu. Ka wone kaja okukora kutyo bhwangu.

Yowana 15:26

“Nirituma kw‑imwe Omusakisi, niwe Mwoyo Mweru, unu kaja okuswerurira abhaanu echimari. Omusakisi oyo, kaasooka ku‑Raata, na omwanya gunu aribhakinga‑ko, arisoosya obhubhambaasi bhwa echimari inguru yaani.

Yowana 4:14

Nawe omuunu unu kaanywa amanji ganu anye enimuyaana, atakuja okuungwa obhwiro noorwo na akatyari kajaanende koone. Amanji ganu enija okumuyaana, agaja okubha rwa omumiro gwa amanji mu‑mwoyo gwaye ganu agabhogomera obhuwanga bhwa akajaanende koone.”

Ebikorwa 2:33

Nyamuwanga ꞉aamwinamusiisye na okumuriinyya ku‑chibharo cha inguru, woori eenyanjire orubhaara rwaye rwa ebhuryo. Ka wone Raata Nyamuwanga ayaaye Yeesu Mwoyo Mweru rwa kutyo ꞉aamuragire. ꞉Aachiitururiiye Mwoyo Mweru, ebhikorwa bhyaye, nibhyo bhinu omurora na okuungwa.

Obhusweruro 1:1

Bhunu nibhwo obhusweruro bhwa Yeesu Kirisito. Nyamuwanga ꞉aamusweruriiye, korereki eeresye abhakosi bhaaye emisango jinu ni bhusibhusi jikorekane bhwangu. Yeesu wone ˆnaaragirira maraayika waaye okunnyeeresya emisango ejo anye omukosi waaye Yowana.

Obhusweruro 21:11

Omusi ogwo, gwariga guri na rikusyo rya Nyamuwanga na gwangʼarabhyaga rwa ribhuyi rya obhugusi obhurambu rya yaasipi rinu ryabharangiryaga rwa rirore.

Obhusweruro 21:6

ˆNaambwira rindi ati, “Jakuumiiye! Anye naanye Obhwambiro na Obhuteero, anye naanye unu enaambisya emisango joone na okujikuumisya. Bhuri muunu unu ari na obhwiro bhwa amanji, nirimuyaana amanji ga okunywa okusooka mu‑mimiro ja amanji ganu agasoosya obhuwanga, atagurire wuri.

Obhusweruro 21:9

Neeya owumwi wa bhamaraayika bhataanu na bhabhiri bharya, bhanu bhaariga bhari na amabhakuri gataanu na gabhiri ga jitambara etaanu na ebhiri ja obhuteero, ˆnaaja ˆnaambwira ati, “Iija enu, nikweresye omwenga, unu aribha omugasi wa Omwana wa Inaama.”

Obhusweruro 22:17

Mwoyo wa Nyamuwanga na omwenga wa Omwana wa Inaama abhabhirikira Raatabhugenyi Yeesu, nibhaayika ati, “Iija!” Abhaanu bhoone wone bhanu bharyungwa emisango ejo bhaayike ati, “Iija!” Woonewoone unu ari na obhwiro, aaje anywe amanji ganu agasoosya obhuwanga, atagurire wuri.

Obhusweruro 22:6

Neeya maraayika oyo, ˆnaambwira ati, “Emisango jinu ni ja okwiyikanyibhwa na ja echimari. Raatabhugenyi Nyamuwanga unu kaayaana abharagi Mwoyo Mweru waaye, ꞉aatumire maraayika waaye okweresya abhakosi bhaaye emisango jinu ni bhusibhusi jikorekane bhwangu.”

Obhusweruro 3:21

Omuunu woonewoone unu ariyiga, nirimwikirisisya okwinyanja aamwi na anye ku‑chitebhe chaani cha ingʼoma, rwa kutyo anye wone ꞉naayigire, woori niinyanjire na Raata waani ku‑chitebhe chaaye cha ingʼoma.

Obhusweruro 5:13

Niwo ninuungwa ebhibhumbwa bhyone mu‑rwire eyo, ku‑chaaro anu, mu‑nyombe eyo na mu‑nyanja nibhiimba aamwi, “Omwene unu eenyanjire ku‑chitebhe cha ingʼoma, na Omwana wa Inaama, bhakusibhwe, bhayaanwe echibharo, bhayaanwe rikusyo na obhuturo akajaanende koone!”

Obhusweruro 5:6

Niwo nindora Omwana wa Inaama eemereeguuyu ayeeyi na echitebhe cha ingʼoma. Wone aariga eyindirwe na ebhibhumbwa bhina bhirya na abhakaruka makumi gabhiri na bhana bharya. Omwana wa Inaama oyo, aariga ˆnaabhonekana wuti atemerwe omutwe. Ka wone aariga ari na amayembe gataanu na gabhiri na ameeso gataanu na gabhiri. Ameeso ago ni emyoyo etaanu na ebhiri ja Nyamuwanga jinu jaariga jitumirwe bhuri orubhaara ku‑chaaro choone.

Obhusweruro 7:17

Okubha, Omwana wa Inaama unu ari yeeyi na echitebhe cha ingʼoma aribha omureefi weebhwe. Aribhatangasya bhoone okuja ku‑mimiro ja amanji ganu agasoosya obhuwanga akajaanende koone. Nyamuwanga omwene aribheeya amasiga geebhwe goone.”