Obhusweruro 21:6 - Indagano Inyaaya mu-Chijita

⁶ ˆNaambwira rindi ati, “Jakuumiiye! Anye naanye Obhwambiro na Obhuteero, anye naanye unu enaambisya emisango joone na okujikuumisya. Bhuri muunu unu ari na obhwiro bhwa amanji, nirimuyaana amanji ga okunywa okusooka mu‑mimiro ja amanji ganu agasoosya obhuwanga, atagurire wuri.

INDAGANO INYA:YA

⁶ Nambwira ati, Jaku:miye. Nanye Alufa na Omega, nanye obwambiro no bute:ro. Unu ari no bwiro ndimunywesya ku cinyo ca manji go buanga kutyo era.

Obhusweruro 21:6 ပူးပေါင်းရင်းမြစ်များ

Yowana 4:10

Yeesu ˆnaamusubhya ati, “Araabha ukabheeye nuumenya echiyaanwa cha Nyamuwanga, na unu kaakusabhwa amanji ga okunywa, waakamusabhirwe, na omwene aakakuyaaye amanji ganu agasoosya obhuwanga.”

Yowana 4:11

Omugasi oyo, ˆnaasubhya Yeesu ati, “Mwami, awe utari na echiinu cha okutayira amanji, ka wone, rijibha rinu ni reera. Woori owuja okubhona aaki amanji ganu agasoosya obhuwanga?

Yowana 4:14

Nawe omuunu unu kaanywa amanji ganu anye enimuyaana, atakuja okuungwa obhwiro noorwo na akatyari kajaanende koone. Amanji ganu enija okumuyaana, agaja okubha rwa omumiro gwa amanji mu‑mwoyo gwaye ganu agabhogomera obhuwanga bhwa akajaanende koone.”

Barumi 3:24

Nawe ku‑bhwitiriranya bhwa Nyamuwanga, abhabharwa ati ni bharengeresi imbere yaaye, bhatasoosiisye echiinu choonechoone wuri. Bheeruuywe okusooka mu‑bhibhiibhi bhyebhwe okutura ku‑Kirisito Yeesu.

Barumi 8:32

Nyamuwanga ꞉ataafwiriiye echigongo Omwana waaye omwene, tari ꞉aamusoosiisye korereki afwe inguru yeeswe bhoone. Kurwa ejo, araabha ꞉aasoosiisye Omwana waaye inguru yeeswe, chimari arichiyaana amabhando goone okutura ku‑mwene!

1 Bakorinto 2:12

Nyamuwanga ꞉ataachiyaaye obhwiganirisya bhwa ku‑chaaro kunu, tari ꞉aachiyaaye Mwoyo waaye, korereki chimenye jinu chiyaaywe ku‑bhwitiriranya bhwa Nyamuwanga.

1 Bakorinto 3:12

Inguru ya orufuka orwo, omuunu kaatura okuumbaka‑ko kwa inaaryo, kwa ebhyuma bhya obhugusi obhurambu, amwi kwa amabhuyi ga obhugusi obhurambu, kwa amati, kwa amanyaasi, amwi kwa amabhubha,

1 Bakorinto 3:21

Woori omuunu woonewoone aasiga okwikuuya isonga iri ati omwene ni muruubhirisya wa omuunu omurebhe, kwa okubha eswe bhoone Nyamuwanga achiteeye‑wo okubhasakira emwe,

1 Bakorinto 3:5

Mbe woori, Apooro niga? Ka Pawuro niga? Eswe chiri bhakosi bhanu Nyamuwanga ꞉aachitumire okubhasakira korereki mumwikirisye. Bhuri umwi kaakora emirimu jinu ꞉aayaaywe na Raatabhugenyi.

Obhusweruro 1:11

Obhuraka obhwo nibhumbwira ati, “Kaama mu‑chitabho emisango joone jinu owuja okurora. Ukamara usire echitabho echo mu‑makanisa ganu gari mu‑misi etaanu na ebhiri jinu jiri Yefeeso, Simuriina, Perigaamo, Tiyaatira, Sariidi, Firadeefiya, na Rawodeekiya.”

Obhusweruro 1:17

Nejire naamurora, ningwa ku‑maguru gaaye bhwifumbike wuti nifuuwe. Nawe, ˆnaankuunʼya‑ko na okubhoko kwaye kwa ebhuryo, ˆnaambwira ati, “Siga okuubhaya! Anye niri wa okwamba na owa obhuteero.

Obhusweruro 1:8

Raatabhugenyi Nyamuwanga kaayika ati, “Naanye Obhwambiro na Obhuteero. Anye niri‑wo, naariga niri‑wo na niribha‑wo. Anye niri Nyamuwanga owa obhuturo bhwone.”

Obhusweruro 10:6

ˆNaarayira kw‑isiina rya Nyamuwanga unu ari omuwanga akajaanende koone, omubhumbi wa orutumba, echaaro, inyanja na bhinu bhiri‑mo. Maraayika oyo, ˆnaayika ati, “Omwanya gwa okurindirira rindi gutachaari‑wo.

Obhusweruro 16:17

Niwo, maraayika wa kataanu na kabhiri ˆnaasuka ku‑rutumba risungu rya Nyamuwanga rinu ryariga riri mw‑ibhakuri ryaye. Ninuungwa obhuraka obhunene nibhusooka ku‑chitebhe cha ingʼoma mw‑Iyekaru rya Nyamuwanga, nibhwayika ati, “Joone jaakorekeene!”

Obhusweruro 22:13

Anye naanye Obhwambiro na Obhuteero, anye naanye unu enaambisya emisango joone na okujikuumisya.”

Obhusweruro 22:17

Mwoyo wa Nyamuwanga na omwenga wa Omwana wa Inaama abhabhirikira Raatabhugenyi Yeesu, nibhaayika ati, “Iija!” Abhaanu bhoone wone bhanu bharyungwa emisango ejo bhaayike ati, “Iija!” Woonewoone unu ari na obhwiro, aaje anywe amanji ganu agasoosya obhuwanga, atagurire wuri.

Obhusweruro 3:14

“Ukaamire maraayika wa mw‑ikanisa rya Rawodeekiya kutya, Anye, naanye Jibhe kutyo, omubhambaasi omwiyikanyibhwa wa echimari inguru ya Nyamuwanga. Anye, naanye obhusimukwa bhwa ebhibhumbwa bhyone bhinu Nyamuwanga ꞉aabhumbire. Mutegeresye jinu enibhabhwira!

Obhusweruro 7:17

Okubha, Omwana wa Inaama unu ari yeeyi na echitebhe cha ingʼoma aribha omureefi weebhwe. Aribhatangasya bhoone okuja ku‑mimiro ja amanji ganu agasoosya obhuwanga akajaanende koone. Nyamuwanga omwene aribheeya amasiga geebhwe goone.”